Namba 9:15 - Nobonob Baibel

¹⁵ Deɗ ag mettid haknu peh lag, amuam peh lag men maha aɗit ɗo nai yaak niitte ele appa daattep, ag amu qabappig, haen amuppa lombig na tonom. Anam tone ukke, tuebnu ukka wakkaɗak amu, lombig mettid haknu peh lag attan daye, aab dittiak bia dayom.

Namba 9:15 ပူးပေါင်းရင်းမြစ်များ

Nehemaia 9:12

Amunppa na lombig teppu ele attan takppa daan, noolag aon gonana, tuqan na aab ewak okkai attan takppa daan, noolag aonna, amahlak mattan, atten atten oiglagnu daye ippunadnana, noolag aon gome.

Nehemaia 9:19

Kayak, na nahipad danab ah dilagnu oo bodoetta le mak kobol dim lamidna, atu taɗakppa danab ah amu uuatte, hamu ii oippig. Amunppa na hee, lombig teppu ele attan takppa ag ib ippuanattette, tuqan aab ewak okkai attan tak ib atten aon gokkulagnu ippuanattom.

Sam 105:39

Yawe Nug amunppa ehanatta he, lombig ikkilagppan blanget bia tonatte goppig. Ao, tuqanppa amu Nug he, aab dittiak naɗi gatatuppa amahlom.

Sam 78:14

Nug amunppa lombigppa ag noolag awa ukkom. Ao, tuqan haenppa Nug aab ewewe, amahlak amuppa ag noolag awa ukkom.

Eksodas 13:21

Ag ukkaegeg, Yawe Nug amunppa lombig attan tak ooppa dayaya, ib ippunadkkunu anuqa ugakka, tuqan amu, Nug aab ewak attan tak ooppa dayaya, amahlak madakkunu anuqa ugekke goppig. Nug anam heum amunu, ag amun, tuqan ele gokkulagnu elele.

Eksodas 13:22

Amun amu, hanhan lombig attan tak danab ah noolagppa anuqa ukkom; aria, tuqan amu, aab ewak attan tak anuqa ukkom. Keeke aɗit amu aa ii iitta mepiɗ.

Eksodas 14:24

Ag anam ukkaegeg, Yawe Nug lombig teppu ele attan tak amuppa, aab ewak okkai attan tak eleppa dayeye, wakkaɗkkun miag dayeye, Nug neekke, Isip ban danab dilagppa no, Nug he, dabmak ahilag kabolie, ag eheɗnab baɗappig.

Eksodas 40:2

“Doye, kalam digmaknu deɗ digmakppa, na dahil mettid haknu peh lag, amuam dahil mettid haknu peh lag danab ah appa qagmetteb ele, na lag amu aon qappe!” awa aum.

Eksodas 40:34

Moses nug mettid haknu peh lag amu anam ha male amu, lombig na, mettid haknu peh lag tone, Yawenu binag amahlak oppiaawak ele mettid haknu peh lag amu ohppa amba dayom.

Eksodas 40:35

Anam daye amu, Moses nug ukka, mettid haknu peh lag danab ah appa qagmetteb ele ooppa nokkunu elele iitta. Aɗinu? Lombig, Yawenu binag amahlak oppiaawak ele, amu ele lag amuppa daapiɗ.

Eksodas 40:38

Anam amunu, Yawenu lombig am amunppa mettid haknu peh lag attan dayeye, tuqan amu aab ewak am lombigppa dayeye, Israel danab ah ag anam anidppig. Lombig anamib aakku dayeye, ag gona, wan Yawe Nug ag madakkunu aum, ag amuppa teppig batak.

Aisaia 4:5

Amu Yawe Nug ⌊anukka lombigppa dayaya, Nug Israel Isipnu omalatta uɗiom bia,⌋ Nug heeb, lombig am Sion qaukoppa dayaya, tonakku. Amunppa amu, lombig boppala daakku, tuqan amu, lombig amuam aab bia eokku. Am danab ah ag mettid hekkulagnu qagmeppeg, lombig nug na, ahilagppa boppalkku. Aɗinu? Yawenu binag amahlak oppiaawak ele, binag amahlak oppiaawak ele amuam keeke amu oh tonatta, piag bia daakku.

Namba 10:34

Amu deɗ anen anenppa Yawenu lombig, am ag aben adekkuppanu digmen ahan godappig amu, lombig am deɗ oh ag ikkilagppa alet anam dayeye anidnana godappig.

Namba 14:14

Na danab ah imu heppe, padal mekkulag dayeb amu, Isip ag danab ah wan ig gottemppa daatteb, ag amu amelagppa nahip ɠagattag okkaippa danab ah imu ehanatte, ag Isip uun uɗieg, ippa na hee, padal mena, iitta meppig appeg dooglag. O Yawe, ig gottem ele, danab wan amuppanu ag na danab ah imu ag ele daattem amu, ag dooppig daatteb. O Yawe, danab wan amuppanu, ag na Israel, na ahilagppa tulan wae anidttebnu amu, ag dooppig. Nahip lombig am Israel, ag tonatta daattenu amu, ag dooppig. Na amunppa lombig teppu ele attan tak amuppa daanna, noolag aon omaladna gonana, tuqanppa na aab ewak okkai attan takppa daanna, ag noolag aon omaladna gottem amu, ag dooppig.

Namba 17:7

Aria, Moses nug peh lag men maha aɗit ɗo nai yaak niitte ele appa daattep, nug amuppa Yawe noobppa hokkat oh qagmaattom.

1 Korint 10:1

O lailad, ig alankad ag keeke anidppig ele amu, da ag amunu dabmenana oiglagnu ool daatte. Ig alankad aɗi ag lombig waappa oinna, ag baelagppa Le Kokoɗ mataɗppig.

Duteronomi 1:33

Nugib ag haen tutu dayaknu aab adeppa adeppa kalaglagnu ippunadkkunu ag noolag awa ukkom. Nugib ag ib adeppa adeppa ippuanatteb gokkulagnu, Nug tuqan aab aɗuppa, amu amunppa lombigppa ele ag noolag awa ukkom.