Nehemaia 10:29 - Nobonob Baibel

²⁹ ig oh, anuqak danab ele ig oh laippu daat, ig genabnab genab Kayaknu ɗo, Nug nuhig uɗat danab Moses oɗeppa ɗo mekkom amu, ɗo amu ig dim lamidkkunignu nai qakkat attem. Ig Yawe, nuhig haknunab nai, ɗo iɗu iɗu oh ele dim lamidkkunig. Ig ihinig nai imu ig ɠagattag qeta atata, ig ii dim lamidkkunig dayeb amu, ig eheɗ laa awaknu anak waappa daagnignu oonig daatte attem.

Nehemaia 10:29 ပူးပေါင်းရင်းမြစ်များ

Esekiel 36:27

Amu da ele da Ouɗil ag matten, da heppi, ag dahil nai dim lamidkkulagnu dabmak anuqak aɗan oiglag. Ag dahil ɗo iɗu iɗu ii tippalmananu dabmak okkainab aoglag.

Sam 119:106

Da nahip ɗo, ag genab tutukkuib amu, da ɗo amu dim lamidkkulnu nai ɠagattag qetten ami. Da amu ain, da amuib hekkulnu baula ɠagattag ami.

Jon 15:14

Amu ag da haknunab anak nai ag mattami dim lamidtteb dayeb amu, ag da lailad daatteb.

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

2 Stori 34:31

King nug nai amu ebqewowa, nug Yawenu mettid lag, amuppa king aben laa biidod daugppa daakkunu tituanak dayom amu, nug aguppa, Yawe noobppa daye, nug nug tituana nai qakkak amu dim lamidkkunu nai baula qakkom. Nug nai amu qagakka, nug Yawe dim lamittatta, Yawenu haknunab anak, nuhig ɗo iɗu iɗu oh ele nug meu ohppa, oo ohppa ele dim lamitta, nug nug tituana nai qakkak bukppa nai aɗi aɗi dayom amu, nug nai amu ele dim lamidkkunu Yawe amegppa aum.

2 King 23:3

King nug nai amu ebqewowa, nug Yawenu mettid lag, amuppa biidod daugppa, nug aguppa, Yawe noobppa daye, nug nug tituana nai qakkak amu dim lamidkkunu nai baula qakkom. Nug nai amu qagakka, nug Yawe dim lamittatta, Yawenu haknunab anak, nuhig ɗo iɗu iɗu oh ele nug meu ohppa, oo ohppa ele dim lamitta, nug nug tituana nai qakkak bukppa nai aɗi aɗi dayom amu, nug nai amu ele dim lamidkkunu Yawe amegppa aum. Nug amu hekkunu amu, nug aɗi aɗi nai buk itoɗiak amuppa dayom ele, nug amu oh dim lamidkkunu aum. Nug anam he, dimppa danab ah oh ag ele nug tituana nai qakkak amu dim lamidkkulagnu appig.

Aposel 23:21

Amge ag hambubutteb amunu, na ahilag nai amu aib dim lamidme. Aɗinu? Ag Juda danab 40 eɗittak amu ag Pol qeppeg mauhkkunu inam nai ɠagattag qettan appig. ‘Ig ee le ele paha ii lamata. Iitta. Ig hamu daapput ukkeb, ig Pol qepput mauheb dimppa ig eɗut ee lakkunig.’ Ag anam appig. Ag anam hekkulagnu mattin bappaidppig amu geha iikku ag na ahilag nai amu doon, aɗi appe dooglagnu ameg mak daatteb,” awa aum.

Aposel 17:34

Pol nug uuatta ukkom, amge laa ag oolagppa genab doona, Pol dim lamidppig. Laa amu Dionisius, nug am Areopagusnu epeɗiak danab. Laa amu ah onig Damaris amu laala ele.

Aposel 11:23

Haen nug Antiok ukka teum amu, nug danab ah ag Kayaknu ehanittak okkai hamu mettak, ag ehanittak amu aoeg, ag oolagppa uɗat heehe, ag Kayak dim lamidppig antta amu, nug oo gamag ahe, dabmak aoglagnu, ag hanhan ag oolag Naɗiib mettan oiglagnu ɠagattag aqom.

Jon 7:19

Anukka Moses nug ag ɗo mattom, amge ag oolagppa laippu laa nug ɗo amu tutukkunab dim ii lamidtte amunu, aɗinu da iuppeg mauhkkulnu hetteb?” awa aum.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Malakai 4:4

Amu Yawe Nukka Ɠagattag Oh Ele Nug atte. “⌊Ag nai dim lamidna hekkulagnu⌋ ag dahil maɗi nid Mosesnu nai aoppig amu, nai amu ag daulagppa doaɗ! Ao, ag ɗo iɗu iɗu, da Horep qaukoppa Israel oh dilagnu nug mettami amu, ɗo amu ag daulagppa doaɗ!

Jeremaia 26:4

Amu na ag amelagppa inam akkut. ‘Yawe Nug inam atte. “Ag daulag human dahil nai ii dooglag, ag dahil ɗo da ag mattami ii dim lamidkkulag,

Aisaia 14:1

⌊Yawe Nug geha Babilon heeb nauhkku.⌋ Aɗinu? Yawe Nug Israel danab ah dilagnu oo doya, oo madakku. Nug anukka ag nuhig danab ah daaglagnu Nug tituanattom, anamib geha Nug baula tituanatteb, ag nuhig daaglag. Amu Nug heeb, Israel ag eɗun gona, wan ahilagppanab daaglag. Ag daappeg, wan laihnu danab ag geha uɗin, Israel oolagppa daaglag. Daanna, Jakop buɗub bia bena daaglag.

Sam 105:45

Yawe Nug keeke amu oh heumnu diig am, Israel danab ah ag anidna, ag nuhig oo yaak nai ɗo bia dim lamidna, nuhig ɗo ele dim lamidkkulagnu Nug heum. Ag Yawe binag meig!

Sam 8:9

O Yawe, na ihinig Naɗi, danab ah wan atu ohppanu ag na oninnu am enanag dootteb.

Sam 8:1

O Yawe, na ihinig Naɗi, danab ah wan atu ohppanu ag na am dagom onin ɠagattag ele dootteb. Ao, nahip binag amahlak oppiaawak ele hab eɗittak daatte.

Nehemaia 13:25

Juda danab amu ag ah amu diieg, nid amubia daaegeg anatten, da ag daulag baten, ag eheɗ laa awaknu anak waappa daaglagnu nai ami. Da danab amu laala makkuɗatten, laa ikkilkad uɗug eppelppa hiɗami. Da wagai mei, ag dahil nai dim lamidkkulagnu anana, ag nai ahilag Kayak onigppa ɠagattag qettan appig. Dahil nai da ag amelagppa ai doon dim lamidkkulagnu ahilag nai ɠagattag qettan anana, nai ahilag amuam inam. Ag ahilkad nid ah wan amuppan danab ahilkad ah daaglagnu ii mattamnanu, ag wan amuppan ah diin, ag bekkalkad ele ahilkad ah daaglagnu ii mattamnanu, appanu ah ele ag akka ii diimna.

2 Stori 6:16

Am gemu Yawe, na ig Israel ihinig Kayak amu, da na oɗ medattem. Na nai ana qakkak laa da mamel Dawit, nahip maɗi nid, na nug amegppa ame amu, na amunu ele heppe bekkunu oɗ medattem. Na nug amegppa inam ame. ‘Dawit, na begapad ag na hettem bia, ag haen oh da pehettak, dahil ɗo ippunadtte bia dim lamiɗna, da noolppa oiglag dayeb, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag,’ aon ame.

2 King 10:31

Amge Jehu nug Yawe, Israel dilag Kayak, nug nuhig ɗo oh, nug meu ohppa ii dim lamittom. Iitta. Nug Jeroboam hipunin hatta he, Israel danab ah ele ag hipunin amu hadappig amu, nug hipunin amu hekkunu ii uua di-ii-mettom.

Duteronomi 33:4

Da, Moses, da Kayaknu ɗo, danab ah mattami. Ɗo amuam Israel danab ah, ahilagnab.

Duteronomi 5:32

⌊Yawe Nug Moses amegppa anam aum amunu, Moses nug Israel amelagppa aum.⌋ Anam amunu, ag Yawe, ahilag Kayak, ag nuhig haknunab nai oh tutukku dim lamitteg; ag aib dabmak laa aon baolippig!

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!

Nehemaia 9:38

Anam amunu ig Israel danab ah, ig ⌊na Kayak, ig na dim lamidkkunignu⌋ nai qagattem amu, ig nai qakkak amu pepappa yaat, ihinkad ikki danab, ihinkad mana mettak danab, ihinkad Lewi buɗubppan mana mettak danab iitta ele amu, ag ig genab nai amu dim lamidkkunignu ahilkad at stemp-ppa daatteb pepa amuppa yaatteb.

Jeremaia 34:15

Tumaiib ag oolag eɗue, ag kobol laa dahil neekkakppa am kobol tutukku, ag amu dim lamidna heppig. Ag anen anen ag Hibru danab ah ahilkad maɗi nid daappig ele, ag ag uhuqatteg, ag aakku uhuqak aon, hamu daappig. Ag kobol ena amu heppig ele amu, ag hamu dabmenan, ii heppig. Iitta. Ag amu hekkulagnu lag laa, lag amuppa da onil daatte amu, ag lag amuppa ag amu hekkulagnu nug tituanna nai qagappig.

Lewitikas 20:26

Da, Yawe, da oppiaawak daattem amunu, ag dahilnu oppiaawak ele daaglagoitte. Da ag danab ah diilag laa ele daan, dahiladnab daaglagnu, danab ah laa oh oolagppanu tituanadmi.

1 Stori 9:2

Ag gona, Babilon wanppa diia ukka laih me dayak danab ah daaeg ukke, king laa nug ag eɗun uɗiglagnu elele a, laa tatam uɗippig am mana mettak danab laala, Lewi buɗubppan mana mettak danab iitta, amunu laala, amu Yawenu mettid lagnu maɗi nid laala, amu Israel danab ah laala ele.

Nehemaia 7:46

Danab ag Kayaknu mettid lagnu maɗi nid anukka daappig, gemu ag buɗulkad eɗun uɗippig amu, ag mamelkad aɗi onilkad am inam: Siha, Hasupa, Tabaot,

Nehemaia 8:2

Ag anam appig amunu, kalam ebqak eblaih aɗit ele, kalam amunu deɗ digmakppa amu, mana mettak danab Esra nug ɗonu buk amu awa uɗia, danab, ah, nid ag nakok okkai mak, nai doon diig dooglagnu elele daappig, ag ele oh noolagppa hibaitta dayom.

Nehemaia 8:3

Nug ag noolagppa hibaitta daya, nug buttuanab digma, ɗo nai buk amu ebqe ukke ukke, aam ameg tutukku dayom. Nug haɗap Lenu Od guguittak daatte, nug haɗap amu neekkakka, danab, ah, nid ag nakok okkai mak, nai doon diig dooglagnu elele daappig, ag ele daaegeg ebqeum. Nug ebqeeqe, amu oh ag daulag human, Ɗo Nai Buk amunu nai dooppig.

Nehemaia 9:2

Israel buɗub qagmeppig ele ag, ag wan laihnu danab dilagnu, ag akka ag awaidna daappig. Ag amu hena, ag qagmena, hippaidna daanna, hipunin ag heppig, ag mamelkad aɗi nau aɗi heppig, amu ele ag Kayak amegppa miagib madippig.