Nehemaia 11:16 - Nobonob Baibel

¹⁶ Lewi buɗubppan mana mettak danab iitta, danab amu oolagppanu aɗit laa aa Jerusalem daapiɗ am Sabetai, Josabat ele. Aa am Lewi buɗubppan mana mettak danab iitta, aa amu dilag ikki aɗit, amu aa Kayak laugnu uɗat dimittim dayom, aa uɗat amu gumapiɗ.

Nehemaia 11:16 ပူးပေါင်းရင်းမြစ်များ

1 Stori 26:20

Aria, Lewi buɗubppan mana mettak danab iitta, amu oolagppanu laa ag Kayak laugnu en maknu oo anen anen, amu oo anen anen keeke laala Kayaknu tituanna mettak daappig amu, ag amu gumappig.

1 Stori 26:29

Ishar buɗubnu amu, Dawit aɗi ag heeg, Kenania, nug bekkod ele ag Kayaknu mettid lakka, appa uɗat ii heppig. Iitta. Ag Israel wan laih laihppa Israel dilag ehanittak anuqak danab, epeɗiak danab ele daappig.

Esra 10:15

Danab ag anam appig, am danab oh ag amunu ena dooppig; Asahel bekka Jonatan, Tikwa bekka Jasea ele, aa aya nai amunu ena ii doyeheh, Lewi buɗub laa Sabetai, danab laa onig Mesulam ele, aa danab aɗit amu ehanatpiɗ.

Esra 8:33

Ig deɗ ewam hik aot malat, ig deɗ waɗeleppa ihinig Kayaknu mettid lag, amuppa teta, ig silwa, gol, amu keeke Kayaknu tituanak daatte ele skelppa mewota, ig keeke amu oh mana mettak danab Uraia bekka Meremot eppegppa memut. Haen ig keeke amu oh nug eppegppa memut amu, mana mettak danab laa, Pinias bekka Eleasar, amu Lewi buɗubppan mana mettak danab iitta, ag am Jesua bekka Josabat, Binui bekka Noadia ele, ag ele oh daappig.

Nehemaia 11:15

Aria, Lewi buɗubppan mana mettak danab iitta, ag uɗin, Jerusalem daappig amu, ag am inam: laa am Hasup bekka Semaia. Semaia mameg am Asrikam. Asrikam mameg am Hasabia. Hasabia mameg am Buni.

Nehemaia 11:17

Amu laa Jerusalem dayom am Mika bekka Matania. Matania nug danab ah ag Kayak amegppa, “Ena heme,” akkulagnu, ag Nug unuqidkkulagnu daaegeg, nug ag ehanattette heppig. Mika mameg am Sabdi. Sabdi mameg am Asap. Bakbukia, nug ele Jerusalem dayom amu, nug am Matanianu ehanittak. Aria, Lewi buɗubppan mana mettak danab iitta, danab amu oolagppan laa Jerusalem dayom am Samua bekka Abda. Samua mameg am Galal. Galal am Jedutun buɗub laa.

Nehemaia 8:7

Ag amu hewona, ag eɗun hippaidna daaegeg, Esra ɗo nai maha maha ebqa male, Lewi buɗubppan mana mettak danab iitta, Jesua, Bani, Serebia, Jamin, Akup, Sabetai, Hodia, Masea, Kelita, Asaria, Josabat, Hanan, Pelaia ele, ag nai amunu meu mehuqppig.