Namba 30:15 - Nobonob Baibel

¹⁵ Amge danab nug wau aɗi nai aum doyowa, haen laa dimppa, nug, “Aib,” akku dayeb amu, wau nug aakku keeke amu ii hekku amu, keeke amu ii haknu aab, amuam gamu, nug beɗuppa aakku daakku.’ ” Yawe Nug anam aum.

Namba 30:15 ပူးပေါင်းရင်းမြစ်များ

Lewitikas 5:1

Aun nug laa kobol he antta doyom, diig amunu ⌊epeɗiak danab⌋ ag nug hettoɗiakppa aɗi anttomnu madikkunu onigppa eppeg, nug madikkunu uukku dayeb, nug aakku eheɗ ha, nug amunu bu aokku.

Namba 30:12

Amge haen gamu, nug aɗi keeke hekkununab aum amu doya, amegppa ii hemanu ab amu, nug aɗi keeke genabnab hekkunu nai ana qakkom, o iitta nug keeke hekkunu Kayak onigppa nuhig nai ɠagattag qetta aum amu, nug ii hema. Nug gamu aakku ii hemanu aum amunu, Yawe Nug ah amu anak nuhignu uhuqkku.

Namba 30:14

Ah gamu nug anam aakku hekku, amge nug wau aɗi aum doya, deɗ amuppa nug aɗi nai laa wau amegppa ii akku dayeb amu, ah nug aɗi keeke genabnab hekkunu nai ana qakkom, o iitta nug aɗi keeke genab hekkunu mattiom amu, nug hekkuib. Am gamu nug wau anam hekkunu oo ii daalo amu, aib alo, amge nug ii aum amunu, ah nug aɗi hekkunu aum amu, nug hekkuib.

Namba 30:16

Amuam gamu, wau ele, aria mameg, amu aɗeg nug ele oh daattep, am amu dilag ɗo, Yawe Nug Moses mettom aakku.

Namba 30:5

Amge haen mameg nug aɗeg aɗi hekkunu aum doya, haen amuppa aɗeg nug keeke genab hekkununab aum amu ii hemanu ab, aɗeg nug aɗi keeke genabnab hekkunu nai ana qakkom, o iitta nug keeke laa genab hekkunu mattiom amu, nug amu ii hema. Nug mameg anam hemanu aib aum amunu, Yawe Nug ah amu anak nuhignu uhuqkku.

Namba 30:8

Amge haen gamu nug wau aɗi keeke hekkunu aum amu doya, haen amuppa nug ii hemanu ab amu, nug aɗi keeke genabnab hekkunu nai ana qakkom, o iitta nug aɗi keeke dabmak ii awa, keeke hekkunu nai ana qakkom amu, nug ii hema. Nug gamu anam hemanu aib aum amunu, Yawe Nug ah amu anak nuhignu uhuqkku.

Galesia 3:28

Amunu gemu Juda danab, Grik danab ele, begbeg maɗi nid, begbeg maɗi nid iitta ele, danab amu ah ele, ag oh elele eleleib daatteb. Ag oh Jesus Kristusnu daan, laippu daatteb.