Namba 31:8 - Nobonob Baibel

⁸ Danab aqappig oolagppa amu Ewi, Rekem, Sur, Hur, Reba ele. Danab amu, ag am Midian ooppanu king tanig ele. Ag Balam, Beor bekka, ag nug ele qep elabppa qeeg mauhom.

Namba 31:8 ပူးပေါင်းရင်းမြစ်များ

Sam 10:2

Nau hak danab ag beɗuppa tak kobol nau dim lamidna, ag daɗek danab ah eheɗ hadatteb, amge Yawe Nug heeb, laa ag daɗek dilagnu keeke laa hekkulagnu lokkumakppa doonna, maittak eheɗ aotteb ele, kobol amu eɗua, ahilagppa daakkunu ool daatte.

Sam 9:16

Yawe Nug hanhan nai doya mala hettoɗia epeɗia elele mettak kobol dim lamidtte amu, danab ah ag amu dootteb, amge nau hak danab ag akka ahilag pelemppa notteb. Ag amu dabmetteg! Sila.

Prowerb 11:3

Genab tutukku hak danab ag oolagppa dabmak oiyak ele tutukkuib dayaknu kobol dootteb, ag amuppa ulum aon oitteb; amge danab ag Yawe ippuanattom bia Nug dim lamidkkulagnu uun hetteb amu, ag hambuppuak hena, padal metteb.

Prowerb 13:17

Nai awa ukkak danab nau nug uug he bette; amge nai awa ukkak danab, laa ag nuhignu genab elele dooglagnu elele, nug he, maɗoɗ bette.

Habakuk 3:7

Da neekki ukke, Kusan danab ag uug nau doon daappig anidmi. Ao, Midian danab ag guittak okkainab ele daaegeg anadmi.

Namba 22:10

Kayak Nug Balam anam oɗ metta a, Balam nug Kayak amegppa aum. “Ag am Sipor bekka Balak, Moap dilag king, nug ag maatta, eppelagppa nai imu me uɗiom.

Namba 22:4

Amu Moap ag huananab baɗana, ag Midian dilag ikki danab amelagppa appig. “Makau okkai ebehi ele laa gikkiɗah latte bia, geha danab ah imu ag keeke talilikkak daatteb imu oh aon malaglag,” aon appig. Amunu Balak, Sipor bekka, nug haen amuppa Moap dilag king dayom, nug nai awa ukkak danab maatte, ag gona Beor bekka Balam gumidna goppig. Balam nug appag diig Peto, le naɗi guguittak appa dayom; amu nai awa ukkaknu danab amu ag nug uɗia, Moap ehanadkkunu appeg dookkunu goppig. Balak nug nai imu nai awa ukkak danab ag Balam appeg dookkunu amelagppa aum. “Danab ah ag Isip uun, ahan uɗin, wan oh tonan malan, ag da gukkuiɗak haen tutu dayaknu aab kalan daatteb.

Namba 23:10

Auntai laa Jakop buɗub ebqekkunu elele? Laa iitta! Aɗinu? Ag amu kuɗumnab. Yo, auntai laa, Israel danab ah maha laa ebqekkunu elele? Laa iitta! Aɗinu? Ag am kuɗumnab! Da mauhkkulnu amu, da genab tutukku hak danab mauhtteb bia mauhkkulnu ool daatte! Yo, da mauhkkulnu amu, da ag mauhtteb bia mauhkkulnu ool hette!” awa aum.

Namba 24:14

Gemu da aakku dahilad danab gumatte gokkulnu hettem, amge doye, geha dimppa Israel danab ag nahip danab dilagppa attem hekkulag amu, da appi doye!” awa aum.

Namba 24:25

Balam nug Kayak nai meunab ele amu oh mattia mala, nug appag diigppa ugekke, Balak nug ele eɗua, appag diigppa ukkom.

Namba 25:15

Amu ah qe mauhom amu, nug am Midian ah onig Kosbi. Nug am Sur aɗeg. Sur nug am Midian ted, amu nug baegppan okkai laa dayom.

Namba 31:16

Ah amu ag aakku, ag Balamnu ulum nai dim lamidna, ag Peor appa ⌊Israel kobol nau hekkulagnu oolag eeɗna⌋ heeg, Israel danab ah Yawenu oo metta ii uuak kobol ii dim lamidna, hipunin heppig. Ag anam heppig amu, ag amu iite dootteb? Ah amu ag anam heeg amu, oɗe nau danab kuɗum aqe mauhtteb ele, oɗe amu Yawenu danab ah dilagppa beum.

Namba 31:9

Israel ban daup ag amu hewona, ag ah, nid ele aɗualadna, makau, meeme, sipsip, donki, amu keeke laala Midian dilag oh ele diippig.

2 Pita 2:15

Hambuppuak ippunittak danab amu, ag ib tutukku ettan, ib eheɗppa gotteb. Ag Beor bekka Balam, nug ib dim lamittom ele dim lamidtteb. Balam nug men doɗonu oo mauhe, kobol nau haaha, men doɗo aokkunu dabmeum.

Jut 1:11

Danab amunu am gadonnab gadon. Ag Kainnu kobol hena oitteb. Ag men doɗonuib dabmena, Balam kobol eheɗ heum bia hetteb. Ag anukka Kora tappe nak ha nauhom, amubia ag anam hena, padal metteb.

Revelesen 19:20

Anam amge, laa ⌊hos hakkab attan dayom⌋ nug doɗ dakkuɗ aɗa, propet hambuppuak ele aɗom. Propet amu nug doɗ dakkuɗ ehanidkkunu epponak keeke kuɗum danab haknu elele iitta heum. Kobol amuppa nug danab oh, ag doɗ dakkuɗnu epponak keeke aoppig, ag ele doɗ dakkuɗ dottog noobppa dup nona binag meppig amu, nug ag hambuppualattom. Amunu doɗ dakkuɗ nug propet hambuppuak ele aa bau daaeheh, laa ⌊hos hakkab attan dayom ele,⌋ nug aa aɗalata, aab ameg kalu laa huana eotte onig salpa eotteppa buɗiate nopiɗ.

Revelesen 2:14

Amge eheɗ hak nahip laippu laippu imunu da na amenppa iikku attem. Nahipad danab laa Pergamum appa ana daatteb, ag Balamnu kobol amu ɠagattagnab aɗatteb. Nug Balak ippunitte, Balak nug he, Israel danab ah ag hipuninppa nena qeppig. Amuam Israel aɗi ag danab laa, ag doɗ main kayak hambuppuak dottolkad madappig ele, ag doɗ amu lana, gappai kobol ele heppig.