Namba 4:32 - Nobonob Baibel

³² Ag haɗap, mettid haknu peh lag talilidtte ele amu, ag amunu biidod, biidod ɠagattag daakkunu tatap, pehnu pin elab, muɗi, keeke oh aɗ amu qappaglagnu uɗat madatteb ele amu, ag amu oh maoglagnu daatte. Danab anen anen ag keeke amu anen anen maoglagnu tituanattak daatteb amu, ag anamib maoglag.

Namba 4:32 ပူးပေါင်းရင်းမြစ်များ

1 Stori 9:29

Amu Lewi buɗubppan mana mettak danab iitta, ag oolagppan laa ag Yawenu mettid lagnu sia keeke atognoadkkulagnu daanna, aɗi keeke laa appa daappig amu, ag amu ele atognona, plaua, wain, goɗen, kalu danab ile muttuɗig enanag bette, amu spais digdig ele dabmadappig.

Eksodas 25:9

Amu mettid haknu peh lag amu, keeke oh peh lag ooppanu ele, da na dottog ippunidkkul bianab na heppe, ag heig!” awa aum.

Eksodas 27:9

Aria laa amu, ag lamen laala, linen muɗi hakkab eleppa agappeg, lamen amuam dahil mettid haknu peh lagnu aɗ bia daya, lag amu talilitteb, haɗap dayaɗ! Am lamen laa, am aben laih ulah yau uɗitteppanu daakku amu, lamen amu, elab nuhig am 44 mita daakku.

Eksodas 38:17

Amu biidod diilag ɠagattag daakkunu tatap amu, ag bras aon hena, huk, ring ele biidodppa qata-aqak daappig ele, amu oh am silwappa hattak. Biidod igippa ele ag silwa aon, tonadna, emaitak maknu ad ele amuppa tonappig.

Eksodas 38:21

Imuam keeke oh ag Kayaknu mettid haknu peh lag, amuam mettid haknu peh lag men maha aɗit ɗo nai yaak niitte ele appa daattep, ag peh lag amu hekkulagnu keeke aon, uɗat medappignu ebqak. Moses nug Lewi buɗub amelagppa haknunab a, ag Aron, nug am mana mettak danab, ag nug bekka Itamar waappa daan, keeke amu oh ebqena yaappig.

Namba 3:36

Ag mettid haknu peh lagnu ebehi, nuhig ebehi emaitak daappig, biidod, amu biidod ɠagattag eppaknu tatap, nuhig keeke naunau laa oh, amu keeke naunau amu oh uɗat mettaglagnu keeke ele, aria lag amunu talilittaknu haɗapnu biidod, amu biidod ɠagattag eppaknu tatap, amu pin elab, nuhig peh taietteb ɠagattag qadakkunu, amu muɗi aɗ dimittimnu, ag keeke amu oh dabmattaglagnu daadttappig.

Namba 3:8

Lewi buɗub amu, ag dahil mettid haknu peh lag danab ah appa qagmetteb ele, ag appanu keeke oh atognoadkkulag. Israel danab ah oh ag dahil mettid haknu peh lagppa daana, ag uɗat amu hekkulagnu elele iitta amunu, Lewi buɗub ag, ag oulag daaglagnu ehanadna, uɗat amu hekkulag.

Namba 4:31

Ag dahil mettid haknu peh lag danab ah appa qagmetteb ele, ag ahilag uɗat appa henana, ag peh lagnu ebehi, pehnu ebehi emaitak daatteb, pehnu biidod, amu pehnu biidod ɠagattag eppaknu tatap, ag amu oh maoglagnu daatte.

Namba 4:33

Dahil mettid haknu peh lag danab ah appa qagmetteb ele, appanu uɗat imu am, Merari buɗubppan ag hekkulagnu daatte. Aron bekka Itamar, nug geha ag gumadkku. Aron nug am mana mettak danab,” awa aum.

Namba 4:49

Yawe Nug Moses amegppa Lewi buɗub danab ebaqa amu, ag anen anen aɗi aɗi uɗat henana, ag maoglagnu ele, nug ag uɗat amu madakkununab aum amu, Moses anam heum. Ib amuppa amu Moses, Aron amu Israel dilag ikki danab ele, ag Yawe haknunab aum bia, Lewi buɗubppan danab ebaqappig.

Namba 7:1

Moses nug mettid haknu peh lag qappa malowa amu, deɗ amuppa, nug peh amu, amuppan keeke ele, aria qaɗab, amu mana mettak danab, ag qaɗab amuppa keeke aɗi aɗi aɗan amunu uɗat hekkulag ele, nug keeke amu oh goɗen gokkaɗakppa tituanatta, Yawenu tituana mettom.

Namba 7:8

Nug uɗatnu karis waɗele, makau okkai ebehi ele eblaih ewam ele Merari buɗub mattom. Ag amuppa ahilag uɗat hekkulagnu elele mattom. Keeke amu oh am, mana mettak danab Aron bekka Itamar, nuhig maittakppa hak.