Namba 4:14 - Nobonob Baibel

¹⁴ Anam dayeb amu, Aron, bekkod ele ag keeke oh mana mettak danab ag qaɗab brasppa hak, ag amuppa daanna, dahil ɗo maɗoɗnu uɗat amuppa hetteb ele amu, ag amuppa maadkkulag. Keeke amuam iikku; tappiɗ aab mawa oiyaknu, huɗup teppu yaaknu, sabol, amu tiig amuppanu awa tauɗeb ukkaknu tappiɗ. Ag keeke amu oh qaɗab tonaknu lamen qaɗeppa mewona, ag kakai maoi gaɗa otalona, ag tuqai aɗit aben ahilahppa aɗualatppeg wakkulah.

Namba 4:14 ပူးပေါင်းရင်းမြစ်များ

2 Stori 4:19

Solomon nug Kayaknu mettid lagnu keeke imu oh ele heum: qaɗab golppa hak; Kayak Nug ina daatte ippuanattaknu bretnu balal golppa hak;

Eksodas 27:1

Yawe Nug anam anana, nug nai tuɗitta, Moses amegppa aum. “Ag ad akasia aon, qaɗab laa, elab nuhig am 2 mita, 20 sentimita ele, emaitak nuhig am ele 2 mita, 20 sentimita ele, amu attan nuhig am 1 mita, 30 sentimita ele, ag qaɗab amu heig! Elab nuhig am emaitak nuhigbiaib dayaɗ!

Eksodas 27:3

Ag qaɗab amu hena, ag brasib aon, tappiɗ okkai laala aab uhuɗ awaknu hewona, sabol naunau, tiig amuppanu awa tauɗeb ukkaknu tappiɗ, huɗup ele hena, aria, tappiɗ nakok, aab ma mawa ukkaknu amu, ag amu oh ele heig!

Namba 4:13

Ag uhuɗ qaɗab brasppa hak, ag amuppa mautppeg na ukkeb, amu ag lamen perpel laa qaɗeppa otalkkulag.

Namba 4:15

Aria, Aron, bekkod ele ag qaɗab, balal keeke, amu keeke naunau oh dahil mettid haknu peh lag danab ah appa qagmetteb ele, ag peh amu ooppanu keeke Yawenu tituanak daatteb amu hautna malappeg, haen danab ag gokkulagnu bappaidna daanna, amu Kohat buɗubppan danab ag keeke mawadkkulag. Amge ag tuqai aakkuib aɗaglag. Ag keeke dahilnu tituanak daatteb amu iinab lauɗidmana. Ag lauɗidna amu, ag mauhkkulag. Amu Kohat buɗubppan ag keeke amu, mettid haknu peh lag ooppanu mawadkkulagnu daatte.

Namba 4:6

Anam hewona, ag Oo Gun Ele, Oo Gunnab Ele makkulaknu lamen, ag amu kakai maoi gaɗappa amu hautona, ag lamen ed, teppu ele laa, amu qaɗeppa ele hautona amu, ag tuqai aɗit aben ahilahppa aɗualatppeg wakkulah.