Namba 6:2 - Nobonob Baibel

² “Na Israel danab ah inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Danabte o iitta ahte laa nug haen gane epeɗia, haen amuppa nug Yawenu anuqak dabmaama oikkunu genabnab hekkunu nai ana qagatte, nug aakku Nasarait daakku.

Namba 6:2 ပူးပေါင်းရင်းမြစ်များ

Eksodas 33:16

Aɗinu? Na ig ele anam ii gopput amu, danab ah huu laa ag na dahilnu ena doottem, am nahipad danab ah dilagnu ele ena doottem amu, ag amu attem dooglagnu elele? Na ig ele, elele anam ii gopput amu, ib adekkuppa danab ah huu laappanu ag dahilnu, nahipad danab ah dilagnu ele, ig am danab ah huu laa dooglag?” awa aum.

Prowerb 18:1

Danab nug laa oh ele nug mehqak hette, nug nukka nug oo hette amuib aokkun wagai mette; nug epeɗia ha dabmak ena awak oh dimedatta, tappe nette.

Jeremaia 35:6

Da anam ami, amge ag appig. “Ig wain ii lattem. Aɗinu? Anukka ig mamenig laa, nug am Rekap bekka Jonadap, nug haknunab nai imu ig mekkom. ‘Ag amu, ag buɗulkad ele ag wain aib lappig!

Lewitikas 20:26

Da, Yawe, da oppiaawak daattem amunu, ag dahilnu oppiaawak ele daaglagoitte. Da ag danab ah diilag laa ele daan, dahiladnab daaglagnu, danab ah laa oh oolagppanu tituanadmi.

Lewitikas 27:2

“Na nai imu Israel danab ah amelagppa appe doyeg!” awa aum. ⌊Nug anam a amu, Moses nug inam Israel amelagppa aum.⌋ “Haen laa, haen amuppa, ⌊aɗi kobol laa hanhan ii bette ele,⌋ haen amuppa kobol amu danab laa, nuhigppa beeb, nug danab o ah laa nug Yawenu tituana mettak daakkunu genabnab hekkunu nai ana qagakku dayeb amu, nug danab o ah amu en mettakppa uhuqkkunu amu, nug daden inam mekku.

Namba 30:3

Haen ah makkun laa danab ii awom dayaya, nug mameg laugppa daatte, nug Yawe amegppa keeke genabnab hekkunu nai ana qagatte, o iitta nug keeke genab hekkunu maditte amu,

Namba 6:1

Amu Yawe Nug Moses amegppa aum.

Luk 1:15

Nug Naɗi noobppa onig am binag ele daakku. Nug wain amu kaaka qaknu le laa oh ele ii lama. Nug anig ooppa dayebeb amu Kayak Ouɗi am nug ooppa ambekku.

Aposel 18:18

Juda danab ag Pol aɗan anam heppig, amge Pol nug paha aab laappa ii ukkom. Iitta. Nug deɗ nakok kuɗum appa dayowa, dimppa nug Kristen tamaniak appanu uuatta, nug Siria gokkunu ukkom. Nug Prisila Akwila ele oh goppig. Amu Pol nug matu Kayak amegppa keeke laa genabnab hekkunu nai ana qakkom amunu, nug Juda dilag kobol dim lamitta, Senkria appa nug he, danab laa nug nug ikki uɗug hoiye ukkom.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

2 Korint 6:16

Ig Kayaknu mettid lag amu kayak hambuppuak dottolkad ele ouaqadkkunigte? Amu oh am iitta! Ag dootteb Kayak bauklel ele nuhig mettid lag amu igib iikku. Anukka Kayak Nug nuhikkud danab ah dilagnu inam aum. “Geha da ag ele oh daatta, ag oolagppa oikkul. Da ahilag Kayak daakkul, ag am dahilad danab ah daaglag.”

Galesia 1:15

Amge Kayak, Nug anai da ii menuiɗom haenppa da tituaniɗa, nuhig ehanittak okkai hamu megatte, amuppa Nug da onilppa eum amu, haen amuppa Nug nukka dahilnu dabma,

Hibru 7:27

Jesus Nug am mana mettak ikki danab anukkanu, ag deɗ oh doɗ main, Kayak Nug hipunin ahilag tatam uhuqa mattowa, danab dilag ele uhuqa madakkunu medappig bia ii hette. Nug uɗat nuhig anam iitta. Kayak Nug danab ah dilag hipunin uhuqa madakkunu, Jesus Nug haen laippu aakkuib Nug nukka Nug beɗu oh Kayak mettom amunu Nug baula ii hema.

Ikki Danab 13:14

Nug grep meu, o grep meu qaɗaiettak, o aɗi keeke laa grep-ppa hak, o wain, o le ɠagattag laa, o nug doɗ ii lanaknu epeɗiak daatte amu, nug amu oh iinab lakkuoitte. Na waat nug haknunab nai oh da mettami dim lamitta, tutukku hekkuoitte,” awa aum.

Ikki Danab 13:4

amunu, na wain, o le ɠagattag laa, o na doɗ ii lanaknu epeɗiak daatte amu iinab lakkutoitte.

Ikki Danab 13:5

Aɗinu? Na oot ele daan, nid danab menukkut. Na menuppe, auntai laa nug ikki uɗug iinab otaɗma. Aɗinu? Nug dokku, haen amuppa nug digma, Kayaknu danab, Nasarait atteb, nug anam daakku. Nug geha Israel ag Pilistia eppelagppa daamnanu digma, ag ehanadkku,” awa aum.

Ikki Danab 16:17

Anam amunu, Samson nug nuhig lokkumak keeke oh aakku amegppa aum. Nug aum. “Da ikkil uɗug am ii otaɗak daye uɗiom. Amunu diig am, da anai ooppanu doi, haen amuppa uɗie, gemu ele anamib Kayaknu danab, Nasarait atteb, daattem. Laa nug da ikkil uɗug otaɗlo amu, dahil ɠagattag uuiɗa ukkeb, da laa oh eɗattak, ɠagattag iittanab ele daakkul,” awa aum.

1 Samuel 1:28

amunu, da nug Yawe medattem. Amu nuhig wan imuppanu bau dayak haen amu, haen amu oh nug Yawenu uɗat aakkuib hekku,” awa aum. Hana nug anam a amu, ag Yawe noobppa dup nona Nug binag meppig.