Nehemaia 1:7 - Nobonob Baibel

⁷ Ig nahip haknunab anak, nahip ɗo iɗu iɗu ele, na nahip maɗi nid Moses mettame amu, ig nai amu oh dim ii lamidtata, ig na noomppa naunab hemut.

Nehemaia 1:7 ပူးပေါင်းရင်းမြစ်များ

1 King 2:3

Amu na Yawe, nahip Kayak, na nuhig nai ig hekkunignu mekkom, nuhig kobol oh ele dim lamitte! Na gona, adeppa adeppa daanna, appa na keeke aɗi hettem, amu keeke amu ena bekkulagnu, na nuhig ɗo iɗu iɗu oh, amu nuhig haknunab anak oh ele, Nug Moses oɗeppa ig mekkom amu, na amu oh dim lamitte!

2 Stori 25:4

Nug he, aa mauhpiɗ, amge nug Yawenu haknunab nai, Ɗo Nai Buk, Kayak Nug Moses amegppa a, Moses nug bukppa yom amu, nug nai amu laa dim lamitta, danab amu, aa nug mameg qeeh mauhom, nug aa bekkalti ii aqe mauhppig. Haknunab nai amuam inam. “Ag nid dilag hipuninnu anig mameg ii aqappeg mauhkkulagoitte. Am anig mameg hipunin heppignu nid ii aqappeg mauhkkulagoitte. Aun laa nug eheɗ heum, am nukka nuhig eheɗnu qeppeg mauhkkuoitte; laa ii mauhma.” Nai amu daatte amu, Amasaia nug amu dabmaama, nug nai amu dim lamittom.

2 Stori 27:2

Jotam nug Yawenu neekkakppa kobol genab tutukku ele dim lamittom; nug mameg Usia heum bia, nug heum. Amge nug mameg Usia nug Yawenu mettid lag ooppa ukkom bia ii heum. Jotam nug anam heum, amge Juda danab ah ag kobol nau ahilag ii uuppig, henan daappig.

Esra 7:6

Matu anak amuib, Esra amu, nug am nai yaak danab, nug Babilon appanu uɗia, Jerusalem beum. Nug am ippunittak danab laa, nug Mosesnu ɗo nainu sul okkai ha malom. Yawe, Israel dilag Kayak, Nug ɗo amu Israel danab ah mattom. Kayak Nug Esra ehanittom amunu, Esra nug keeke laa oh amunu king oɗ mettom ele, king nug nug mettom.

Sam 106:6

O Yawe, ig mamenkad aɗi ag hipunin heppig; ig ele aakku hemut. Ao, ig eheɗ hemut! Ig hak nau hetat oimut!

Sam 89:31

ag ɗo da ag mattaminu hamu bia doon ii dim lamidna, dahil haknunab anak ele ii dim lamidkkulag dayeb amu,

Sam 89:32

da ag bu okkai ag hipunin heppignu madakkul. Ao, ag hipunin heppignu, da bu okkai ag madakkul.

Aisaia 1:4

O gadon! Israel danab ah ag hipunin danab ah daatteb. Ag beɗulagppa aab okkainab ele. Israel anilkad mamelkad ele, ag nau hak danab ah. Kobol diig ena iitta uɗig wak ele Israel beɗulagppa ambeum daatte. Ag Yawe uuidppig oitteb. Ag Yawe, Nug am Israel, ahilag Kayak Oppiaawak Ele amu, ag nuhignu uuaknab doon oitteb. Ag Nug dimettan autna aoppig oitteb.

Daniel 9:11

Ig Israel danab ah oh, ig na dimettat, ig na dim lamidkkunignu uut, ig nahip ɗo tippalmut. Moses, nug na Kayak, nahip maɗi nid amu, nug danab ah ag nahip ɗo ii dim lamidkkulag dayeb, ag eheɗ laa awaknu anak waappa daaglagnu aum. Amu nug na danab ah ag nahip ɗo ii dim lamidkkulag dayeb, na uug madakkutnu nahip nai ɠagattag qettan mattime ele yom. Moses nug anam yom amu, na yaak amubia na he, ig bu qak nai ippunigtte bia aomut. Ig hipunin nahip-ppa hemut amunu, ig bu anam aomut.

Daniel 9:13

Moses ɗoppa yom bianab uug naunab amu oh ihinigppa beum, amge ig na ihinignu oot gai-iitta doon oot mekkan ehanigkkutnu ig ihinig hipunin ii dimettat, ig na Yawe, na ihinig Kayak, ig nahip doyak diig genabib ii dabmetat dim lamidmut.

Hosea 9:9

Am dahilad danab ah ag kobol diig ena iitta uɗig wak ele anukka Gibea appa danab ah heppig bia hetteb. Kayak Nug nau hak ahilag ii daug atima. Nug genab, geha ahilag hipuninnu bu madakku.

Lewitikas 27:34

Yawe Nug ɗo imu oh, Israel ag dim lamidkkulagnunab ana, Sinai Qaukoppa Moses eppegppa meum.

Sepanaia 3:7

Amu da Jerusalem danab ah amelagppa ami. ‘⌊Ag uug digdig da laa dilagppa hemi anidppig amunu,⌋ gemu ag Jerusalem danab ah, ag dahilnu ebehilag oh bodoetta le mekkunu doottem. Ao, ⌊ag anidna,⌋ gemu ag daug batak nai dahil doon, dim lamidkkulag ⌊amunu, da baula bu madakkulnu ii hepa⌋ doottem,’ ami. Amge iitta. Jerusalem danab ah ag anam heppiglob amu, ahilag aab nauhkkunu ii daama. Ge, dahil bu oh ahilagppa taknu ii daama. Anam, amge ag tuɗidna hipunin hekkulagnu oolag huana dayom. Ao, ag buttua ukka tueb batak hewona, tueb ukka buttua aam bette batak amuib henan daappig,” awa atte.

Malakai 4:4

Amu Yawe Nukka Ɠagattag Oh Ele Nug atte. “⌊Ag nai dim lamidna hekkulagnu⌋ ag dahil maɗi nid Mosesnu nai aoppig amu, nai amu ag daulagppa doaɗ! Ao, ag ɗo iɗu iɗu, da Horep qaukoppa Israel oh dilagnu nug mettami amu, ɗo amu ag daulagppa doaɗ!

Duteronomi 4:1

Aria, gemu amu, ag Israel, ag ɗo iɗu iɗu imu da ippunadkkulnu hettem amu, ag doon autnanab aweg! Ag bau daaglagnu, amu wan laa, Yawe, ag mamelkad aɗi dilag Kayak, Nug wan ag madakkunu hette, ag wan amuppa gona, aon daaglagnu, ag Kayaknu ɗo imu dim lamitteg!

Duteronomi 4:5

Antteg! Ɗo iɗu iɗu imu amu, wan ag nona aon daaglagnu hetteb ele, ag amuppa nona daanna, ag ɗo imu dim lamidkkulagnu, Yawe, dahil Kayak, Nug da nai amu meɗa, ippunadkkulnunab da amelppa aum, amu da amubia aakku hemi.

Duteronomi 5:1

Amu Moses Israel danab ah oh qagmaatta, nug ag amelagppa aum. Gemu da ag ɗo iɗu iɗu madattem imu amu, O Israel danab ah, ag nai amu daulag human doyeg! Ag aon oolagppa mena dim lamitteg!

Duteronomi 6:1

Moses nug amu oh mattia mala, nug nai tuɗitta mattiom. Haknunab anak, ɗo iɗu iɗu ele da ag ippunadkkulnu hettem amu, Yawe, ahilag Kayak, Nug ag Jodan le mataɗna gona, wan appa daatte, ag aon daaglagnu hetteb ele, ag wan amu aon, appa daanna, ag ɗo imu oh dim lamidkkulagnu appi dooglagnu amelppa aum.

Revelesen 19:2

Aɗinu? Nug nuhig epeɗia nob mattak am genab, tutukku ele. Kayak Nug ib baag ah onig, ɠagattag ele nug nuhig ewau pakkua gappai hak kobolppa he, wanppan danab ah ag oolkadppa dubuttid ele daappig amu, Kayak Nug eheɗ hak nuhig amunu nob nau mettom. Nug Kayaknu maɗi nid ele aqe mauhppig amunu, Kayak nuhig eheɗ amunu nob nau eɗua mettom,” aon appig.