Nehemaia 1:6 - Nobonob Baibel

⁶ O Yawe da, nahip maɗi nid, da na dahil unuqittak da deɗ oh amun tuqan ele unuqittitti doon, nob ena meɗakkutnu oɗ medattem. Da Israel danab ah, ag nahipad maɗi nid maɗi ah ele amu, da amu dilagnu na unuqidttem. Amu da ii lokkumttem. Iitta. Da ig Israel danab ah, da ele, amu da mamel baekkudppan ele, ig oh nahip-ppa hipunin hemut amu, da miagib na amenppa madittem.

Nehemaia 1:6 ပူးပေါင်းရင်းမြစ်များ

1 King 8:30

O Kayak, nahip dayak aben am hab aab, amu na appa daanna, haen da, nahip maɗi nid, amu Israel ele, ig am nahipad danab ah, haen ig neegta, lag imu anidtata, na unuqidpput doona, na ihinig hipunin uhuqna megakkutnu oɗ medattem.

1 King 8:47

ig kekeɗ eɗigppig ele, ig amu dilag wanppa aɗaigppeg, ag eppelagppa anam daatta, dimppa ig ihinig hak nau amu anidta, ig amunu oonig doyeb, gaata, oonig eɗueb, am Yawe ig na oo doyak ele unuqidtata, ‘Ig eheɗ hetata, hipunin, kobol nau ele kuɗum hemut,’ akkunig dayeb amu,

2 Stori 28:10

Ag nau amu oh hena, gemu ag heppeg, Juda danab ah imu, laa Jerusalemnu, laa Juda wanppa laih laihnu, ag ahilkad begbeg maɗi nid daaglagnu dabmenan hetteb. Ag amu hetteb, amge ag ele ag Yawe, ahilag Kayak, ag nuhigppa hipunin iite heppig? Ag beɗulagppa aab iite daatte?

2 Stori 29:6

Amu haknu diig am, ig mamenkad aɗi ag Yawe ippuanattomnu oo metta ii uuak kobol ii dim lamidppig. Ag Yawe, ihinig Kayak, ag nuhig neekkakppa eheɗ heppig. Ag Nug uuna, kayak hambuppuak laa noolagppa dup nona binalag meppig. Ag Yawenu mettid lag, amuppa gona, Nug noobppa dup nona binag ii meppig. Ag Nug dimedappig.

2 Stori 6:40

Amu O Kayak dahil, na unuqittak ig lag imuppa hettem imu dookkutnu amu, na daut humakib daakkunu oɗ medattem.

Esra 10:1

Amu Esra nug Kayak laug odppa dup noa, gateg qaun o, gomela, iɗu wanppa ma, gayaya dayeye, nug unuqittatta, nug Kayak amegppa Israel dilag hipunin miagib mattia doyeye, Israel danab, ah, nid, nid ahin ele kuɗumnab uɗin qagmena, nug talilidna daappig amunu, ag ele huana gaappig.

Esra 10:11

Ag amu heppig amunu, ag hipunin ahilag Yawe, ag mamelkad aɗi dilag Kayak, ag Nug amegppa miagib madippeg doyeb, ag Nug oɗe aon, dim lamitteg! Danab ah ag Kayak ii dim lamidtteb, ag miag taliliadna daatteb, ag akka ag awaidna, danab ah amu ele ouqak ii daaglagoitte. Laa amu, ag ahilagppan ah diippig ele amu, ag ah amu appeg gokkulagoitte,” awa aum.

Nehemaia 1:11

O Naɗi, da am nahip maɗi nid daattem, laa ele ag na oninnu ebehilag oh bodoetta le mekkunu enanagnab doon, ag nahipad maɗi nid daatteb, ag amu, da gemu, na ig oh, ihinig unuqittak imu dookkutnu oɗ medattem. Gemu da king noobppa daakkul amu, haen amuppa na heppe, king nug dahilnu ena dookkunu oɗ medattem.” Da anam unuqidmi, amu haen amuppa da kingnu wain mettak danab daami.

Sam 102:17

Nug laa ag keeke iittanab iitta ele amu, Nug ahilag unuqittak dookku. Ao, Nug ahilag unuqittak ii dimettama. ⌊Nug ag ehanadkku.⌋

Sam 106:6

O Yawe, ig mamenkad aɗi ag hipunin heppig; ig ele aakku hemut. Ao, ig eheɗ hemut! Ig hak nau hetat oimut!

Sam 130:2

O Naɗi, na da baal dookkutnu oɗ medattem. Ao, da na dahilnu na oot gai-iitta doon oot meɗan ehaniɗkkutnu unuqidppippi, na unuqittak dahil dookkutnu unuqidttem.

Sam 32:5

Da anam hei ukke, deɗ laa da hipunin dahil mehuqe, amenppa oh miag ami. Da kobol nau dahil ii lokkummi. Da oh miagib mattien, na Yawe, na amenppa ai, na hipunin dahil uhuqna meɗae, da oolppa aab dayom am iitta meum. Sila.

Sam 34:15

⌊Aɗinu?⌋ Yawe Nug laa ag kobol genab tutukku hetteb ele, Nug ag dabmatta atognoadtte. Ao, Nug ahilag unuqittak doya, ag ehanadtte.

Sam 55:17

Buttua, amun, tuqan ele da unuqittak baal okkaippa uug nau toniɗom imunu hebippi, Yawe Nug da baal dookku.

Sam 88:1

O Yawe, na Kayak da ehaniɗe, padal ii mettem. Anam amu, da nahipnu hanhan amun tuqan ele unuqidttem.

Aisaia 6:5

Amu oh be, da inam emi. “Dahilnu am gadonnab gadon! Da aakku nauhmi daattem! Aɗinu? Da am danab oppiak ele iitta, amu danab ah da ag oolagppa daattem ele, ag am danab ah oppiak ele iitta, amge da king, Nug Yawe Nukka Ɠagattag Oh Ele, da Nug anidmi,” awe emi.

Gayak Nai 5:7

Ig mamenkad aɗi hipunin hena, iitta meppig; amge ig ahilag bu mattak maot oittem.

Daniel 9:15

Amunu, O Naɗi, ihinig Kayak, na nahipad danab ah Isipnu nahip kobol ɠagattagppa omalatte, Isip uun ukkaeg, amuppa na onin okkai awe, gemu ⌊nai imu yaak haenppa⌋ ele, na onin okkai daatte, amu ig na noomppa ig hipunin hemut; ge ig nau hemut am na amenppa attem.

Daniel 9:20

Da, Daniel, da Kayak anam unuqitten, da dahil hipunin, dahilad danab ah, Israel, da ahilag hipunin ele Kayak amegppa miagib mattien ainne, da Yawe, Nug dahil Kayak, Nug heeb, nuhig qauko nuhignu tituanak daatte am eɗua ena daakkun unuqittitti,

Daniel 9:4

Da Yawe, Nug dahil Kayak, da Nug amegppa ig Israel, ig ihinig hipunin miagib mattien, da Nug inam unuqidmi. “O Naɗi, na Kayak ɠagattag ele. Ig danab ah ig nahipnu ebehinig oh bodoetta le mekkunu daattem. Na danab ah ag nahipnu oolag mauhtte, ag nahip ɗo ele dim lamittegeg, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem.

Daniel 9:5

Na anam hettem, amge ig, Israel, ig hipunin hemut. Ig kobol kaliak hemut. Ig nau hetata, ig nahip nai tappaut ne, ig nahip ɗo, nahip haknunab anak ele dimettamut.

Daniel 9:8

O Yawe, ig, ihinkad king, ihinkad danab okkai, amu ig mamenkad aɗi oh ele, ig nahip-ppa hipunin hemut amunu, ig uɗa nak naunab doot oittem.

Luk 18:7

Nug ah amu ehanidkkunu aum amu, Kayak Nug danab ah nuhikkud, Nug ag tituanattom ele amu, ag hanhan tuqan amun ele deɗ oh unuqidppeppeg amu, Kayak Nug ag iite ehanadma? Nug ag baubau oɗmak haknu amelag maama, paha ii ehanadma? Anam iitta.

Luk 2:37

Anam daayya, nug gamu mauhe, qab ma, hamu maɗ 84 dayaya, nug Kayaknu mettid lag ii uuttom. Nug ee ohnu kud ma dayaya, unuqittatta, tuqan amun ele Kayak noobppa dup noa binag maama dayom.

Epesus 2:3

Ig oh anamib anukka daamut, amu haen amuppa ig dabmak geha iikkunu aakkuib dim lamidmut. Ig beɗunig, amu ihinig dabmak ena iitta ele, aa aɗi apiɗ ig hettamut amunu, ig danab laa oh ele amuppa Kayaknu oppoɗi bak ig iqakkunu elele daattamut.

1 Timoti 5:5

Ah qab nug genab nukka baeg laippu daatte, nug Kayak ehanidkkunu dabmak aɗa dayaya, tuqanppa amunppa ele unuqidtte.

2 Timoti 1:3

Timoti, da nahipnu Kayak amegppa, “Ena heme,” awe attem. Da mamelad aɗi ag Kayak waappa daan Nug oɗe dim lamidppig bia, da Kayak waappa daye Nug oɗe dim lamitten, beɗulppa aab iitta doyen, da tuqan, amun ele da nahipnu ele hanhan unuqidttem.

1 Jon 1:9

Ig ihinig hipunin Kayak amegppa miagib mattignig dayeb, Nug oo metta ii uuak kobol, aria nai doya mala hettoɗia epeɗia elele mettak kobol ele dim lamittatta, Nug ihinig eheɗ hak oh uhuqa mekka heeb, ig oppiak daagnig.

1 Samuel 15:11

“Saul nug da dimeɗa, dahil nai tappe neum amunu, da hei, nug Israel dilag king daatte amu, da amunu oolppa uugnab doottem,” awa aum. Yawe Nug Samuel amegppa anam a doya, Samuel nug oo uug ele daya, nug tuqan amu oh Yawe unuqittom.