Namba 31:15 - Nobonob Baibel

¹⁵ ⌊Nug ban daup ikki danab amu, ahilagnu oo nauhaknu diig am; ag Midian ah ii aqappig, amunu nug ag oɗ mattom.⌋ “Ag Midian ah oh am bau daaglagnu appigte?

Namba 31:15 ပူးပေါင်းရင်းမြစ်များ

Jeremaia 48:10

Danab nug Yawe uɗatnu hamu bia doyaya, uɗat amu haaha, pehettak ii hette amu, nug eheɗ laa awaknu anak waappa dayaɗ! Ao, laa nug Yawe oɗe ii dim lamitta, qep elab nuhigppa danab ii aqadtte amu, nug eheɗ laa awaknu anak waappa dayaɗ!

Esekiel 9:6

Ag danab kaino, danab bau, ah bau, ah okkai, nid naunau ele aqappeg mauhkkulag, amge ag aun aɗi laa ag uɗalagppa at ele amu, ag amu aibnab aib makkuɗadppig. Ag mettid lag dahilppa inam digmeig!” awa aum. Nug anam aum amunu, ag Israel dilag ikki danab, Yawenu lag odppa daappig amu, ag digmena amu tatam aqappig.

Namba 31:14

Moses nug ban daup 1,000 dilag ikkilkad, amu ban daup 100 dilag ikkilkad ag banppanu eɗun uɗippig amu, nug amu dilagnu oo nauhom.

Duteronomi 2:34

Ig nuhig aab oh aota heut, aab amu, danab, ah, nid naunau ohnab ele ag Yawenuib nuhig pelemppa daappig. Danab, o ah, o nid laa anam ii daakkunu ii dayom.

Duteronomi 20:13

Yawe, ahilag Kayak, Nug aab amu awa, ag eppelagppa mekku. Nug anam meeb, ag danab aab amuppanu ohnab aqaglag!

Duteronomi 20:14

Amge ag ah, nid naunau, doɗ, amu keeke laala ele amu, ag amu ahilagnu aɗualadkkulag. Yawe, ahilag Kayak, Nug kekeɗ dilag keeke ag eppelagppa meum ele amu, ag amu aɗan, uɗatab mettaglagnu elele.

Josua 10:40

Anam daye, Josua nug aakku wan atu amu oh nug awom. King amu, danab ah ele Israel ag eɗadppig, ag ahilag wanppa daappig, wan atu amuam Negeb, wan qauko qauko ele, qauko nakok qauko okkai diigppa daatteb, qauko nakok amuam Kanan wan ooppa qaban uɗitteppanu daatteb, amu qauko okkai heqoppan ele. Nug he, wan amuppan danab ah oh am Yawenuib nuhig pelemppa daappig. Nug laippu laa uue, ii dayom. Yawe, Israel dilag Kayak, Nug anam hekkununab aum amunu, nug heum.

Josua 11:14

Ag anam hena, Israel ag keeke ena ena, am makau keeke, banppa agappig ele amu, ag amu oh diippig. Keeke amu oh am aakku ahilagnab dayom, amge ag danab ah amu oh qep elabppa aqaeg mauhadppig. Ag laippu laa iinab uuitteg dayom.

Josua 6:21

Ag aab okkai aon, ag qep elabppa heeg, aabppan danab ah, keeke oh ele am Yawenuib nuhig pelemppa daappig. Ag danab o ah, bau o kaino oh, makau, sipsip, donki, keeke oh ele anam heppig.

Josua 8:25

Amunu deɗ amu Ai danab ah oh, am ahilag ebqak 12,000, ag oh mauhna malappig.

1 Samuel 15:3

Da amu hekkul amunu, na heppe, na Israel danab ele ag ahan, banelag gona, Amalek ele ban hena, ag Amalek oh, amu ahilkad keeke ohnab ele heppeg, ag dahilnuib, dahil pelemppa dayeg! Ag keeke laippu laa aibnab uuppeg dayom. Ag Amalek danab, ah, nid naunau, nid yuɗ ele, amu ahilkad makau, sipsip, kamel amu donki ele, ag amu ohnab aqappeg mauheg!’ ” awa aum.