Namba 32:5 - Nobonob Baibel

⁵ amunu na ootppa ihinignu ena doottem dayeb amu, na wan imu, ig, ig am nahipad maɗi nid amu, na ig megakkutnu oonig huana hette. Megappe, ihinig dayebeb, ig wan amuppa daagnig. Na heppe, ig Jodan le mataɗta, laih wata, appa daagnignu oonig ii daatte.” Ruben buɗub, Gad buɗub ele, danab amu ag anam aakku appig.

Namba 32:5 ပူးပေါင်းရင်းမြစ်များ

Genesis 19:19

Na da, maɗi nid nahip, na dahilnu ii helom bia me, na ehaniɗme. Na dahilnu oot bodoetta auta awe ehaniɗme, da ii mauhmi. Aakku, amge da doottem, aab imunu padal mak am paha bekku amunu, da qaukoppa gokkulnu am haen elele iitta. Da mauhkkul.

2 Samuel 14:22

King nug anam a amu, Joap nug king binag mekkunu laippun gateg qaun o, gomela, iɗu wanppa ma, nug king itittom. Itittowa, nug king amegppa aum. “Na, na dahil naɗi, na king, na gemu da na aɗi hekkutnu oɗ mettami, na amuib hekkutnu attem amunu da, nahip maɗi nid, da gemu na dahilnu ena doottem, da amu aakku doottem,” awa aum.

Esta 5:2

Esta nug anam ukka hibaitta dayeye, ⌊king daatteppan oonu od matulak daye,⌋ king nug Kuin Esta appa king laugppan haɗap-ppa hibaitta daye antta, nuhignu ena doya, nug kingnu qakun golppa hak aɗom am me waum amunu, Esta nug ukka, qakun amu noob lauɗittom.

Jeremaia 31:2

Amu Yawe Nug imu ele atte. “Danab ah ag qep elabppa ii mauhkkulag amu, ag atu taɗakppa daappeg, da ahilagnu ii helom bia me, da ehanadkkul. Da uɗien, Israel ehanadppi, ag maɗoɗ ele daaglag,” awa atte.

Namba 32:6

Gad, Ruben danab ele ag anam aeg amu, Moses nug nai ahilag nob ma aum. “Ag lailkad ban hekkulagnu gobeppeg, ag imuppa daaglag am enate?

Duteronomi 1:37

⌊Dahilnu amu,⌋ Yawe Nug ag beɗulagppa ha, dahilnu ele oo nauhe, ⌊haen amuppa⌋ da amelppa aum. “Na wan amuppa ii nomana!

Josua 7:7

Ag anam daan amu, Josua nug unuqitta aum. “O Naɗi Yawe, Amo danab ag ig iqaglag dayeb amu, diig aɗinu na ig omaigna, Jodan le mataɗna laih imuppa uɗime? Ig le laih uppa daalomlob, amuam ena. Ig ippa uɗipput, ag ig eɗigkkulag am ena iitta.

Rut 2:10

Boas anam a amu, Rut nug gateg qaun o, gomela, iɗu wanppa ma, nug Boas amegppa inam aum. “Da am wan laihnu ah amunu, diig aɗippa na da ena aniɗna, dahilppa kobol ena hettem?” awa oɗ mettom.

1 Samuel 20:3

Jonatan anam aum, amge Dawit nug nuhig nai ɠagattag qetta, nug nob ma amegppa aum. “Na mamen nug na dahilnu ena doottem dootte amunu, nug inam dabmette. ‘Jonatan nug da Dawit qeppi mauhkkunu hettem doya amu, nug ooppa guittak naunab dookku. Nug anam dookku amunu, nug aib amu doyom!’ Nuhig dabmak anam daatte amunu, nug da iweb mauhkkulnu hette amu, dabmak amuam nuhigppaib lokkumak daatte. Nug amu hette am, na nuhig dabmak amu ii doottem, amge Yawe genab bau daatte, na ele genab bau daattem, genab amubia na mamen nug da iweb mauhkkulnu hette; dahil mauhak amu miagnab daatte,” awa aum.