Namba 4:47 - Nobonob Baibel

^47-48 Ag danab oh ag maɗ ahilag 30 ukka 50 batak ele, danab amu ag uɗin, mettid haknu peh lag danab ah appa qagmetteb ele, ag appa Yawenu uɗat hekkulagnu, ag lag amunu keeke ele maoglagnu elele amu, ag ag ebaqappig. Ag ahilag ebqak amu 8,580 teum.

Namba 4:47 ပူးပေါင်းရင်းမြစ်များ

1 Stori 23:27

Dawit nug nuhig mauhak haen miag dayeye, nug Lewi buɗub ag ahilag maɗ am 20 o 20 eɗittak ebqekkulagnu aum. Nug anam a, ag heppig.

1 Stori 23:3

Ag uɗin daaegeg, Dawit nug Lewi buɗubppan mana mettak danab iitta, ahilag maɗ am 30, o 30 eɗittak ebaqe, ahilag ebqak am 38,000.

Namba 4:15

Aria, Aron, bekkod ele ag qaɗab, balal keeke, amu keeke naunau oh dahil mettid haknu peh lag danab ah appa qagmetteb ele, ag peh amu ooppanu keeke Yawenu tituanak daatteb amu hautna malappeg, haen danab ag gokkulagnu bappaidna daanna, amu Kohat buɗubppan danab ag keeke mawadkkulag. Amge ag tuqai aakkuib aɗaglag. Ag keeke dahilnu tituanak daatteb amu iinab lauɗidmana. Ag lauɗidna amu, ag mauhkkulag. Amu Kohat buɗubppan ag keeke amu, mettid haknu peh lag ooppanu mawadkkulagnu daatte.

Namba 4:37

Ebqak amuam Lewi buɗubppan alag Kohat huuppan aab ikki anen anennu aakku. Ag mettid haknu peh lag danab ah appa qagmetteb ele, ag appa Yawenu uɗat heppig. Yawe Nug Moses oɗeppa haknunab aum bia, Moses, Aron ele ebaqapiɗ.

Namba 4:46

Amunu Moses, Aron, amu Israel dilag ikki danab ele ag Lewi buɗub danab oh ebaqappig. Ag heeg, ahilkad aab ikki onilkad, ahilkad baelkadppa onilkad ele aegeg ebaqappig.