Namba 6:25 - Nobonob Baibel

²⁵ am Nug ag ele daan, Nug ahilagnu oo bodoette, keeke ahilagppa hette amu, nug enanag, maɗoɗ ele hekkunu,

Namba 6:25 ပူးပေါင်းရင်းမြစ်များ

Genesis 43:29

Iɗulag wanppa meppig amu, Josep nug neekke ukke, nug amagnab Benyamin antta, nug aum. “Ag anukka amalagnu aeg doomi amu, nug uukkute?” awa oɗ mattom. Awa oɗ matte amu, ag, “Yo,” aon appig. Anam aeg, Josep nug aum. “O da bekkal, Kayak na itidkkunu ool daatte,” awa aum.

Sam 119:135

Da nahip maɗi nid, na da ele daagnihnu, na oot dahilnu ena daakkunu, na nahip ɗo ippuniɗkkutnu oɗ medattem.

Sam 21:6

Amu na nug itittak ena hanhannu mettame. Na danab aun na nug ele daayya, danab amu nug gamag ahak dootte, na king ele daayya, nug gamag ahak dootte.

Sam 31:16

Da, da am nahip maɗi nid amu, da na ele daagnihnu, na oot dahilnu ena daakkunu oɗ medattem. Ao, na oo mauhaknab kobol nahip dim lamidna, da padal mepanu ehaniɗkkutnu unuqidttem.

Sam 4:7

O Yawe, haen danab ah ag ee aeg huana aon, wain bau ele huan hena, ag maɗoɗppan gamag ahak naɗi dootteb. Anam amu, na maɗoɗppan gamag ahak amu eɗittak da meɗame.

Sam 67:1

O Kayak, wan imuppan wan anen anen oh dilag danab ah oh ag na oot attem daatte dooglagnu, ag nahip ehanitte, padal ii mak kobol ele anidkkulagnu amu, na ihinignu oot bodoette enanag maɗoɗ ele hena, itigkkutnu ool daatte. Ao, na ig ele daagnignu, na oot ihinignu ena daakkunu ool hette. Sila.

Sam 80:19

O Yawe Kayak Nakka Ɠagattag Oh Ele, na eɗun aigppe, nagattoppa wakkunignu oɗ medattem. Ao, na ehanigppe, ig padal ii mematanu, na ig ele daagnignu, na oot ihinignu ena daakkunu unuqidttem.

Sam 80:7

O Kayak Nakka Ɠagattag Oh Ele, na eɗun aigppe, nagattoppa wakkunignu oɗ medattem. Ao, na ehanigppe, ig padal ii mematanu, na ig ele daagnignu, na oot ihinignu ena daakkunu unuqidttem.

Sam 86:16

Na eɗun, ena neekkiɗna, dahilnu oot gai-iitta doon oot meɗan ehaniɗkkutnu oɗ medattem. Da am nahip maɗi nid, da na ɠagattag meɗakkutnu ool daatte. Ao, da am nahip maɗi ah laa bekka. Da padal mepanu ehaniɗkkutnu unuqidttem.

Eksodas 33:19

Nug anam a amu, Yawe Nug Moses amegppa eɗua, nob ma inam aum. “Da geha dahil kobol ena oh na ippunittoya, geha da onil, Yawe, da amu na noomppa mehuqkkul. Doye! Da danab laanu oo gai-iitta doya oo metta ehanittak kobol dim lamidkkulnu ool daatte dayeb amu, da aakku hekkul, o da danab laanu oo bodoetta le maknu kobol dim lamittaknu ool daatte dayeb amu, da anam hekkul.

Daniel 9:17

Amunu, O Naɗi, ihinig Kayak, na nahip maɗi nidnu unuqittak imu dookkutnu ool daatte. O Naɗi, na oninnu anuqak doon, na heppe, nahip mettid lag gemu hele-ettak daatte babaittak daakkunu oɗ medattem.

Malakai 1:9

Amu Yawe Nukka Ɠagattag Oh ele Nug atte. “Ag Kayak, ag Nug oo bodoette enanag maɗoɗ ele hak kobol ihinignu dim lamidkkunu ii daye daye oɗ metteg! Ag anam hekkulag, amge ag mana mettak anam aon wappeg amu, Nug ag iinab ehanadma,” awa atte.

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.