Namba 33:54 - Nobonob Baibel

⁵⁴ Ag wan amu om ena yaakppa, aab ikki anen anen panin mattaglag. Ag aulag daakkunu aab ikki okkai anen anen amu, ag wan okkai mattaglag, aab ikki nakok anen anen amu, ag wan nakok mattaglag. Aɗi keeke ahilagppa watte amu, ahilag aakku daakku. Ag Israel ag ahilkad huu okkai ag tatam beppig daatteb amu, ag amu dabmenana paniatteg!

Namba 33:54 ပူးပေါင်းရင်းမြစ်များ

Namba 35:8

Israel danab ag Israel dilag huu okkai anen anen dilag wan am, aab okkai gane daatteb, ag amu anidnana, aug wan amu, nuhig aab okkai gane daatteb, melemel amuppa ag huu amunu aab gane Lewi buɗub mattaglag, ag amu dabmekkulag. Israel dilag huu okkai laa nug nuhig wanppa aab okkai kuɗum ele amu, amuppanu ag aab kuɗum mattaglag; laa am nuhig wanppa aab okkai kuɗum iitta ele amu, ag amuppanu kuɗum iitta mattaglag,” awa aum.

Josua 13:6

Aria, wan atu laa Kanan danab eppelagppa daatte, tom laa am Lebanon dilag tom, appanu ukka, Misrepot Maim tomppa batom. Wan amuppa qauko qauko daatteb. Amuam Saidon danab dilag wan. Da dakka, da geha heppi, ag Israel ag danab amu lamadkkulag. Da anam ehanadkkul amunu, da haknunab ami, anamnab na hena, ag aulag daakkunu, na wan amu oh Israel madakkut.

Josua 14:2

Danab ag wan paninna, Israel dilag huu okkai eblaih waɗele, amu Israel dilag huu okkai mahaib laa ele ag aoppig amu, danab amu ag om ena yaan, wan, ag aulag daakkunu panippig. Yawe Nug Moses oɗeppa ag anam hekkulagnunab ippuanattom amu, ag aakku heppig.

Josua 18:11

Josua nug om ena yaak tatamnu ha antta, om ena yaak ippunittom bia nug wan maha tatamnu am Israel dilag huu okkai Benyamin baekkudppa mattom. Ahilag wan amu Josua, nuhig ehanittak ele ag Juda, Josep ele huu dilag wan gamagppa makkula mattom.