Namba 30:8 - Nobonob Baibel

⁸ Amge haen gamu nug wau aɗi keeke hekkunu aum amu doya, haen amuppa nug ii hemanu ab amu, nug aɗi keeke genabnab hekkunu nai ana qakkom, o iitta nug aɗi keeke dabmak ii awa, keeke hekkunu nai ana qakkom amu, nug ii hema. Nug gamu anam hemanu aib aum amunu, Yawe Nug ah amu anak nuhignu uhuqkku.

Namba 30:8 ပူးပေါင်းရင်းမြစ်များ

Genesis 3:16

Yawe Kayak Nug anam awowa, Nug eɗua, ah amegppa aum. “Da heppi, nid awak haenppa na guittak okkai dookkut. Ao, na guittak doon, nid menuadkkut. Na gamutnu oot huanaknab daakku, amu nug na gumidkku,” awa aum.

Jeremaia 44:19

Ag oh anam aeg, ah laala daappig ag appig. “Haen ig kalu danab ile muttuɗig enanag bette mait, Habnu Kuin mettata, ig bret batappatak nug dottog bia hetata, wain gokkaɗaknu ofa hekkunignu wain gokkaɗmut, haen amuppa ihinkad danab ag iite dooppig?” aon appig.

Lewitikas 5:4

Iitta. Aun nug dabmak elele tutukku tatam ii awawa, nug nuhig nai ɠagattag qetta akku amu, nug diig genab tutukkunute, iitta eheɗnute anam hekku, amge nug hekku haenppa nug hamu, dabmak ii awawa, hekku dayeb, diig amunu dimppa haen nug heum doya, nug beɗuppa aab ele daakku.

Namba 30:5

Amge haen mameg nug aɗeg aɗi hekkunu aum doya, haen amuppa aɗeg nug keeke genab hekkununab aum amu ii hemanu ab, aɗeg nug aɗi keeke genabnab hekkunu nai ana qakkom, o iitta nug keeke laa genab hekkunu mattiom amu, nug amu ii hema. Nug mameg anam hemanu aib aum amunu, Yawe Nug ah amu anak nuhignu uhuqkku.

Namba 30:7

gamu nug doya, haen amuppa nuhigppa aɗitai laa ii akku dayeb amu, ah nug keeke genabnab hekkunu nai ana qakkom, o iitta, nug keeke genab hekkunu mattiom amu, nug amu hekku.

Namba 30:9

Amge ah qabte, o iitta ah gamu uuittakte laa, nug keeke genabnab hekkunu nai ana qagakku, o iitta nug keeke hekkununab akku amu, nug aakku hekkuoitte. Ib laa iitta.

1 Korint 14:34

ah ag oɗelag qamutna daaglagoitte. Ag nai mattiglagnu ii daatte. Iitta. Ag ɗo atte bia ag ⌊gamulkad⌋ waappa daaglag.

1 Korint 7:4

Amu diig amu, ah nug nukka nug beɗu ii gumatte. Iitta. Nuhig danab ele oh gumattep. Anamib, danab nug nukka nug beɗu ii gumatte. Iitta. Ah nuhig ele oh gumattep.

1 Samuel 1:23

Hana nug Elkana amegppa anam a, Elkana nug aum. “Na aɗi hekkutnu ena anidttem amu, na anam he! Na inam daanna, na nid imu huh aɗittona, dimppa na gokkut am ena, amge Yawe nug heeb, na hekkutnu ame amu, na hekkutnu elele daakkutnu ool daatte,” awa aum. Nug anam a, Hana nug aabppa dayeye ukke, haenppa amu nug nid huh aɗittom.