Namba 31:41 - Nobonob Baibel

⁴¹ Moses nug mana mettak danab Eleasar keeke imu takis daden mak bia Yawenu daakkunu otia mettom. Amuam Yawe Nug Moses amegppa anam hekkununab aum bia heum.

Namba 31:41 ပူးပေါင်းရင်းမြစ်များ

Eksodas 12:28

Aria, Moses, Aron ele aa anam aeh, Israel danab ag doyona, ahan gona, kobol ag anam hekkulagnu, Yawe Nug Moses, Aron ele oɗelahppa haknunab aum, ag Nug aumbianab aakku heppig.

Namba 18:19

Gemu digma ukkak, Israel ag mana mettak hena, ag amu aon, da, Yawe, ag da meɗatteb, mana mettak amu ag dahilnu tituanak daatteb ele amu, geha laih ahilag daakkunu ami ele amu, laih amuam da ag, ag bekkalkad, amu ag aɗelkad ele, ahilag hanhan daakkunu madattem. Nai imuam dahil nug tituana nai qakkak tuqa awak laa iitta ele, amu ag, ag buɗulkad ele, ahilagppa daakku, am iitta ii mema,” awa aum.

Namba 18:8

Yawe Nug Aron amegppa anam awowa, Nug tuɗitta aum. “Da, Yawe, da dakka, da na, na begapad ele ag mana mettak atten Israel ag da meɗaglagnu hetteb ele amu, ag eppelagppanu aoglagnu, ag manan meɗaglagnu ele tituanadmi. Mana mettak amuam dahilnu tituanak daatteb. Amu mana mettak amunu doɗ, o ee aeg keeke, Israel ag da meɗappeg, laih atten ag ii manan meɗaglag daatte amu, da na, amu na begapad ele madattem. Maha amuam ahilag daatte, ag amu hanhan aoglag.

Namba 31:42

Moses nug doɗ, ah danab ele ii niippig ele, Israel danab ah dilagnu amu epeɗiak ameg laa piɗe ma, ameg laa epeɗiak daup banppa goppig ele dilagnu piɗe meum. Israel danab ah dilag epeɗia otia mattom am inam; sipsip 337,500, makau 36,000, donki 30,500, ah 16,000 ele. Ah amu ag danab ele ii niippig.

Namba 5:10

Haen danab ag ofa Kayaknu tituanak daatteb ele Yawe medatteb amu, amuam anen anen ahilag daatte, amge ag aɗi keeke mana mettak danab anen anen medatteb amu, amuam mana mettak danab, ahilag daakku,” awa aum.

Namba 5:9

Ofa Kayaknu tituanak daatteb ele oh Israel danab ah ag aon dona, mana mettak danab medatteb ele, amu ohnu amu, maha laa mana mettak danab dilag daatte. Anam amu, amuam mana mettak danab aun nug mettaglag amu, nuhigppa daatte.

Galesia 6:6

Danab nug Kayak nai dookkunu ippunittak danab laa waappa daatte amu, nug nuhig keeke ena ohppanu laih nuhig ippunittak danab amu mettaɗ!

1 Timoti 5:17

Ag Kristen danab, ag Kristen tamaniak ikki danab ag tamaniaknu uɗat ena hetteb ele amu, ag danab amunu ena elelenab doyeg! Amu Kristen tamaniak ikki danab, amu oolagppanu laala ag Kayak nai mehuqtteb, danab ah ele nai ippunadtteb ele amu, ag amu dilagnu amu ag anuqaknab doyeg!