Namba 6:21 - Nobonob Baibel

²¹ Keeke imu amu, laa nug Nasarait daakkunu genabnab hekkunu nai ana qagatte ele, am amunu ɗo nug dim lamitta hekkuoitte. Aun aɗi oh ag genab amu hekkulagnu nai ana qagappig amu, ag ɗo amu dim lamidna, Yawe keeke amu metteg! Amge laa nug amu eɗittak, keeke laa ele Yawe medakkunu genab hekkunu nai ana qakkom amu, Nasarait danab amu ag hetteb bia, nug dim lamitta, aɗi aum amu, nug anamib haɗ!” Yawe Nug Moses amegppa anam aum.

Namba 6:21 ပူးပေါင်းရင်းမြစ်များ

Esra 2:69

Ag aɗi keeke Yawe mettaglagnu elele daye doon, ag medappig. Keeke ag medappig am gol 500 kilogram, silwa 2,900 kilogram, mana mettak danab dilag lamen 100 ele.

Namba 5:29

Imuam gamu waunu dahil doya laa aomanu doyak aɗaɗa daya, babaittaknu nai. Ah nug gamu ele aa ewau daayya, nug danab laa ele aa gappai aopiɗ dayeb amu, inam iikku haknu daatte.

Namba 6:2

“Na Israel danab ah inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Danabte o iitta ahte laa nug haen gane epeɗia, haen amuppa nug Yawenu anuqak dabmaama oikkunu genabnab hekkunu nai ana qagatte, nug aakku Nasarait daakku.

Namba 6:20

Mana mettak danab nug anam hewowa, nug ⌊keeke amu eɗua, Nasarait danab eppegppanu diia⌋ aɗalata, nug Yawe noobppa huma epponitta mettaknu ofa hekku. Keeke amuam Yawenu tituanak daatte. Keeke amu, amuam sipsip momo, baeg naɗiapnu tuɗi huma, Nug mettak ele amu, keeke amu oh am mana mettak danabnu daatteb. Aria, amu dimppa aun nug Nasarait ted dayom amu, nug aakku wain lakkunu elele.

Namba 6:22

Amu Yawe Nug Moses amegppa aum.

Galesia 6:6

Danab nug Kayak nai dookkunu ippunittak danab laa waappa daatte amu, nug nuhig keeke ena ohppanu laih nuhig ippunittak danab amu mettaɗ!

Hibru 13:16

Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.