Namba 6:24 - Nobonob Baibel

²⁴ ‘Yawe Nug itittak ena matta, ehanattebeb, ag enaib daaglagnu,

Namba 6:24 ပူးပေါင်းရင်းမြစ်များ

Genesis 28:15

Da na ele daaɗa, na adeppa gokkut amu, da na gumidkkul. Da heppi, na eɗun wan imuppa uɗikkut. Aɗinu? Da na ii uuidpa. Da na ele daaɗa, keeke oh nahipnu hekkulnu nai ain qakkami amu, da hekkul,” awa aum.

2 Samuel 7:29

Amunu amu, gemu na ootppa ena doon, da, nahip maɗi nid, na da, da buɗulad ele na noomppa hanhan king daagnignu itittak ena megakkutnu oɗ medattem. Aɗinu? Na, Naɗi Yawe, na itittak ena megakkutnu nai anan qakkame, amu itittak ena amuam hanhan da, nahip maɗi nid, am da buɗuladppa daakku.” Dawit anam unuqittom.

Sam 134:3

Yawe Nug hab, wan ele haatom. Nug Sion daatte. Da Nug appa dayaya, itadkkunu Nug unuqidttem.

Sam 17:8

Na keeke laanu na oot huana hette ele dabmedattem, amubianab na kekeɗ, ag da taliliɗna iuglagnu hetteb amu, na ag amu ii hemananu na dabmeɗakkutnu unuqidttem. Yo, matuk anig nug nag haug waappa lokkumadtte bia, na nau hak danab ag da banel uɗin, heiɗppeg nauhkkulnu hetteb amu, na ag amu hemananu da atognoiɗkkutnu oɗ medattem.

Sam 28:9

O Yawe, da na nahipadnab danab ah ehanadppe, ag ii padal memananu, na Israel danab ah, na tituanatte, ag nahipadnab daatteb amu, na ag ele itadkkutnu oɗ medattem! Ao, na sipsip gumak danab laa nug hanhan sipsip dabmadatta, eppegppa aɗualatta ehanatta oitte bia nahipad danab ah dilagppa anam hekkutnu unuqidttem.

Sam 91:11

Aɗinu? Nug engel nuhikkud amelagppa nahipnu haknunab ab, ag na adeppa adeppa gokkut amu, ag na pehettak atognoidkkulag.

Aisaia 27:3

Da Yawe, da grep dad amu gumattem. Da hanhan le medette, laa appa uɗia eheɗ laa hemanu amu, da haen oh amun tuqan ele gume daattem.” Nug anam akku.

Aisaia 42:6

“Da Yawe, da genab tutukku hak kobol dim lamitten, na oninppa emi. Da ɠagattag ele medakkul. Da na ii uuidpa. Na heppe, ameg gaɗuak danab ag eɗun neegkkulagnu, ao, danab maniguittakppa daatteb, ag dimittim dokkulagnu, ge, danab maniguittak naunab gatatu eleppa daatteb, ag dimittim dokkulagnu, da heppi, na danab ah ag dahil nug tituana nai qakkaknu nai tutukku dim lamidkkulagnu na, da ag ele, ihinig gamag danab daanna, na iitta aɗi ele amahlak madakkut.

Daniel 9:17

Amunu, O Naɗi, ihinig Kayak, na nahip maɗi nidnu unuqittak imu dookkutnu ool daatte. O Naɗi, na oninnu anuqak doon, na heppe, nahip mettid lag gemu hele-ettak daatte babaittak daakkunu oɗ medattem.

Jon 17:11

Gemu da wanppa tuɗitten ii daapa. Da na gumitte gottem, amge dahilad imu ag tuɗidna, wan imuppa ⌊danab ag oolagppa genab ii dootteb ele oolagppa⌋ daaglag. O Mame Oppiaawak Ele, da na ele laippu daattep, amubia ag laippu daaglagnu, na na oninppa, onin na da meɗame amu, na amuppa dabmadakkutnu ool daatte.

1 Korint 14:16

Na anam ii hena, ouɗinppaib nai laappa Kayak unuqidna, “Ena heme,” abeppe amu, danab laa nug attemun unuqittak nahipnu, “Genab, anam dayaɗ!” akku?

Epesus 6:24

Amu Kayaknu ehanittak okkai Nug hamu megatte amu, amuam danab oh ag ihinig Naɗi Jesus Kristusnu ii daye daye oolag mauhtte ele, am ahilagppa dayaɗ!

Pilipai 4:23

Naɗi Jesus Kristusnu ehanittak okkai hamu mettak ahilagppa dayaɗ!

Pilipai 4:7

Ag anam heppeg, maɗoɗ, Kayak Nug maɗoɗ amu ig megatte ele, maɗoɗ amu danab dilag doyak oh eɗadtte, maɗoɗ amuam ag Kristus Jesusnu daaegeg, ag oolag, dabmak ahilag ele atognoateb daaglah.

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

1 Pita 1:5

Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.

Rut 2:4

Rut nug bali agekke, haen ukke amu, Boas nug Betlehem appanu aha, datta uɗia, maɗi nid humatta, ag amelagppa aum. “Yawe Nug ag ele daaglagnu ool daatte,” awa aum. A amu, ag eɗun appig. “Yawe Nug na ele itidkkunu oonig daatte,” aon appig

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.