Namba 32:33 - Nobonob Baibel

³³ Ag anam aeg amu, Moses nug Amo dilag king Sihon, amu Basan dilag king Og ele, ahilti wan amu Gad buɗub, Ruben buɗub, amu Israel dilag huu okkai Manase mahaib, Manase nug Josep bekka amu, nug ag mattom. Nug wan amu, wan amunu aab okkai, amu wan aab okkai amu taliliattom ele ag mattom.

Namba 32:33 ပူးပေါင်းရင်းမြစ်များ

1 Stori 12:31

Israel dilag huu okkai Manase mahaib laanu danab am 18,000. Ag lailkad laa ag danab amu anen anen, ag onilagppa tituanna, ag gona, Dawit ahilag king daakkunu ɠagattag qettaglagnu maatte goppig.

1 Stori 26:32

Jeria nug danab 2,700, ag oh nug ele tiig laippu, nug ag gumattom. Danab amu oh ag am kalu mettak danab daanna, baelkadppan dilag danab okkai daappig. Ag anam daaegeg, King Dawit nug he, Jeria, nug laikkud ele ag Ruben buɗub, Gad buɗub, Israel dilag huu okkai Manase mahaib laan danab ele ag Kayaknu keeke hekkulagnu, kingnu keeke ele hekkulagnu daappig amu, ag amu hekkulagnu gumappig.

1 Stori 5:18

Ruben buɗub, Gad buɗub, amu Israel dilag huu okkai Manase mahaib, amun danab amu, huu ewam amunu danab ag beɗulag ɠagattag ele, ag qep elab, lat, guppiɗ ele aɗan, ban hekkulagnu ihuhuak aon malan, ban hekkulagnu elele daappig amu, ahilag ebqak am 44,760.

Namba 32:1

Ruben buɗub, Gad buɗub, ele amu, ag makau, sipsip ele huana bekkadppig. Ag neegna amu, wan onig Jaser, am wan laa onig Gileat ele, wan aɗit amu aa gikkiɗah huana ele anatppig. Aben amuppa makau, sipsip ele daaglagnu enanag anidppig.

Namba 32:32

Ig geha Yawe noobppa ban hekkunignu bannu keeke aɗualadta, ig le mataɗta, laih Kanan wakkunig, amge keeke aulag ig aognig ele, amuam Jodan le laih ippanu daakku,” aon appig.

Namba 34:14

Aɗinu? Israel dilag huu okkai Ruben, amu huuppan baelkadppan danab, Israel dilag huu okkai Gad, amu huuppan baelkadppan danab, amu Israel dilag huu okkai Manase mahaib, amu huuppan baelkadppan danab, ag aulag wan matu aoppig.

Namba 34:15

Israel dilag huu okkai aɗit amu, amu Israel dilag huu okkai laa mahaib ele, ag matu aulag wan laih aam bedeppanu, heqo laih, le Jodannu Jeriko guguittak appanu aoppig,” awa aum.

Duteronomi 29:8

Ig ahilah wan aot, Israel dilag huu okkai Ruben, Gad amu Israel dilag huu okkai Manase mahaib ele, ag aulag daakkunu mattamut.

Josua 12:1

Israel danab ag matu king aɗit laa Jodan le laih kaɗag uɗitteppanu eɗatna, wan ahilah aoppig. Wan amuam oolnu noak onig Arnon, appa digma ukke, qauko Hermon batak. Aria, atu onig Araba, Jodan leppanu kaɗag uɗitteppanu, wan amu ele. ⌊King aɗit eɗatppig ele amuam Sihon, Og ele.⌋

Josua 12:6

Yawenu maɗi nid Moses, am Israel danab ele ag King Sihon, am King Og ele, ahilti danab ah ele eɗadppig. Eɗadna amu, Moses nug ahilag wan amu otia, Israel dilag huu okkai Ruben, Gad ele, amu Israel dilag huu okkai Manase mahaib ele ahilag daakkunu ag mattom.

Josua 14:3

Josua aɗi ag Israel dilag huu okkai eblaih waɗele, amu Israel dilag huu okkai mahaib laa aakkuib wan amu mattomnu diig am haen matu, Moses nug Israel dilag huu okkai aɗit laa, amu Israel dilag huu okkai mahaib laa ele, ag wan Jodan le laih kaɗag uɗitteppanu, ag aulag daakkunu amu mattom, amge nug Lewi buɗub amu, nug ag wan laa, ag aulag daakkunu ii mattom.

Josua 22:4

Amu Yawe, ahilag Kayak, Nug he, gemu Israel dilag huu okkai laa imu oh ag kekeɗ dilag ii baɗan, ag maɗoɗ, enaib daatteb. Nug ahilagnu aɗi hekkunu nai qakka aum amu he, ag ahilag wan aon daatteb amunu, ag ahilag wan, wan amuam Jodannu le kaɗag uɗitteppanu daatte amu, ag ahan, ahilag wan amuppa gona daaglag. Yawenu maɗi nid Moses, nug ag wan amu mattom.

Josua 22:7

Amu Moses nug matu Basan wan, wan amuam laih Jodannu kaɗag uɗitteppanu daatte amu, nug wan amu Israel dilag huu okkai Manase mahaib ag mattom. Amu Josua nug Israel dilag huu okkai Manase mahaib laa, am wan laa laih Jodannu qaban uɗitteppanu, ag lailkad oolagppa ag mattom. Aria gemu amu, Josua nug Ruben, Gad, amu Israel dilag huu okkai Manase mahaib ele, nug danab amu oh maatteb gokkulagnu heum amunu, ag anam gokkulagnu daaegeg, nug ag itattowa,

1 Samuel 13:7

Israel laa ag anam lokkumna daanna, laa ag ahan, Jodan leppa, le baag qak daattebppa, ag appa le mataɗna, Israel dilag wan laih laa, am Israel dilag huu okkai Gadnu wan, amu Israel wannu laih Gileat, ag appa ele gona, lokkumna daappig. Amu Israel danab laa ag gona, anam lokkumna daaegeg, Saul nug Gilgal appa dayeye, nuhikkud daup laa, ag lokkumak daaglagnu ii oolppig amu, ag appa nug ele daappig amge ag huan baɗaeg, beɗulag hahaɗom.