Namba 3:40 - Nobonob Baibel

⁴⁰ Amu Yawe Nug Moses amegppa aum. “Israel nid danab tatamnu, ahilag ena mak kalam laippu awom, o iitta laippu eɗittak, na amu oh ebaqana, onilag ele yaan babaitte!

Namba 3:40 ပူးပေါင်းရင်းမြစ်များ

Sam 87:6

Yawe Nug, aabaab danab ah anen anen onilkad yaakkunu, Nug inam yaakku. “Imu anig nug nug Sion appa menuom.” Sila.

Aisaia 4:3

Amu inam bekku. Danab ah Sion daatteb, aun aɗi ag Jerusalem daatteb, Yawe Nug ag bau daaglagnu tituanattom amu, danab ah laa ag ahilagnu, “Ag am Yawenu oppiaawak ele daatteb,” aon akkulag.

Namba 3:12

“Israel oolagppa nid danab tatamnu, baelkad anen anenppan am dahil, amge da Lewi buɗubppan danab ag oulag daaglagnu tituanadmi. Lewi buɗub ag am dahilad.

Namba 3:15

“Lewi buɗubppan nid danab oh ag ena mak kalam ahilag laippu, o iitta laippu eɗittak amu ebaqe! Ag onilag am ag baelkadppan onilag, amu ahilag aab ikki ele waappa yaaladkkut,” awa aum.

Namba 3:41

Da am Yawe, amu Israel nid ⌊danab⌋ tatamnu oh, ag am dahilad, amge da Lewi buɗubppan nid ⌊danab⌋, ag ag oulag daaglagnu diippi daappeg, amu Lewi buɗub dilag makau ⌊dawai⌋ amu, ag Israel dilag makau ⌊dawai⌋ tatamnu, ag amu oulkad daaglag,” awa aum.

Namba 3:45

“Da am Yawe. Lewi buɗub ag dahilad daatteb, amu geha ag Israel oh dilag nid ⌊danab⌋ tatamnu oulkad daaglag; Lewi buɗub dilag makau ele amu, geha ag Israel dilag makau ⌊dawai⌋ tatamnu amu, ag ag oulkad daaglag.

Luk 10:20

Amge ouɗi nau ag nai ahilag dim lamidtteb, ag amunu oolag aib gamag ahom! Iitta. Kayak Nug ag onilag hab aabppa yom, ag amunu maɗoɗppan gamag ahak doyeg!” awa aum.

Pilipai 4:3

Amu Sisigos, na oo metta ii uuak kobol dim lamidttem, amu da na amenppa attem,. Na ah aɗit amu, aa Nai Ena mehuqak uɗat haknu da ehaniɗeh, ig oh heut ukkom amunu, na aa ehanatna autna awe! Ah aɗit amu aa Klemen, amu dahilad uɗat laippu laa oh ele, Kayak Nug ag oh ag onilkad buk laa, amuam buk onig Bauklel Awa Onig Yaaknu buk, Nug buk amuppa ag onilkad yom ele amu, aa ag ele Kayaknu uɗat amu ɠagattag heppig.

2 Timoti 2:19

Amge Kayak Nug ukku aɗom amu, ukku amuam ɠagattag eppom daatte. Ukku amuppa nai inam daatte. “Naɗi Nug nuhikkud danab ah doyadtte.” Nai laa ele inam daatte. “Ag oh, ag Naɗi onig diitteb, ag kobol nau dimetteg!”

Hibru 12:23

Amu ag Kayak bekkod tatamnu, Kayak Nug ag onilag matu hab aabppa yom daatteb, ag amu dilag qagmak naɗi amuppa wappig. Ag Kayak, Nug am danab oh epeɗiadtte ele amu, Nug gukkuidna wappig. Amu ag danab anukkanu, Kayak Nug ahilagnu, “Genab tutukku hak danab,” aum, ag mauhadna hab aabppa elelenab daatteb ele amu, ag gemu daatteb, ag oolagppa genab dootteb ele, ag amu gumadna, ahilagppa teppig.

Revelesen 14:4

Danab amu ag ah ele gappai kobolppa ag akka ag dubuttid ii medappig; ag oppiak daatteb. Ag Sipsip Nag aben ohppa gotte amu, ag Nug dim lamidtteb. Amu Kayak Nug danab amu wanppanu danab ah oh oolagppanu hipuninnu qagaiettakppanu eɗua uhuqe, ag ee meu tatam eɗua, ofa Kayak medakkunu daatte, ag amubia ofa Kayak, Sipsip nag ele mataknu daatteb.

Revelesen 3:5

Aun laa nug ban eɗidkku amu, nug danab ag lamen hakkab tagappig ele, nug ag oolagppa ele daya, lamen hakkab ele tagakku. Da nug onig buk laa, amuam buk onig Bauklel Awe Onig Yaaknu Buk, buk amuppanu ii obipa. Iitta! Da nug da Mamel noobppa, amu engel noolagppa ele nug onig miag akkul.