Namba 4:49 - Nobonob Baibel

⁴⁹ Yawe Nug Moses amegppa Lewi buɗub danab ebaqa amu, ag anen anen aɗi aɗi uɗat henana, ag maoglagnu ele, nug ag uɗat amu madakkununab aum amu, Moses anam heum. Ib amuppa amu Moses, Aron amu Israel dilag ikki danab ele, ag Yawe haknunab aum bia, Lewi buɗubppan danab ebaqappig.

Namba 4:49 ပူးပေါင်းရင်းမြစ်များ

Namba 1:47

Ahilag ebqak tutukku oh am anam aakku, amge Lewi buɗubppanu danab, ag am ebqak amuppa ii tuɗidppig.

Namba 1:54

Yawe Nug anam Moses amegppa a amu, Israel ag keeke oh Yawe Moses hekkununab aum, ag amubianab heppig.

Namba 2:33

Amge Yawe Nug Moses amegppa Lewi buɗub ebaqaaqa, ahilag ebqak laappa ii tuɗidmanu haknunab aum amunu Moses, ikki danab ele ag, ag ebaqadna Israel danab ah laala oh ele, ahilag ebqak amuppa ii tuɗidppig.

Namba 3:51

Moses nug aakku silwa, danab amunu tituanakppanu eɗua uhuqak daakkunu awa, nug Aron, bekoɗ ele mattom. Yawe Nug anam hekkununab aum amunu, nug anam aakku heum.

Namba 4:15

Aria, Aron, bekkod ele ag qaɗab, balal keeke, amu keeke naunau oh dahil mettid haknu peh lag danab ah appa qagmetteb ele, ag peh amu ooppanu keeke Yawenu tituanak daatteb amu hautna malappeg, haen danab ag gokkulagnu bappaidna daanna, amu Kohat buɗubppan danab ag keeke mawadkkulag. Amge ag tuqai aakkuib aɗaglag. Ag keeke dahilnu tituanak daatteb amu iinab lauɗidmana. Ag lauɗidna amu, ag mauhkkulag. Amu Kohat buɗubppan ag keeke amu, mettid haknu peh lag ooppanu mawadkkulagnu daatte.

Namba 4:21

Amu Yawe Nug Moses amegppa aum.

Namba 4:24

Gerson buɗubppan danab ag uɗat hekkulagnu, ag keeke mawadkkulagnu am iikku.

Namba 4:31

Ag dahil mettid haknu peh lag danab ah appa qagmetteb ele, ag ahilag uɗat appa henana, ag peh lagnu ebehi, pehnu ebehi emaitak daatteb, pehnu biidod, amu pehnu biidod ɠagattag eppaknu tatap, ag amu oh maoglagnu daatte.

Namba 4:32

Ag haɗap, mettid haknu peh lag talilidtte ele amu, ag amunu biidod, biidod ɠagattag daakkunu tatap, pehnu pin elab, muɗi, keeke oh aɗ amu qappaglagnu uɗat madatteb ele amu, ag amu oh maoglagnu daatte. Danab anen anen ag keeke amu anen anen maoglagnu tituanattak daatteb amu, ag anamib maoglag.

Namba 4:37

Ebqak amuam Lewi buɗubppan alag Kohat huuppan aab ikki anen anennu aakku. Ag mettid haknu peh lag danab ah appa qagmetteb ele, ag appa Yawenu uɗat heppig. Yawe Nug Moses oɗeppa haknunab aum bia, Moses, Aron ele ebaqapiɗ.

Namba 4:41

Ebqak amuam Lewi buɗubppan alag Gerson huuppan aab ikki anen anennu aakku. Ag mettid haknu peh lag danab ah appa qagmetteb ele, ag appa Yawenu uɗat heppig. Yawe Nug Moses oɗeppa haknunab aum bia, Moses, Aron ele ebaqapiɗ.

Namba 4:45

Ebqak amuam Lewi buɗubppan alag Merari huuppan aab ikki anen anennu aakku. Ag mettid haknu peh lag danab ah appa qagmetteb ele, ag appa Yawenu uɗat heppig. Yawe Nug Moses oɗeppa haknunab aum bia, Moses, Aron ele ebaqapiɗ.

Namba 5:1

Amu Yawe Nug Moses amegppa aum.