Namba 34:13 - Nobonob Baibel

¹³ Amu dimppa amu, Moses nug Israel amelagppa ag inam hekkulagnunab aum. “Wan aug, ahilag daakkunu amu, ag om ena yaakppa paniatteg! Yawe Nug Israel dilag huu okkai eblaih waɗele, amu Israel dilag huu okkai laa mahaib ele, amu panin mattaglagnunab aum.

Namba 34:13 ပူးပေါင်းရင်းမြစ်များ

Genesis 15:18

Oiye amu, deɗ amuppa Yawe Nug kobol amuppa he, Nug Abram ele nug tituanya nai qagapiɗ. Aa nug tituanya, nai qakkaya, Yawe Nug Abram amegppa aum. “Da wan imu na buɗunad madattem. Tom nuhig amu inam; le nakok onig Isip, tom am amuppanu digma ukka, le okkai onig Yupretis batak.

Esekiel 45:1

Aria, Yawe Nug anam awowa, Nug nai tuɗitta aum. “Ag Israel ag wan Israel dilag huu okkai anen anen ag aulag daakkunu tituanna mattaglag amu, haen amuppa ag wan amunu maha laa dahilnu tituanak daatte, ⌊wan maha amuam wan maha okkai,⌋ ag wan maha amu da Yawe, dahil daakkunu otiglag. Wan maha amu oh, amuam dahilnu tituanak daakku. Wan amunu okkai am inam: elab nuhig am 12 kilomita maha ele, emaitak nuhig am 10 kilomita. Aben amu ohnab am dahilnu tituanak daakku.

Maika 2:5

Uug anam bekku amunu, ag eheɗ hak danab, ag Yawenu danab ah oolagppa daatteb amu, Yawe heeb, wan maha laa ag eppelagppa baula ii daama. Iitta.

Namba 26:52

Amu Yawe Nug Moses amegppa aum.

Namba 26:55

Nug wan paniadkkunu amu, dottogppa obateb neeb, maha 11 daappeg, nug om ena ya paniadkku. Israel dilag huu okkai anen anen, ag tatam beppig daatteb amu, ag wan maha atten aotteb amu, ag ahilag huu okkai onig aɗeg!

Namba 34:1

Amu Yawe Nug Moses amegppa aum.

Namba 34:12

Aria, tom amu ukka, Galili le gottuppa wana, Galili ihi matta ukka, Jodan leppa wana, le amu matta noa ukka, Mauhak Leppa wana ukka batakppa batakku. Wan, nuhig tom laih laih oh amuppa daaglag amu, wan amu oh ahilag daakku,” awa aum.

Duteronomi 11:24

Am ag wan atten attenppa oiglag amu, wan amu ahilag daakku. Ahilag tom wannu amu, am atu taɗak yau uɗitteppanu appa digma, yawalti uɗitteppanu wana ukka, Lebanon wakku. Amu wan tom kaɗag uɗitteppanu daatte am Yupretis le, amuppa digma, qaban uɗitteppanu ukka ukka, Mediterenia yuppa wakku.

Josua 13:7

Aulag wan amu oh amu, na Israel ag ahilagnab daakkunu, na panin, Israel dilag huu okkai eblaih waɗele ele, amu Israel dilag huu okkai Manase mahaib ele, na amu oh madakkut.” Yawe Nug anam aum.