Namba 5:23 - Nobonob Baibel

²³ Mana mettak danab nug eheɗ laa awaknu anak waappa dayaknu nai imu buk itoɗiak laappa ya, nug yaak amu iheb, le ninig ele amuppa nokku.

Namba 5:23 ပူးပေါင်းရင်းမြစ်များ

2 Stori 34:24

Yawe Nug inam atte. ‘Da heppi, uug naunab aben imuppa, danab ah aben imuppanu dilagppa ele bekku. Danab eheɗ heeb, amunu eheɗ laa awaknu anak waappa dayaknu nai oh buk laa ebqeeg, Juda dilag king doyom, amuppa yaak nitte bia ana bekku.

Job 31:35

O gadon, laa nug dahil nai dookkunu ool okkai daatte. Da eheɗ laa ii heminu nai pepappa yaak niitte amu, da pepa amuppa nai amu genab daatte laa ippunadkkulnu amu, da onil iikku yaattem. Ao, Laa Nukka Ɠagattag Oh Ele Nug dahil nai nob mekkunu ool daatte. Ge, laa nug da naippa yaaiɗtte amu, nug da aɗi eheɗ hemi uɗugppa yeeb anidkkulnu ool hette.

Sam 51:1

O Kayak, na ig danab ah, na ihinignu oo mauhaknab doottem amunu, na dahilnu oot gai-iitta doon oot meɗan ehaniɗkkutnu oɗ medattem. Yo, na ig danab ah, na ihinignu na oot bodoetta, le ma auta autanab aotte amunu, na dahil hipunin uhuqna meɗakkutnu unuqidttem.

Sam 51:9

Na dahil hipunin oh uhuqna meɗan, na amunu baula ii dabmemanu oɗ medattem. Ao, na heppe, eheɗ hak dahil oh iitta mekkunu unuqidttem.

Eksodas 17:14

Moses, Israel ele ag anam heeg, dimppa Yawe Nug Moses amegppa inam aum. “Dabmak imu iitta memanu amu, na nai imu buk itoɗiakppa yaan, na heppe, Josua nug doyaɗ! Aɗinu? Da geha heppi, Amalek ag iitta mena autna aoppeg, hab waappa amu, danab laa nug Amalek dilagnu baula dab-ii-mema.” Yawe Nug anam aum.

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.

Aisaia 44:22

Ag hipunin heppig, amge da hei, ulah lombig ye ukka ii daatte, amubia da ahilag hipunin oppii ii daatteb. Ao, ag hipunin heppig, amge aam he, buttuanu buttuɗai iitta mette, amubia da uhuqen mattai, hipunin ahilag ii daatteb. Da ag hipuninnu qagaiettakppanu eɗua uhuqak hein mattami amunu, ag dahilppa eɗun uɗieg!” Yawe Nug anam atte.

Namba 5:22

Yo, le ninig imu, am he, ah nug eheɗ laa awaknu anak waappa daatte amu, na ootppa noa heeb, na oot titiɗeb, tuɗin laih laih ebehi teeb, na ah mattoi, meunuak laa iitta oikkut.’ Mana mettak danab nug anam awowa, nug heeb, ah nug Yawe onigppa nuhig nai ɠagattag qetta, nug, ‘Genab, anam dayaɗ!’ awa akku.

Namba 5:24

Amu dimugppa amu, mana mettak danab nug heeb, ah amu nug le ninig ele, am he, ah nug eheɗ laa awaknu anak waappa daatte amu, ah amu nug lab, le amu ooppa noa heeb, ah nug beɗuppa aab ele daatte dayeb, nug guittak, ninig nau dookku.

Aposel 3:19

Amunu Kayak Nug ahilag hipunin uhuqa matteb, ag oppiaawak daaglagnu, geha Naɗi Nug haen ena madakkunu, Nug heeb, Kristus, Kayak Nug ahilag ehanittak daakkunu tituanom ele amu, Nug uɗikkunu, ag oolag eɗun Kayak dim lamitteg! Kayak Nug anukka laa tituanom ele amu, Nug am Jesus.

Duteronomi 31:19

⌊Israel danab ah ag da uuiɗna, ag kayak laala noolagppa dup nona binalag mekkulag.⌋ Amu Moses, Josua ele, da kobol amunu ahi laa aa matattem. Ahi imuam danab nug laa aɗi heehe antta maditte, am dahil danab amubia dayaya, Israel danab ah ag nau heppig miag atiak daakkunu, aa ahi imunu nai yaaya, Israel danab ah ag ettaglagnu ippuanatteɗ.

Revelesen 20:12

Da aakku danab mauhadppig, okkai nakok ele oh, Nug noobppa hippaidna daaegeg anadmi. Nug buk laala kolattom amu buk laa, amuam buk onig Bauklel Awe Onig Yaaknu Buk, Nug buk amu ele kolom. Danab mauhadppig amu ag aɗi heppig, buk laalappa epeɗiaknu amu yaak niitte amuppa epeɗiattom. Amu oh ag aɗi heppig amuppa epeɗiattom.