Nehemaia 1:11 - Nobonob Baibel

¹¹ O Naɗi, da am nahip maɗi nid daattem, laa ele ag na oninnu ebehilag oh bodoetta le mekkunu enanagnab doon, ag nahipad maɗi nid daatteb, ag amu, da gemu, na ig oh, ihinig unuqittak imu dookkutnu oɗ medattem. Gemu da king noobppa daakkul amu, haen amuppa na heppe, king nug dahilnu ena dookkunu oɗ medattem.” Da anam unuqidmi, amu haen amuppa da kingnu wain mettak danab daami.

Nehemaia 1:11 ပူးပေါင်းရင်းမြစ်များ

Genesis 24:42

Aria, gemu haen da le moɗppa uɗien dayeye amu, da Yawe unuqidmi. ‘O Yawe, danab okkai dahil Abrahamnu Kayak, na ehaniɗppe, oiyak imu da aakku hemi ele amu, nuhig meu pehettak bekkunu oɗ medattem.

Genesis 32:11

Da Esau nug uɗia, da, dahilad ah, amu nid naunau dahilad ele, nug ihinignu ban hekkunu baɗattem amunu, na da ehaniɗppe padal ii mepanu oɗ medattem.

Genesis 32:28

A amu, danab amu nug aum. “Na onin baula Jakop iitta; na onin Israel daakku. Aɗinu? Na Kayak, danab ele nug wagai mak hena, wagai maknu ii uume.”

Genesis 40:1

Aria, haen ukke dimppa, Isip dilag king, nuhikuɗ ehanittak anuqak danab aɗit, laa nug wain babaitta Paro mettak anuqak danab dayeye, laa nug bret haattak anuqak danab dayom amu, aa heeh, Paro nug ahilahnu eheɗ doyom

Genesis 40:2

amunu, Paro nug ahilahnu oo nauhe,

Genesis 40:21

Paro nug wain babaitta, nug mettak anuqak danab nug eɗua uɗat nuhig anukka heum ele baula hekkunu aum. Nug anam aum amunu, danab amu Paro wain tatam mettom bia, nug uɗat nuhig amu baula heum,

Genesis 40:23

Anam beum, amge wain babaitta Paro mettak anuqak danab nug Josep dab-ii-mettom; nug nuhignu daug atiom.

Genesis 41:9

Ag ii mehuqeg amu, wain babaitta Paro mettak anuqak danab nug Paro amegppa aum. “Dahil eheɗ hak am gemu da daulppa doum.

Genesis 43:14

Nug anam ana amu, nug nai tuɗitta aum. “Kayak inam hekkunu amu, da ool daatte. Ag gona, danab amu noobppa teppeg, Kayak Nukka Ɠagattag Oh Ele Nug ag ehanatteb, danab amu nug ahilagnu oo gai-iitta doya oo matta ehanatta heeb, Simeon, Benyamin ele aa, ag ele eɗun uɗiglag. Da ib laa iitta amunu, oo guittak beeb amu, da anamib daakkul,” awa aum.

2 Stori 6:40

Amu O Kayak dahil, na unuqittak ig lag imuppa hettem imu dookkutnu amu, na daut humakib daakkunu oɗ medattem.

Esra 1:1

Anukka Persia dilag king Sairus nug Babilon dilag king daye, nuhig king dayaknu maɗ tatamnu Yawe Nug nai Jeremaia oɗeppa mattiom ele meu okkunu, Nug Sairus nuhig dabmak maɗette, nug wan oh nug gumaama, nai laa pepappa ya me, ag oh, ahilagppa ukkom.

Esra 7:6

Matu anak amuib, Esra amu, nug am nai yaak danab, nug Babilon appanu uɗia, Jerusalem beum. Nug am ippunittak danab laa, nug Mosesnu ɗo nainu sul okkai ha malom. Yawe, Israel dilag Kayak, Nug ɗo amu Israel danab ah mattom. Kayak Nug Esra ehanittom amunu, Esra nug keeke laa oh amunu king oɗ mettom ele, king nug nug mettom.

Nehemaia 1:6

O Yawe da, nahip maɗi nid, da na dahil unuqittak da deɗ oh amun tuqan ele unuqittitti doon, nob ena meɗakkutnu oɗ medattem. Da Israel danab ah, ag nahipad maɗi nid maɗi ah ele amu, da amu dilagnu na unuqidttem. Amu da ii lokkumttem. Iitta. Da ig Israel danab ah, da ele, amu da mamel baekkudppan ele, ig oh nahip-ppa hipunin hemut amu, da miagib na amenppa madittem.

Nehemaia 2:1

Aria, King Artekserksis Persia dilag king dayaya, nuhig king dayaknu maɗ 20ppa, kalam onig Nisan, kalam amuppa da hanhan hemi bia, laa kingnu wain aon uɗin meɗaeg, da king lakkunu awe ukken, nug mettami. Amge gemu da nug noobppa wakkulnu dayeye, da oolppa uug laa dayom. Deɗ laa da anambia ii doomi. Gemuib.

Nehemaia 2:8

Laa ele amu, danab onig Asap, nug appa adnu dad nahip gumam daatte, amu na pas laa nuhignu ele yaan meɗappe, da awe ukken ippunidppi, nug da aben aɗ ɠagattagnab ele Kayaknu mettid lagnu guguittak daatte, nug aɗ amunu od hekkulnu, da aab okkainu aɗnu od ele hekkulnu, amu da laul ele buukkulnu nug dad amuppanu ad okkai meɗakkunu oɗ medattem.” Da king anam oɗ mettami. Da anam oɗ mettai, Kayak, Nug enanag atognoiɗtte amu, Nug ehaniɗom amunu, king nug keeke oh da nug amunu oɗ mettami amu, nug keeke amu oh da meɗom.

Sam 106:46

Nug he, laa ag ag aɗualatteg, ag eppelagppa daappig amu, ag ahilagnu oolag gai-iitta doon, oolag mattan, ehanadppig.

Sam 130:2

O Naɗi, na da baal dookkutnu oɗ medattem. Ao, da na dahilnu na oot gai-iitta doon oot meɗan ehaniɗkkutnu unuqidppippi, na unuqittak dahil dookkutnu unuqidttem.

Sam 61:5

O Kayak, aɗinu da ool okkai anam daatte? Na genabnab haknu nai ana qakkak dahil doon ehaniɗna, na danab ah nahipnu ebehilag oh bodoetta le mette ele keeke ena ena, ahilag aug bia madattem amu, na da ele gemu keeke amu meɗame.

Sam 86:6

O Yawe, na dahil unuqittak dookkutnu unuqidttem. Ao, da na dahilnu oot gai-iitta doon oot meɗan ehaniɗkkutnu unuqidttem amu, na amu dookkutnu daut humakkutnu oɗ medattem.

Prowerb 1:29

Ag doyaknu nau ninig ele dooppig. Ao, ag Yawenu ebehilag oh bodoetta le mekkunu uuppig.

Prowerb 21:1

King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.

Jeremaia 42:12

Amu Nug inam ele atte. ‘Da ahilagnu ool doyeb, ool matten heppi, Babilon dilag king nug ele ahilagnu oo doya, oo matta ehanattatta, nug ab, ag eɗun wan daappigppa daaglag.’ Yawe Nug anam awa atte.

Malakai 3:16

Amu laa ag Yawenu anam eheɗ mattin appig, amge laa ag genab Yawenu ebehilag oh bodoetta le mette ele, ag akka akka ⌊Yawenu⌋ mattiak ⌊tutukku⌋ heeg, Yawe Nug ag keeke madippig amu doyom. Nug doya he, laa Nug noobppa daya, laa amu onilag buk itoɗiakppa daakkunu yom. Amuam laa ag Yawenu ebehilag oh bodoetta le mette, ag Nug binag metteb ele, nug ag onilag buk itoɗiak amuppa yom.

Hibru 13:18

Ihinkad ooppan oiyak ippunittaknu ulum am Kayaknu neekkakppa ig beɗunigppa aab iitta ippunigtte oonigppa genab doottem, ig haen oh tutukkuib oignignu oonig daatte amunu, ag Kayak ig ehanigkkunu unuqitteg!