Namba 32:32 - Nobonob Baibel

³² Ig geha Yawe noobppa ban hekkunignu bannu keeke aɗualadta, ig le mataɗta, laih Kanan wakkunig, amge keeke aulag ig aognig ele, amuam Jodan le laih ippanu daakku,” aon appig.

Namba 32:32 ပူးပေါင်းရင်းမြစ်များ

Lewitikas 14:34

“Haen ag Kanan wan, wan amuam ag aulag daakkunu madattem amu, haen da ag madappi noppeg, da heppi, geha gi, gaɗa oɗe nau bia, ag laulag qekku.

Namba 32:19

Aɗinu? Yawe Nug ig wan aunig, ippa Jodan laih kaɗag uɗitteppanu mekkom amunu, ig wan aunig Israel laala ele oh laih Jodannu qaban nedeppanu amu, ig amu ii aomta,” aon appig.

Namba 32:31

⌊Gat, Ruben ele huuppan danab ag appa Moses guguittak daaegeg, nug Elieser, Josua, amu Israel dilag ikki danab ele amelagppa aawo, Gad, Ruben ele huuppan danab ag dooppig.⌋ Ag Moses nai aum amu doona, ag appig, “Nahip maɗi nid ig, ig geha Yawe aɗi aum amu hekkunig.

Namba 32:33

Ag anam aeg amu, Moses nug Amo dilag king Sihon, amu Basan dilag king Og ele, ahilti wan amu Gad buɗub, Ruben buɗub, amu Israel dilag huu okkai Manase mahaib, Manase nug Josep bekka amu, nug ag mattom. Nug wan amu, wan amunu aab okkai, amu wan aab okkai amu taliliattom ele ag mattom.

Namba 34:15

Israel dilag huu okkai aɗit amu, amu Israel dilag huu okkai laa mahaib ele, ag matu aulag wan laih aam bedeppanu, heqo laih, le Jodannu Jeriko guguittak appanu aoppig,” awa aum.

Duteronomi 1:1

Buk imu amu Israel danab ah ag laih Jodan lenu kaɗag uɗitteppanu, appa atu onig Araba, appa daaegeg, Moses ag amelagppa nai mattiom ippunigtte. Ag haen tutu dayaknu aab Araba appa, Sup guguittak kalan daappig. Paran amu ag heqolag laih dayeye, Topel, Laban, Haserot, Disahap ele amu heqolag laih daappig.

Duteronomi 29:8

Ig ahilah wan aot, Israel dilag huu okkai Ruben, Gad amu Israel dilag huu okkai Manase mahaib ele, ag aulag daakkunu mattamut.

Duteronomi 3:12

Ig wan amu ihinig daakkunu aot, da wan maha Aroernu ukkak, Arnon oolnu noak eleleppa daatte, amu Gileatnu wan qauko qauko ele, amunu maha laa ele, nuhig aab oh ele, da wan amu Israel dilag huu okkai Ruben, amu Israel dilag huu okkai Gad ele mattami.

Josua 12:1

Israel danab ag matu king aɗit laa Jodan le laih kaɗag uɗitteppanu eɗatna, wan ahilah aoppig. Wan amuam oolnu noak onig Arnon, appa digma ukke, qauko Hermon batak. Aria, atu onig Araba, Jodan leppanu kaɗag uɗitteppanu, wan amu ele. ⌊King aɗit eɗatppig ele amuam Sihon, Og ele.⌋

Josua 12:6

Yawenu maɗi nid Moses, am Israel danab ele ag King Sihon, am King Og ele, ahilti danab ah ele eɗadppig. Eɗadna amu, Moses nug ahilag wan amu otia, Israel dilag huu okkai Ruben, Gad ele, amu Israel dilag huu okkai Manase mahaib ele ahilag daakkunu ag mattom.