Namba 6:20 - Nobonob Baibel

²⁰ Mana mettak danab nug anam hewowa, nug ⌊keeke amu eɗua, Nasarait danab eppegppanu diia⌋ aɗalata, nug Yawe noobppa huma epponitta mettaknu ofa hekku. Keeke amuam Yawenu tituanak daatte. Keeke amu, amuam sipsip momo, baeg naɗiapnu tuɗi huma, Nug mettak ele amu, keeke amu oh am mana mettak danabnu daatteb. Aria, amu dimppa aun nug Nasarait ted dayom amu, nug aakku wain lakkunu elele.

Namba 6:20 ပူးပေါင်းရင်းမြစ်များ

Eklisiastis 9:7

Am gemu amu, Kayak Nug na gamag ahak doon, ee, wain ele nahip lakkutnu oo hette amunu, na gona, oo gamag ahak ele nahip ee, wain ele la!

Aisaia 25:6

Sion qaukoppa, Yawe Nukka Ɠagattag Oh Ele, Nug geha ee lanak hobul okkai okkai, ee enanag digdig appa bappaidkku. Hobul amuppa amu, doɗ digdig teppulag ena ena, am wain digdig enanag lanak baag ubuhinab ele, amu ele daakku. Nug danab ah wan ohppanu ag uɗin, hobul amuppa qagmekkulagnu bappaidkku.

Aisaia 35:10

Ao, danab ah Yawe Nug ehanatte, ag qagaiettakppa ii daatteb ele, ag eɗun uɗiglag. Ag eɗun uɗin, gamag ahak, amu maɗoɗppan gamag ahak ele Sion tena, hanhan oo gamag ahak amu doon daaglag. Oo gamag ahak amu ahilagppa ambak dayebeb, uugnu oo doyak, oo uug mettak ele amu, ahilagppa nakok laa iinab daama.

Lewitikas 10:15

Aab aɗunu ofa hetteb ele, ittag mana mettak amuppanu, aria doɗ momo, baeg naɗiapnu tuɗi huma, Nug mettak ele amu, mana mettak danab nug amu oh awa, nug huma epponitta mettaknu ofa hekkuoitte. Momo, tuɗi amu ele am ag, amu ag bekkalkad, aɗelkad ele haen oh ahilagnu daakku. Yawe Nug haknunab aum bia, ahilagnu hanhannu daakku,” awa aum.

Lewitikas 23:11

Ag aon goppeg, sabat deɗ dimugppa mana mettak danab nug Yawe mana mettak amunu ena doya aokkunu nug ehag amu eppegppa aɗa, Yawe noobppa huma epponitta mettaknu ofa hekku.

Lewitikas 7:30

Nug Yawe mettaknu aab aɗunu ofa amu hekkunu haaha, nug eppegppanab nuhig mana mettak, amunu laih awa doa, Yawe medakku. Nug awa dokku, amuam doɗ ittag, momo ele. Nug momo amu awa doa, nug huma epponitta mettaknu ofa, Yawe noobppa hekku.

Lewitikas 7:31

Nug anam heeb, mana mettak danab nug ittag amu qaɗabppa manakku, amge momo amu Aron, bekkod ele dilag daakku.

Lewitikas 7:32

Ag laippu dayaknu ofa hetteb amu, amuppanu ag tuɗi naɗiap aon, ag mana mettak danab hamu mettaglag.

Lewitikas 7:34

⌊Nai amunu amu, Yawe atte.⌋ ‘Aɗinu anam daakkuoitte? Israel danab ag laippu dayaknu ofa hekkulagnu doɗ akkan dotteb ele amu, da amuppanu doɗ momo, tuɗi naɗiap ele huma epponitta mettak ele, da teppu amu haen oh mana mettak danab dilagnu epeɗiatmi daatte,’ ” awa atte.

Lewitikas 9:21

Aron nug doɗ momolah, amu baelah tuɗi naɗiap ele awa, nug huma epponitta mettaknu ofa Yawe noobppa heum. Moses nug anam haknunab aum bia amu, nug heum.

Sekaraia 10:7

Israel danab ag ban danab ɠagattag bia bena, ag gamag ahak okkai dooglag. Ao, ag danab wain lanan, gamag ahak dootteb bia daaglag. Ahilkad nid ele ag da, Yawe, ag da aɗi hekkul anidna, ag ele gamalag ahakku. Ao, ag da, Yawe, ag da heminu gamag ahak doon oiglag.

Sekaraia 9:15

Yawe Nukka Ɠagattag Oh Ele Nug nuhikkud danab ah dilag guppiɗ daakku. Nug ehanatteb, ag ahilkad kekeɗ men katapulppa mena aqan eɗadkkulag. Danab wain lanan etteb, amubia Yawenu danab ag kekeɗ eɗadna ekkulag. Yawenu danab ag ahilkad kekeɗ tiilag huana gokkaɗkkulag. Mana mettak danab nug doɗ mana, Kayak medakkunu haaha, doɗ tiig qaɗab daugppa gokkaɗtte, kekeɗ tiilag amubia gokkaɗkkulag.

Sekaraia 9:17

Wan am enanag, neekkak enanag ele daakku. Anam amunu, ee aeg am heeb, nid danab ag enanag bena daaglag. Ao, wain bau am heeb, ah makkun ag enanag bena daaglag.

Namba 18:18

Doɗ amu teppulkad amu, mana mettak laappa ag momolkad, amu tuɗilkad naɗiap ele huma epponitta mettaknu ofa heeg, teppu amu ahilag daatte, amubia doɗ imu teppu oh am, ahilag daakku.

Namba 5:25

⌊Amge ii lanak haenppa, tatam⌋ le babaitta malak dimppa amu, mana mettak danab nug nai atten am genab doyaknu ee aegnu ofa, danab hette ele nug waunu dahil doya laa aomanu doyak aɗa daatte amu, mana mettak danab nug mana mettak amu ah eppegppanu awa, Yawe noobppa huma, epponitta mettowa, nug awa ukka, qaɗabppa gokku.

Namba 6:21

Keeke imu amu, laa nug Nasarait daakkunu genabnab hekkunu nai ana qagatte ele, am amunu ɗo nug dim lamitta hekkuoitte. Aun aɗi oh ag genab amu hekkulagnu nai ana qagappig amu, ag ɗo amu dim lamidna, Yawe keeke amu metteg! Amge laa nug amu eɗittak, keeke laa ele Yawe medakkunu genab hekkunu nai ana qakkom amu, Nasarait danab amu ag hetteb bia, nug dim lamitta, aɗi aum amu, nug anamib haɗ!” Yawe Nug Moses amegppa anam aum.

Matyu 26:29

Amge da ag amelagppa attem, da wain geha iikku lattem imubia baula paha ii lapa. Iitta. Dimppa Mamanu ɗo maɗoɗ ooppa da ag ele baula lakkunig,” awa aum.

Mak 14:25

Da genab ag amelagppa attem. Da wain geha iikku lattem imubia baula paha ii lapa. Iitta. Dimppa da Kayaknu ɗo maɗoɗ ooppa dayeye da baula lakkul,” awa aum.

Jon 19:30

Ag Jesus wain ena iitta anam mettaeg lawowa, Nug aum. “Dahil uɗat aakku hein malami,” awa aum. Nug anam ana mala, Nug duug guɗa ne mauhom.