Namba 32:23 - Nobonob Baibel

²³ Amge ag keeke, da ag hekkulagnunab ippunadmi imu, ag ii heppeg amu, ag aakku Yawe, nuhigppa hipunin hekkulag. Ag aibnab dabmak hambuppuak aoppig! Ag hipunin qewona amu, ag hipuninnu nob nau aoglag.

Namba 32:23 ပူးပေါင်းရင်းမြစ်များ

Genesis 13:13

Amu Sodom danab ag nau hak danab. Ag Yawe noobppa hipunin kuɗum, okkai ele henan oidttappig.

Genesis 4:7

Na kobol ena heppe, da ool nahipnu ena daakku. Amge na kobol ena ii heppe, hipunin na tonitteb nauhkkut, amge anam am aib. Na hipunin tabappe noaɗ!” awa aum.

Genesis 44:16

Josep anam a amu, Juda nug aum. “O naɗi, ig aɗi nai laa akkunig? Ig aɗi apput, na ig keeke imu ii hemut anidkkut? Elele iitta. Kayak Nug he, ig, nahip maɗi nid, ig ihinig hipunin miag atiom. Aakku amunu, nid umu kap nuhig bekppa dayeye lag gumak danab anttom ele amu, nug ig laa oh ele nahip begbeg maɗi nid daagnig,” awa aum.

2 Samuel 3:39

Kayak he, da goɗen gokkaɗakppa tituanak, da amuppa gemu king daattem, amge da am ɠagattag okkai iitta. Seruia bekoɗ imu aa am ɠagattag okkainab ele. Aa eheɗ hepiɗ amu, Yawe Nug eheɗ hak amu andatta, Nug eɗua ahilah eheɗ hak eleleppa nob matakkunu ool daatte,” awa aum.

1 King 2:32

Joap nug danab aɗit hamu aqate, Yawe Nug nob iikku medakku. Da mamel, Dawit, nug ii doyeye, Joap nug qep elabppa ban ha, Ner bekka Apner, nug am Israel ban daup ikki anuqak, amu Jeter bekka Amasa, nug am Juda ban daup ikki anuqak, Joap nug aa hamu aqate mauhpiɗ, amge aa am danab aɗit, ahilah oiyak, ahilah kobol ele am ena. Aa, amu ahilah hak ele, am Joapnu kobol, oiyak ele eɗittom.

1 King 2:33

Danab aɗit amu hamu qe mauhaknu aab am, hanhan Joap, amu nug buɗub dimppa bekkulag ele, ahilagppa daakkunu ool daatte. Amge Dawit, nuhigppa, amu nug buɗubppa, amu nug abenabppa ele Yawenu maɗoɗ am hanhan daakkunu ool daatte,” awa aum.

Sam 139:11

Am da gatatu appi lokkumiɗlotai. Ao, da amahlak taliliɗak daatte amu, da appi, gatatu mailotai.

Sam 140:11

Na heppe, danab ag laa onig nauhkkunu nai nau maditteb amu, ag ihinig wanppa ii daamnanu oɗ medattem. Na heppe, uug naunab, danab ag laa guittak nau mauhnoak madatteb ele, am ag qaɗelagppa nekkunu unuqidttem.

Sam 90:8

Na hee, ihinig hipunin oh na noomppa miag atiak daatteb. Ao, na am amahlak ele, amu na hee, ihinig hipunin, ig lokkumakppa hemut ele amu, hipunin amuam na noomppa amahlakppa miag atiak daaegeg anadttem.

Prowerb 13:21

Uug nug hipunin danab ah dim lamatta, aben oh ag gottebppa ele gotte; amge genab tutukku hak danab ag ena aon daatteb.

Prowerb 24:16

Aɗinu? Genab tutukku hak danab nug haen eblaih aɗit ele na qekkutai, amge nug eɗua ahakku; genab tutukku hak danab nug anam hette, amge nau hak danab ag uug naunab he, nauhtteb.

Prowerb 5:22

Nau hak danabnu amu, nuhig eheɗ hak am pelem laa doɗ awom bia nug awom daatte. Ao, nuhig hipunin am danab muɗippa hippalak daatte, amubia nug hippalitte daatte.

Aisaia 3:11

⌊Amge imu ele dabmenan oiyeg!⌋ Nau hak danab ah dilagnu amu, gadonnab gadon. Aɗinu? Ag hak nau ahilag laa dilagppa heppig, nob amu, ag amuib eɗun aoglag amunu, ag nauhkkulagnu hetteb.

Aisaia 59:12

Aɗinu ig amu ii anidttem. Ig hipunin kuɗumnab hetat oitut, na, Yawe, na hipunin amu oh anadttem. Ao, danab hettoɗiakppa layag eheɗ heumnu atte amu, ihinig hipunin ag ihinignu na amenppa anam bia hetteb. Eheɗ hak ihinig am laa nug he ii iitta meppig; amu ihinigppa ina daatteb. Ao, ig hipunin digdig hemut amu, ig amu aakku doottem.

Jona 1:7

Ag anam heeg ukke, uub gumak danab ag akka akka appig. “Doppeg, ig ihinig kobolppa om yaata, aun nug aɗi eheɗ heum amunu ig mauhkkunignu hettem amu, ig anidtu,” aon appig. Aakku ag om yaan gona, Jona he, yu eheɗ ahom anidppig.

Rom 2:9

Danab oh kobol tutukku iitta hetteb ele, ahilagppa qagaiettak okkai, guittak okkai ele bekku; Juda ag tatam ⌊nai amu⌋ doyegeg, iitta aɗi ag aakku geha dootteb.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Josua 7:18

Amu Josua nug Simri baegppan danab oh laib laib diiadna waeg amu, Yawe Nug Aakan, nug eheɗ heumnu awom. Aakan nug Karmi bekka. Karmi nug Simri bekka. Simri nug Sera bekka. Aakan nug Israel dilag huu okkai Juda, amuppanu.