Namba 6:9 - Nobonob Baibel

⁹ Aun laa nug haen epeɗia, Nasarait daakkunu tituanom amu, haen gamag amuppa haen adekkuppa laa nug, nug noobppa dayaya mauhkku dayeb, amuppa nug ikki uɗug Kayaknu tituana mettak daatte amu, dubuttid amuppa te, Kayak Nug ooppa uuaknab dootte. Amu laa amu nug Nasarait daatte amu, nug dubuttid tak amuppanu eɗua, babaittak daakkunu, nug ikki uɗug otaɗkku.

Namba 6:9 ပူးပေါင်းရင်းမြစ်များ

Esekiel 44:27

deɗ nug eɗua, mana mettak danab dilag haɗap-ppa, mettid lag dahilppa dahil ɗo maɗoɗnu uɗat hekkunu gokku amu, nug nukka nuhignu nug ib etta hipunin haknu ofa mana, da meɗaɗ!” Naɗi Yawe Nug anam atte.

Lewitikas 14:8

Laa nug Kayak ele ouqeya daaglahnu bekkun daatte, nug Kayak ele ouqa dayaknu kobol heeb, gogppa tekkunu amu, nug inam hekkuoitte. Nug lamen nuhig miha, beɗu uɗig oh hoiyeb ukkeb, nug le laakkuoitte. Nug anam ha, Kayak ele ouqa dayaknu elele amunu, nug eɗua, haen tutu dayaknu aab kalak, amuppa gokkunu elele. Anam aakku hekku, me nug nuhig peh lag ooppa ii noma, nug deɗ eblaih aɗit ele dimittim daakkuoitte.

Lewitikas 14:9

Deɗ eblaih aɗit ele, deɗ amuppa amu, nug inam hekkuoitte. Nug beɗu uɗig oh, amuam ikki, akkaɗi, amehpi, amu beɗu oh uɗig ele baula akkeb ukkeb, lamen nuhig mihalatta, le ele laakkuoitte. Anam heeb amu, nug Kayak ele ouqeya daaglahnu elele.

Namba 6:18

Mana mettak danab nug keeke amu oh qaɗabppa meeb ewebeb, aun nug Nasarait daatte amu, nug mettid haknu peh lag danab ah appa qagmetteb ele, nug peh amu odppa ikki uɗug, Yawenu tituana mettak daatte amu, nug otaɗkku. Nug ikki uɗug amu awa, ⌊mana mettak danab metteb, nug⌋ laippu dayaknu ofa hak, nug amu waappa aab ooppa mekku.

Namba 6:8

Aun laa nug haen gane epeɗia, Nasarait daakkunu tituanom amu, nug haen epeɗiom ele, nug amu ohppa, nug Yawenu tituanak daatte.

Aposel 18:18

Juda danab ag Pol aɗan anam heppig, amge Pol nug paha aab laappa ii ukkom. Iitta. Nug deɗ nakok kuɗum appa dayowa, dimppa nug Kristen tamaniak appanu uuatta, nug Siria gokkunu ukkom. Nug Prisila Akwila ele oh goppig. Amu Pol nug matu Kayak amegppa keeke laa genabnab hekkunu nai ana qakkom amunu, nug Juda dilag kobol dim lamitta, Senkria appa nug he, danab laa nug nug ikki uɗug hoiye ukkom.

Aposel 21:27

Nug anam he, dimppa deɗ eblaih aɗit amu malakkunu heehe, Juda Asianu ag Pol Kayaknu mettid lag ooppa anidna, ag ahan heeg, danab ah kuɗum daappig ag ottaina ahaeg, Asia danab ag Pol aɗan huana inam eppig.

Duteronomi 21:12

Kobol amu anam beeb amu, na ah amu aon aabppa, na lautppa gokkut. Aon goppe, nug ikki uɗug ohnab otaɗeb ukkeb, eppeg di ele otaɗadkkuoitte.