Namba 3:50 - Nobonob Baibel

⁵⁰ Moses nug Israel eppelagppanu silwa amu awom amu, uug nuhig amu 15.5 kilogram. Silwa amunu uug am, mana mettak lagnu melemel bia dayom.

Namba 3:50 ပူးပေါင်းရင်းမြစ်များ

Namba 3:49

Yawe Nug Moses anam hekkunu aum amunu, Moses nug silwa amu, am Israel nid ⌊danab⌋ tatamnu, ag ahilag ebqak Lewi buɗubnu ebqak eɗittak, danab amu ag tituanakppanu eɗua uhuqak awaknu daatte, nug silwa amu Israel eppelagppanu awom.

Namba 3:51

Moses nug aakku silwa, danab amunu tituanakppanu eɗua uhuqak daakkunu awa, nug Aron, bekoɗ ele mattom. Yawe Nug anam hekkununab aum amunu, nug anam aakku heum.

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Hibru 9:12

Kristus Nug meeme tiilkad, amu makau nakkud tiilkad ele awa, Oo Gunnab eleppa ii noum. Iitta! Nug nukka Nug tiig awa, haen laippu aakkuib Oo Gunnab Ele, Nug amuppa noa, Nug tiigppa Nug qagaiettakppanu eɗua uhuqak hanhannu ha mekkom.

1 Pita 1:18

Ag dootteb, ag mamelkad aɗi ib uug ele, nuhig meu am keeke hamu, ag ib amu dim lamitteg neum amu, Kayak Nug ag ib amunu qagaiettakppanu eɗua uhuqak ha mattom, amge Nug keeke nauhtte ele, gol, silwa bia, Nug amuppa ag qagaiettak amuppanu ii uhuqattom. Iitta!

1 Pita 3:18

Kristus Nug hipunin uhuqa mettaknu haen laippu aakku mauhom. Nug baula ii mauhma. Nug beɗuppa aab laa iitta, amge Nug ig danab, ig beɗunigppa aab ele, Nug ig omaikka, Kayak toppa wakkunu Nug mauhom. Ag heeg, Nug beɗu mauhom, amge Kayak Ouɗi Nug he, Nug eɗua hibaitta, bauklel daatte.