Namba 30:2 - Nobonob Baibel

² ‘Haen danab laa nug Yawe amegppa keeke genabnab hekkunu nai ana qagatte, o iitta nug keeke hekkunu Kayak onigppa nuhig nai ɠagattag qetta atte amu, nug nuhig nai amunu hamu bia doya, iinab okkulma. Nug keeke hekkununab aum am hekkuoitte.

Namba 30:2 ပူးပေါင်းရင်းမြစ်များ

Job 22:27

Na am hekkut dayeb amu, na Nug unuqidppe, Kayak na baat dookku; Nug doya ehanitteb, na aɗi keeke genabnab hekkutnu nai anan qakkame amu, na amu hekkutnu elele daan hekkut.

Sam 116:14

Da keeke Yawe amegppa genabnab hekkulnu nai ain qakkami amu, da hekkul. Da danab ah nuhikkud oh noolagppa hekkul.

Sam 116:18

Da keeke Yawe amegppa genabnab hekkulnu nai ain qakkami amu, da hekkul. Da danab ah nuhikkud oh noolagppa hekkul.

Sam 119:106

Da nahip ɗo, ag genab tutukkuib amu, da ɗo amu dim lamidkkulnu nai ɠagattag qetten ami. Da amu ain, da amuib hekkulnu baula ɠagattag ami.

Sam 15:3

ag laa dilagnu ag onilag nauhkkunu nai nau ii atteb, ag ahilkad mudippan laippu guittak ii madatteb, ag lailkad dilagnu nai nau ii atteb,

Sam 22:25

Israel dilag tamaniak oolagppa da na binan mekkul. Ao, da geha genabnab haknu nai ana qakkak dahil dabmein, aun aɗi ag nahipnu ebehilag oh bodoetta le mette ele amu, da ag noolagppa nai amunu meu okkunu hekkul.

Sam 50:14

⌊Ag hamu doɗ main, Kayak aib medappig. Iitta!⌋ Ag ena heme anaknu ofa hena, Kayak metteg! Ao, ag aɗi keeke Kayak Attannab Laa Oh Eɗattak Nug mettaglagnu ag ahilag nai ɠagattag qettan appig ele amu, ag nai amu dim lamidna, anam heig!

Sam 55:20

⌊Da layal, nuhignu amu,⌋ nug laikkud banelag gotte. Nug aɗi hekkunu layag ele nug tituana nai qakkakppa aum amu, nug amunu hamu bia doya, tippala, ii hette.

Sam 56:12

O Kayak, da keeke laa na amenppa genab hekkulnu nai ain qakkami amunu, da aɗi hekkulnu ami amu, da amu hekkuloitte. Ao, da ena heme anaknu ofa hein medakkulnu ami amu, da amu awen, na gumitten wain medakkul.

Sam 76:11

Ag Yawe, ahilag Kayak, ag Nug amegppa keeke genabnab hekkulagnu nai anan qakkeg! Amu ag aɗi keeke hekkulagnu akkulag amu, ag heig! Ao, danab ah wan laala miag miag daatteb oh ag nuhig keeke ena ena akkan uɗin metteg! Nuhignuib danab ag ebehilag oh bodoetta le mekkunu elele; laa iitta.

Eksodas 20:7

Da am Yawe, nahip Kayak. Na da onil hamu aib diime. Aɗinu? Da danab o ah aun nug da onil hamu diitte ele, da nug bu medakkul.

Prowerb 20:25

Danab nug dabmak pehettak ii awawa, keeke Kayaknu daakkunu tituana medatte; amu dimppa nug genabnab hekkunu nai anan qakkak nug mattiom ele, nug nai amunu dabmak pehettak aokku amu, amuam nug pelemppa tette bia hette.

Lewitikas 5:4

Iitta. Aun nug dabmak elele tutukku tatam ii awawa, nug nuhig nai ɠagattag qetta akku amu, nug diig genab tutukkunute, iitta eheɗnute anam hekku, amge nug hekku haenppa nug hamu, dabmak ii awawa, hekku dayeb, diig amunu dimppa haen nug heum doya, nug beɗuppa aab ele daakku.

Nahum 1:15

O Juda danab ah, ag qaukoppa neekkeg! Appanu laa nai ena awa uɗitte. Nug ahilag wanppa maɗoɗ daaglagnu nai awa uɗitte. O Juda danab ah, ag ahilag qagmak gamag ahak ele haenppa, ag gamag ahak ele daan, ag Yawe amegppa aɗi keeke genab hekkulagnu nai anan qagappig amu, ag anam heig! Aɗinu? Nau hak danab ag baula ahilag wanppa ban hekkulagnu ii temana. Iitta. Da heppi, nau hak danab ag nauhna autna aona, padal mekkulag.

Namba 21:2

Anam daye, Israel ag Yawe amegppa, genabnab hekkulagnu nai inam anan qagappig. “Na danab imu ig eppenigppa maadppe, ig geha ahilkad aab okkai amu diit hepput, ag nahipnuib, nahip pelemppa daaglag,” aon appig.

Namba 30:10

Am ah laa nug gamu ele daattep, nug keeke genabnab hekkununab nai ana qagakkutai, o iitta nug keeke hekkunu Kayak onigppa nuhig nai ɠagattag qetta akkutai.

Namba 32:24

Amunu ag ahilkad ah, ahilkad nid ele, ag aguppa daaglagnu, ag aab okkai kaladnana, amu sipsip bekkadkkulagnu aɗ ele bappaidkkulag, amge ag aɗi hekkulagnu nai anan qagappig amu, amuam hekkulagnab daatte!” Moses nug anam awa aum.

Matyu 23:16

O gadonnab gadon ag amelag gaɗuak ele, amge ag danab ah ele ib ippunadkkulagnu hetteb. Ag dabmeig! Ag atteb, ‘Danab nug Kayaknu mettid lag onigppa nuhig nai ɠagattag qedatte dayeb amu, nai amuam hamu. Amge laa nug Kayaknu mettid lagnu gol onigppa nuhig nai ɠagattag qedatte dayeb amu, nug meu genab hette, nug aɗi keeke hekkunu aum amu nug hekkunab,’ aon atteb.

Matyu 23:18

Am ag laa ele inam atteb. ‘Laa nug mana mettaknu qaɗab, amu onigppa nuhig nai ɠagattag qedatte ele amu, nai amuam hamu. Amge nug qaɗabppa mana mettaknu doɗ, amu onigppa nai ɠagattag qedatte dayeb amu, nug keeke meu hette, nug aɗi keeke hekkunu aum amu nug hekkunab,’ aon atteb.

Aposel 23:12

Naɗi Nug Pol amegppa anam a, wagɗe deɗ amuppa Juda laala ag qagmena, ag keeke hekkulagnu nai ahilag ɠagattag qettan, ag inam appig. “Ig Pol qepput mauhkku. Ig ee le ele paha ii lamata. Iitta, Ig hamu daata, ig Pol qepput mauheb, ig eɗut ee le ele lakkunig,” aon appig.

Aposel 23:14

Ag anam hewona, ag ahan, mana mettak danab okkai amu Juda dilag ikki danab ele gumadna gona appig. “Ig keeke laa hekkunignu nai ɠagattag qettat, inam amut. ‘Ig ee nakok laa paha ii lamata. Iitta. Ig hamu daapput ukkeb, Pol qepput mauheb, ig eɗut ee lakkunig.’ Ig anam amut,” aon appig.

Aposel 23:21

Amge ag hambubutteb amunu, na ahilag nai amu aib dim lamidme. Aɗinu? Ag Juda danab 40 eɗittak amu ag Pol qeppeg mauhkkunu inam nai ɠagattag qettan appig. ‘Ig ee le ele paha ii lamata. Iitta. Ig hamu daapput ukkeb, ig Pol qepput mauheb dimppa ig eɗut ee lakkunig.’ Ag anam appig. Ag anam hekkulagnu mattin bappaidppig amu geha iikku ag na ahilag nai amu doon, aɗi appe dooglagnu ameg mak daatteb,” awa aum.

2 Korint 1:23

Da hambuppualadttem dayeb amu, aria Kayak Nug dahil hambuppuak amu heeb miag atikkunu ool daatte. Amge iitta. Da nai genabib inam attem. Da ag uug madakkulnu ool ii dayom amunu, da haen gamagppa ahilagppa golom bia, da Korint appa ii gomi.

Ikki Danab 11:11

Ag anam appig amunu, Jepta nug Gileat ikki danab ele ukkaeg, amu Gileat danab ag heeg, nug ahilag okkai ba, ban daup ikki danab ele dayom. Mispa appa amu Jepta nug Yawe noobppa, ikki danab amelagppa nai nug aum amu, nug baeg aɗu mattiom.

Ikki Danab 11:39

Kalam aɗit ukka male, nug eɗua mameg gumitta ukke amu, mameg nug genabnab hekkunu nai anan qakkom amu, nug anam heum. Amu nug ah makkun dayom. Jepta nug anam heum amunu, Israel ah bau, ag kobol laa digmena heppig. Ag Gileat ted Jepta aɗeg dabmekkulagnu, ag maɗ anen anen ohppa ag lakkanu ahan, dimittim gona, deɗ waɗele daappig.