Namba 34:3 - Nobonob Baibel

³ Amu yau uɗitteppanu tom am, le ameg Mauhak Le laih yau uɗitteppanu digma ukka, Mediterenia yuppa nokku, amge tom nug tutukkunab ii goma. Sin atu taɗak laih am ahilag tom ooppa daakku, amuam Edomnu tom guguittak.

Namba 34:3 ပူးပေါင်းရင်းမြစ်များ

Genesis 14:3

Sinar dilag king aɗi ag Sodom dilag king aɗi ele ban hekkulagnu ⌊ahaeg⌋, Sodom dilag king aɗi ag ban hekkulagnu nai tuqana, ⌊haenppa⌋ ag ahilkad daup ele oolnu noak okkai onig Sidim, appa goppig. Oolnu noak onig Sidim am Mauhak Lenu oolnu noak.

Eksodas 23:31

Am da ahilag wan tom amu oppatppi, tom amu laa am yu oɗe onig Akaba, appanu digma ukka, yu naɗi Mediterenia appa batak daakku. Tom laa am le naɗi Yupretis laih yawalti uɗitteppanu, appa digma ukka, atu taɗakppa laih yau uɗitteppanu, appa batak daakku. Amu danab appa daatteb amu, da geha ɠagattag ag ag eɗadkkulagnu madakkul amunu, haen ag wan amu ooppa nona, ag danab amu lamadppeg gokkulag.

Esekiel 47:13

Amu Naɗi Yawe Nug inam atte. “Da Israel dilag wannu tom ippunidkkul. Laa amu hekkulag amu, ag wan amu Israel dilag huu okkai 12, ag aulag daakkunu paniglag. Josepnu huu amu, ag maha aɗit aoglag.

Esekiel 47:8

Da amu anitti, danab amu nug da amelppa aum. “Le imu nug aam bedeppa, appa ugakka, Jodan lenu oolnu noakppa ukka, le gottu okkai onig Mauhak Le, le amuppa gotte. Le imuam Mauhak Leppa ukka heeb, le amu ena iitta daatte amu, eɗua ena daakku.

Namba 13:21

Moses nug anam ha aum amunu, ag aakku gona, wan laih Sin atu taɗakppanu, laih Rehop aab okkaippanu ukkak, appa anidnan goppig. Rehop nug am aab okkai Lebo Hamat guguittak dayom.

Josua 1:4

Ahilag wan am yau uɗitteppanu atu taɗak heqoppa, appanu digma ukka ukka, yawalti uɗitteppanu Lebanon wanppa batakku. Laih laa am, aam bedeppan le naɗi onig Yupretis appanu digma, ukka ukka, Hit danab daattebppa, amu oh ukka ele, aam nodeppa appa Mediterenia yuppa batakku. Wan amu oh am ag Israel danab, ahilag daakku.