Namba 33:4 - Nobonob Baibel

⁴ Ag Ramesesnu ahan ukkaegeg amu, Isip ag Yawe he, nid ⌊danab⌋ tatamnu ag ahilkad nid amu mauhegeg boumadnana daappig. Yawe he, nid ⌊danab⌋ tatamnu oh mauhadppig, amuppa Nug he, Nug Isip dilag kayak, amuam hambuppuak kayak Isip danab ah ippuanattom.

Namba 33:4 ပူးပေါင်းရင်းမြစ်များ

Sam 105:36

Nug anam ha male, Yawe Nug nid ⌊danab⌋ tatamnu Isip dilag oh aqom. Nug baelkadppa anen anenppa nid danab tatamnu, nid amu nug anig mameg nuhigppa nid danab menuadkkulahnu digmepiɗ ele amu, Nug nid ⌊danab⌋ amu oh aqom.

Eksodas 12:12

Tuqan amuppa amu, da geha Isip wanppa oiyeye, Isip danab ah dilag nid ⌊danab⌋ tatamnu oh, amu doɗ nalkad ⌊dawai⌋ tatamnu oh ele aqakkul. Amuppa amu, da kayak hambuppuak oh Isip dilag amu, da ag bu okkai madakkul. Da am Yawe.

Eksodas 18:11

Gemu da doottem, Yawe Nug kayak laa oh eɗattak. Aɗinu? Haen Isip ag beɗuppa tak kobol nau dim lamidnana, ag Israel eheɗ nau hattegeg, Nug Israel ena ehanatta, Isip danab eppelagppanu eɗua diiom,” awa aum.

Aisaia 19:1

Nai meunab ele Isip wanppanu Yawe he, Aisaia doyom ele am iikku. Antteg! Yawe Nug lombigppa dayebeb, lombig nug pahanab Isip wanppa uɗikku. Yawe Nug uɗiebeb, Isip dilag kayak hambuppuak dottolkad ag baɗan hahaɗkkulag. Ao, Isip danab ah ele ag huan ottaina, baɗan, oolagppa gai-iitta dooglag.

Sepanaia 2:11

Yawe Nug heeb, Moap, Amon ele dilag kayak hambuppuak oh ag padal mekkulag amunu, Moap danab ah, Amon danab ah ele ag Yawenu ebehilag oh bodoetta le mekku. Yawe Nug anam ha maleb, wanppan wan ohppan danab ah ag ahilag wanppa Yawe noobppa dup nona Nug binag mekkulag.

Namba 3:13

Aɗinu? Haen da Isip appa Isip dilag nid ⌊danab⌋ tatamnu oh aqadmi amu, da Israel dilag nid ⌊danab⌋ tatamnu ag dahilad daaglagnu tituanadmi. Danabnu nid ⌊danab⌋ tatamnu, o iitta doɗnu ⌊dawai⌋ tatamnu, amu oh am dahilad. Ag dahilad daatteb. Da am Yawe.” Yawe Nug anam aum.