Namba 31:6 - Nobonob Baibel

⁶ Ag babaittak daaeg amu, Moses nug maatte, bannu goppig. Amuam Israel dilag huu okkai anen anenppanu danab 1,000 otialattak ele. Nug he, mana mettak danab Eleasar bekka Pinias, nug ele oh goppig. Pinias nug mettid haknu peh lagppanu keeke laala, amu trampet, attem attem iwaladppeg ban danab ag dooglagnu am awe ele goppig.

Namba 31:6 ပူးပေါင်းရင်းမြစ်များ

2 Samuel 11:11

Dawit nug anam oɗ mette, Uraia nob ma aum. “Tituanak Nainu Kunup, Israel daup, Juda daup ele ag laih goppig, pehppa daatteb. Dahil okkai Joap, daup ele ag lakka ii daatteb. Iitta. Ag haen tutu dayaknu aab kalakppa daatteb. Ag anam daatteb, am da attem hein ukke, da laulppa tein, ee, le ele lappi, dahil ah ele niignih? Da amu heina, am da eheɗ helom. Na genab bau daattem, genab amubia da anam iinab hepa,” awa aum.

Esra 7:5

Buki mameg am Abisua. Abrisua mameg am Pinias. Pinias mameg am Eleasar. Eleasar mameg am Aron. Aron nug mana mettak ikki danab dayom.

Eksodas 25:9

Amu mettid haknu peh lag amu, keeke oh peh lag ooppanu ele, da na dottog ippunidkkul bianab na heppe, ag heig!” awa aum.

Namba 14:44

Moses nug anam aum, amge Israel danab ag hibguitta hena, ag Kanan wanppa qauko qauko ele, ag qauko amu igippa gona, appa ban hekkulagnu tekkulagnu goppig. Israel ban daup ag goppig, amge Moses nug ii ukkom, ban daup ag Yawenu Tituanak Nainu Kunup kontrak inak ele, ag amu ele aon ii goppig.

Namba 31:5

Yawe anam aum amunu, Israel dilag huu okkai anen anenppanu danab 1,000 otiadppig; danab 12,000 amu ag ban hekkulagnu babaittak daappig.

Duteronomi 20:2

Ag banelag gokkulagnu daabppeg amu, mana mettak danab nug uɗia, ban daup daulag batakku.

Josua 22:13

Ag anam heppig, amge ag ii goppig daanna, ag Eleasar bekka Pinias, nug mana mettak danab amu, ag nug, aria Israel dilag ikki danab ebqak eblaih laih ele, ag nug ele Gileat wanppa gona, ag Ruben danab, Gad danab, amu Israel dilag huu okkai Manase mahaib danab ele, ag ag ele nai mattiglagnu maatte goppig. Danab okkai eblaih laih ele amu, ag am Israel dilag huu okkai eblaih laih ele anen anen dilag ikki danab. Ag Israel ooppan baelkadppan anen anen dilag ikki danab aakku.

1 Samuel 14:18

Amu haen amuppa Kayaknu Tituanak Nainu Kunup Gibea appa, Israel dilag ban danab daappigppa dayom amunu, Saul nug Ahaiya, nug am mana mettak danab, nug nug amegppa aum. “Na Kayaknu Tituanak Nainu Kunup aon uɗie!” awa aum.

1 Samuel 23:9

Saul nug nuhikkud ban danab qagmatte, dimppa Dawit nug Saul uɗia, nug qeeb mauhkkunu ha babaittom, nug nai amu doya, nug mana mettak danab Abiatar amegppa aum. “Lamen enanag-epod amu aon uɗie!” awa aum.

1 Samuel 4:17

Eli nug anam a, danab nug nai awa uɗiom ele amu, nug aum. “Pilistia dilag daup ag ban henana, ag Israel eɗadna aqaegeg, Israel huanaknab mauhadna, Israel ag aakku oolppig. Amu na begapaɗ Hopni, Pinias ele, aa ele mauhpiɗ, amu Pilistia ag Kayaknu Tituanak Nainu Kunup ele aoppig,” awa aum.