Nehemaia 1:1 - Nobonob Baibel

¹ Nai imuam Hakalia bekka Nehemaianu nai. Amu Artekserksis nug Persia dilag king dayaya, nuhig king dayaknu maɗ 20ppa, maɗ amunu kalam Kisleb, kalam amuppa da aab okkai Susa ooppa aben aɗ ɠagattagnab ele, da appa daaiyi,

Nehemaia 1:1 ပူးပေါင်းရင်းမြစ်များ

Esra 10:9

Danab okkai ag nai amu meeg ukke, deɗ ewam amu ooppa Juda, Benyamin ele danab ag oh uɗin, Jerusalem appa qagmeppig. Ag uɗin qagmena, ag oh kalam eblaih waɗeleppa, deɗ 20ppa ag Kayak laug noobppa, haɗap-ppa daan, ag kobol eheɗ heppig, amu gu ele naana dayom, diig aɗit amunu ag oolagppa uug nau dooppig

Esra 7:7

Esra nug Babilonnu aha, Jerusalem uɗiom, haen amuppa Israel danab laala ele uɗippig. Nug ele uɗippig amu, ag oolagppan laala am Lewi buɗubppan mana mettak danab, Lewi buɗubppan mana mettak danab iitta, ahiettak danab ah, od gumak danab, amu Kayaknu mettid lagnu maɗi nid ele. Amu oh ag ahaeg, Esra ele uɗippig. Ag Artekserksis, Persia dilag king dayaya, nuhig king dayaknu maɗ eblaih aɗitppa, ag ahan uɗippig.

Nehemaia 10:1

Laa nai qakkakppan pepappa ahilkad at stemp-ppa daappig ele meppig am inam: Hakalia bekka Nehemaia, nug Juda dilag gawana. Aria laa am Sedekaia,

Nehemaia 2:1

Aria, King Artekserksis Persia dilag king dayaya, nuhig king dayaknu maɗ 20ppa, kalam onig Nisan, kalam amuppa da hanhan hemi bia, laa kingnu wain aon uɗin meɗaeg, da king lakkunu awe ukken, nug mettami. Amge gemu da nug noobppa wakkulnu dayeye, da oolppa uug laa dayom. Deɗ laa da anambia ii doomi. Gemuib.

Nehemaia 5:14

Amu King Artekserksis nug Persia dilag king dayaya, nuhig king dayaknu maɗ 20ppa nug da Juda dilag gawana daakkulnu otiɗom. Nug maɗ amuppa otiɗe daaiyi ukke ukke, nuhig king dayaknu maɗ 32ppa da uɗat amu batami. Da maɗ 12 Juda dilag gawana aakku daami. Amu kingnu ɗo daatte bia, haen amuppa, da deɗ anen anen aɗi ee meɗaglagnu ɗo atte bia aokkulnu elele daami, amge da maɗ 12 amu ohppa da, da awalad amalad ele, ig oh ahilagppanu keeke nakok laa anam ii aomut. Iitta.

Esta 1:2

Haen amuppa King Ekserksis nug kingnu lag enanagnab, aab okkai Susa ooppa aben aɗ ɠagattagnab eleppa dayom, nug appa sia king nuhigppa dayaya, nuhig wan oh gumattom.

Esta 3:15

Am king nug nai haknunab ana, nai awa ukkak danab ag pahanab gona, nai mekkulagnu a, ag anam aakku heppig. Ɗo nai amu aab okkai Susa ooppa aben aɗ ɠagattagnab ele appa ele ebqeppig. Anam daye amu, king nug Haman ele aa le lakkulahnu heɗep neya daapiɗ, amge danab ah Susanu ag nai amu doyeg, ootot aqom.

Daniel 8:2

Tulegleg imuppa amu, da dakka, da Babilon wanppa aab okkai Susa ooppa aben aɗ ɠagattagnab ele, Elam prowinsppa daatte, da appa dayeye anidmi. Da appa dayeye, tuleglegppa da lenag onig Ulai, da lenag amu daugppa daami.

Sekaraia 7:1

King Darius nug Persia dilag king dayaya, nuhig king dayaknu maɗ waɗeleppa, kalam eblaih waɗele, kalam amu onig Kisleb, kalam amunu deɗ waɗeleppa Yawe Nug nuhig nai Sekaraia mettom.