Namba 31:30 - Nobonob Baibel

³⁰ Ag anam hena malana amu, ag Israel danab ah dilag amu ii mattak haenppa, ag makau 50 ebaqana, laippu am da, Yawe, ag da meɗaglagnu otieg! Anam heppeg ukkeb ukkeb, makau oh am ebaqak daakku. Sipsip ele anamib hekkulag, donki ele anamib hekkulag, meeme ele anamib hekkulag, amu ah ele anamib hekkulag. Keeke amu oh am Lewi buɗub mattaglag. Ag aakku da, Yawe, ag dahil mettid haknu peh lag dabmedatteb.” Yawe anam aum.

Namba 31:30 ပူးပေါင်းရင်းမြစ်များ

1 Stori 23:32

Amu Lewi buɗubppan mana mettak danab iitta, ag anam hekkulagnu daappig. Ag mettid haknu peh lag danab ah appa qagmetteb ele, ag amuppa, ag aben gun ele, appa, amu ag tiilag laippu ele, Aron buɗub, ag ag waalagppa Yawenu mettid lagppa ele ahilag uɗat aakku heppig.

2 Stori 14:15

Juda ag anam hena, ag ⌊Pilistia lailkad⌋ laala appa sipsip, meeme, kamel ele gumadppig amu, ag appa banelag gona, ag ele ban hena, ahilkad doɗ kuɗumnab ag akkan, ag eɗun, Jerusalem goppig.

Namba 1:53

Danab laa, nug Lewi buɗub iitta, nug hib guitta haaha, dahil mettid haknu peh lag, nug appa hamu guguitta ukkeb, da oppoɗil beeb, Israel danab ah oh bu madapanu, Lewi buɗub, ag mettid haknu peh lag men maha aɗit ɗo nai yaak niitte ele appa daattep, ag amu talilittak daaglag. Lewi buɗub ag dahil nainu mettid haknu peh lag, ag amunu dabmekkulag.” Yawe Nug anam Moses amegppa aum.

Namba 3:25

Gerson buɗubppan aab ikki ag mettid haknu peh lag danab ah appa qagmetteb ele, ag amu dabmedattappig. Amuam ag mettid haknu peh lag amunu ooppan hautak keeke, dimittimnu hautak keeke ele, peh lag amu od oɗeppanu lamen, aria mettid haknu peh lag, qaɗab qak ele taliliatak haɗap daatte, haɗap amunu taliliaknu lamen, amu lamen amunu odnu lamen, amu muɗi ele, ag keeke amu oh dabmettalagnu daadttappig.

Namba 3:31

Kohat buɗubppan aab ikki, ag Tituanak Nainu Kunup, balal mettid haknu peh lag ooppa dayom, amu lam maattaknu balal, qaɗab oh, amu keeke mana mettak danab ag Yawenu ɗo maɗoɗnu uɗat hekkulagnu uɗat madappig, amu lamen Aben Gunnab Ele hautaknu dayom ele, ag keeke amu oh dabmettaglagnu daadttappig.

Namba 31:28

Ag keeke oh otin malana amu, ag daup danab, ag ahilkad keeke ii mattak haenppa amu, ag makau 500 ebaqadna, laippu da, Yawe, da meɗaglagnu otieg! Anam heppeg ukkeb ukkeb, makau oh am ebaqak daaglag. Sipsip ele anamib hekkulag, donki ele anamib hekkulag, meeme ele anamib hekkulag, amu ah ele anamib hekkulag. Keeke ag da, Yawe, ag da meɗaglag, amuam takis daden mak bia aakku.

Namba 31:29

Takis bia daden mak amu daup dilagppanu aona amu, mana mettak danab Eleasar mettaglag. Amuam da, Yawe, dahilnu laih aakku.

Namba 31:31

Yawe anam aum amunu, Moses, mana mettak danab Eleasar ele aa Yawe, Moses anam hekkununab aum bia hepiɗ.

Namba 8:26

Ag lailkad, dahil mettid haknu peh lag danab ah appa qagmetteb ele, ag appa uɗat hetteb ele, ag ag ehanadkkulag, amge ag akka amu, ag uɗat iinab hemana. Na ɗo imuppa, Lewi buɗubppan mana mettak danab iitta ag uɗat atten atten hekkulagnu ippunadkkut,” awa aum.

Aposel 20:28

Amunu ag akka ahilagnu dabmenan daanna, amu Kayaknu danab ah, Kayak Ouɗi Nug ag gumak ikki danab ahilag daaglagnu otiattom ele amu, ag amu dilag ele oh dabmenan dayeg! Ag Kristen tamaniak, Kayak Nug nukka Nug tiigppa nuhig tamaniak amu daden meum ele amu, ag nuhig tamaniak amu tutukku gumatteg!

1 Korint 4:2

Aria, uɗat gumak danab nug nuhig okkai noobppa ena daakkunu, nug nuhig danab okkai uɗat aɗi aɗi hekkunu atte, nug uɗat amu hekkunu oo metta ii uuak kobolppa hekkuoitte.

Kolosi 4:17

Aria ag Arkipus amegppa, “Na uɗat Naɗi eppegppanu aome amu, na uɗat amu heppe gogppa taɗ!” aon appeg doyaɗ!

Hibru 13:17

Ag tamaniak ooppa daatteb ele amu, ag ahilkad ikki danab waalagppa daanna, ahilag nai ele dim lamitteg! Ikki danab ag ehanadkkulagnu hena, hanhan ag atognoadnana uɗat hetteb amu, ikki danab amu ag amunu geha Kayak amegppa mehuqkkulag, amunu ikki danab ag uug doomnanu, ag maɗoɗppan gamag ahak dooglagnu amu, ag laa ag ag waalagppa daanna, ahilag nai dim lamitteg! Tamaniak danab ah ag uug doon ikki danab dilag nai dim lamidppeg, ikki danab ag uɗat ahilag hekkulagnu uug doon hekkulag dayeb amu, tamaniak danab ah ag kobol amuppa ehanittak ena ii aomna.

Josua 9:27

amge Josua nug haen amuppa he, Gibeon danab ah ag Israel danab ah dilag, amu Yawenu qaɗabnu ele, aben adeppa qaɗab buuaknu, Yawe Nug epeɗikku amu, ag amunu ele aab awak, amu le itak uɗat ele hedappig. Babaittak ib amunu amu daye uɗie, gemu ⌊nai imu yaak haenppa⌋ ele, anamib daatte.