Nehemaia 10:34 - Nobonob Baibel

³⁴ Ig Lewi buɗubppan mana mettak danab, ig Lewi buɗubppan mana mettak danab iitta, amu ig danab ah laa oh ele, ig Yawe, ihinig Kayak, ig nuhig qaɗabppa aab ilak daakkunu, ig, ig baenkadppa ele, ig maɗ maɗppa ihinig haen adekkuppa aab aot uɗit, Kayaknu mettid lag, amuppa mekkunignu om ena yaat anidmut amunu, ig amu dim lamidkkunig. Qaɗabppa maiglagnu Yawe Nug ig anam hekkunignu ɗo mekke, Moses bukppa yom amu, yaak amu niitte bia, ig aakku hekkunignu bappaidmut.

Nehemaia 10:34 ပူးပေါင်းရင်းမြစ်များ

1 Stori 24:5

Ag anam daappig, amge Eleasar buɗubnu, Itamar buɗubnu ele laa ag Kayaknu mettid lagnu anuqak danab daan, Kayaknu ɗo maɗoɗnu uɗat heppig amunu, nai daamanu obatak atten ag haen adekku uɗin, maɗi ahilag hekkulagnu, ag amu dooglagnu ag om ena yaan dooppig.

1 Stori 24:7

Ag tatam om ena yaaeg, Jehoiaripnu obatak ag uɗin, uɗat hekkulagnu haen tatam aoppig. Jehoiaripnu obatak dimugppa Jedaianu obatak ag uɗin, uɗat hekkulagnu haen aakku aoppig.

2 Stori 2:3

Amu Solomon nug anam hewowa, nug nai laa imu me, Tair dilag king Hiram, nuhigppa ukkom. Nug aum. “Anukka da mamel Dawit nug nuhig lag enanagnab, nug aguppa daakkunu bappaidkkunu heehe, na ad sida kuɗum me uɗiom amu, da na ad amubia baula meppe uɗikkunu ool daatte.

Esra 3:5

Ag amu hewona, dimppa ag deɗ ohnu manaknu ofa hattana, ag kalam bau bettenu deɗppan mana mettak ele hattana, aria, hobul dayaknu haen epeɗiak, hobul amuam Kayaknu tituanak daatteb amu, ag hobul amunu deɗ anen anenppan mana mettak ele, ag doɗ manadna, Yawe mettanna, ag ɗo hamu mettaknu ofa ele hattana, Yawe medappig.

Nehemaia 11:1

Amu danab ah ag eɗun, Babilon wanppanu uɗin, Juda wanppa daaglagnu bena, ahilkad okkai ag Jerusalem, aab amuam Kayaknu tituanak daatte, ag appa tena daappig. ⌊Amge danab ah laa ag Jerusalemnu iitta, ag aab laala, ag mamelkad aɗi anukka amuppa daappig amu, ag aguppa daappig. Ag anam daana, danab ah elele Jerusalem appa daaglagnu⌋ ag Israel danab oolagppanu om ena yaakppa danab eblaih laih ele oolagppanu laippu nug Jerusalem, Kayak Nug aab okkai amu nuhig daakkunu tituanom amu, ag appa daakkunu anidna, danab eblaih laih ele amu oolagppan danab eblaih waɗele laa amu, ag eɗun aab laala, mamelkad aɗi daappigppa daaglagnu ele anidppig.

Nehemaia 13:31

Laa ele amu, da danab ah ag deɗ deɗppa aab aon meppeg, mana mettak danab ag aab amuppa qaɗabppa doɗ manadna, Kayak mettaglagnu ib bappaidmi. Laa amu, da danab ah ag dattanu ee tatam oɗutte ele aon uɗin, Kayaknu mettid lakka mekkulagnu ele ib bappaidmi. O Kayak dahil, na dahilnu dabmena, ehaniɗkkutnu oɗ medattem.

Prowerb 18:18

Om ena yaakppa nai hak am babaittak daatte. Ao, om ena yaak am he, danab ɠagattag dilag nug qak aakku iitta mette.

Aisaia 40:16

Danab laa nug tutukku manaknu ofa laa hekku dayeb amu, ad oh Lebanon appa daatteb, am aab amu awa ileb, mana mettak amu eweb iitta mekkunu elele iitta. Doɗ ⌊mana mettaknu elele⌋ appa ana daatteb ele amu, ag ele ebqak ahilag am elele iitta.

Lewitikas 24:5

⌊Amu Yawe tuɗitta aum.⌋ “Amu ele, na 12 kilogram plaua enanag aon, bret batappatak 12 manakkutoitte. Na bret anen anen 1 kilogram plauappa hekkut.

Lewitikas 24:6

Bret amunu amu, na Yawe noobppa balal, gol ena dubuttid iitta eleppa hak, huu yaak aɗit anen anenppa, eblaih laippu ele maadkkut.

Namba 28:2

“Na Israel amelagppa haknunab nai imu appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Ag doɗ, ee ele manan, mana mettak hekkulag amu, haen da ag meɗaglagnu ami, haen amuppa ag aon, da gumiɗna uɗin, da meɗaglagnu daatte. Mana mettak amuam dahilnu aab aɗunu ofa, nuhig muttuɗignu amu, da, Yawe, da ool ena dootte,” awa aum.

Aposel 1:26

Anam unuqittona, aria ag oom ena yaak hena, Matias anam daakkunu anidppig. Ag anam anidna, totol danab 11 amu ele tuɗidppig.

Josua 9:27

amge Josua nug haen amuppa he, Gibeon danab ah ag Israel danab ah dilag, amu Yawenu qaɗabnu ele, aben adeppa qaɗab buuaknu, Yawe Nug epeɗikku amu, ag amunu ele aab awak, amu le itak uɗat ele hedappig. Babaittak ib amunu amu daye uɗie, gemu ⌊nai imu yaak haenppa⌋ ele, anamib daatte.