Namba 5:19 - Nobonob Baibel

^19-21 Anam dayeb, mana mettak danab nug akku. ‘Haen na gamut ele aa ewau daaeh uɗieye, danab laa nug na ele laa ii niipiɗ, na eheɗ laa ii hee, danab laa ele gappai ii aopiɗ dayeb, na le ninig ele imu, le imuam ah nug beɗuppa aab ele am he, ah nug eheɗ laa awaknu anak waappa daatte amu, na amu lappe heeb, na eheɗ laa ii aomnanu da ool daatte.’ Anam awowa amu, mana mettak danab nug tuɗitta, ah amegppa akku. ‘Amge na gamut ele ewau daayya, na eheɗ hee, danab laa ele gappai aoya, na gamut ele niiak bia, na danab laa ele niipiɗ dayeb, na anam heme dayeb amu, amuppa na nakka na hee, na Kayaknu neekkakppa na ootppa dubuttid teum daatte. Amu anam dayeb, na le ninig ele imu lappe, Yawe heeb, nahipad danab ah laa ag nahipnu eheɗ nau dooppeg, na oot titiɗeb, tuɗin laih laih ebehi teeb, na ah mattoi oikkutnu ool daatte.

Namba 5:19 ပူးပေါင်းရင်းမြစ်များ

Namba 5:12

“Na Israel amelagppa nai inam appe doyeg!” awa aum. ⌊Nug anam a amu, Moses nug Israel amelagppa inam aum.⌋ “Danab laa nug wau, nug gamunu oo metta ii uuak kobol ii dim lamitteb, gamu nugib ele ii oiglahtai;

Namba 5:18

Mana mettak danab nug heeb, ah amu nug Yawe noobppa dayeb ukkeb, mana mettak danab nug heeb, ah ikki uɗug uhuqak dayeb, mana mettak danab nug bali plaua, mana mettak haknu ah eppegppa mekku. Amuam nai atten am genab doyaknu ee aegnu ofa, danab nug hette ele amu, nug waunu dahil doya laa aomanu doyak aɗa daatte. Mana mettak danab nug nukka nug le ninig ele, le amuam heeb, ah latte ele nug eheɗ laa awaknu anak waappa daakkunu elele, nug amu aɗakku.

Namba 5:28

Amge ah nug danab laa ele ii niipiɗ, nug gamu eleib daapiɗ dayeb, aakku Kayaknu neekkakppa nug ooppa dubuttid iitta, nug beɗuppa aab iitta, amu nug nid menukkunu elele daakku.

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Rom 7:2

Ag amu anidkkunignu amu da nai imu madippi dooglag. Ah laa nug danab awom amu, gamu nug bau daatte haenppa, ah nug aakku ɗo atte bia, nug gamu eleib ewau daaglahnu daatte. Amge gamu mauheb amu, ɗo amu ah amu geha ii toneb, nug aakku ɗo amu waappa ii daatte.