Namba 29:8 - Nobonob Baibel

⁸ Yawe Nug mana mettak amunu muttuɗignu ooppa ena dookkunu, ag makau gaiɗ laippu laa, sipsip dawai laippu, sipsip gaiɗ eblaih aɗit ele maɗ laippu awak, doɗ oh beɗulagppa eheɗ laa iitta ele aon, Yawe gumidna wana, Nug mettaglag. Amuam manaknu ofa aakku.

Namba 29:8 ပူးပေါင်းရင်းမြစ်များ

Lewitikas 1:3

Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.

Lewitikas 22:20

Aibnab doɗ nug beɗuppa eheɗ ele amu maippig. Aɗinu? Ag anam hekkulag dayeb amu, Yawe Nug ena doya, ii aoma.

Namba 28:19

Deɗ amuppa amu, ag Yawenu aab aɗunu ofa hena, amunu doɗ aon, Yawe gumidna wana, Nug metteg! Amuam manaknu ofa daakku. Ag mana mettak amu hekkulagnu amu, ag doɗ imu main, Nug mettaglag: makau gaiɗ aɗit, sipsip dawai laippu, sipsip gaiɗ maɗ laippu awak ele eblaih aɗit ele. Amu oh ag beɗulagppa eheɗ laa iitta.

Namba 29:13

Deɗ digmakppa ag aab aɗunu ofa hekkulag. Mana mettak amunu muttuɗignu Yawe Nug ooppa ena dookkunu, ag makau gaiɗ 13 laa, sipsip dawai aɗit, sipsip gaiɗ 14 maɗ laippu awak ele, doɗ oh beɗulagppa eheɗ laa iitta ele amu aon, Yawe gumidna wana, Nug mettaglag. Amuam manaknu ofa aakku.

Namba 29:2

Yawe Nug mana mettak amunu muttuɗignu ooppa ena dookkunu, ag makau gaiɗ laippu laa, sipsip dawai laippu, sipsip gaiɗ eblaih aɗit ele maɗ laippu awak, doɗ oh beɗulagppa eheɗ laa iitta ele amu, ag amu manan, Yawe mettaglag. Amuam manaknu ofa aakku.

Namba 29:9

Makau dawai ele oohoak haknu amu, ag ee aegnu ofa ele hekkulag. Amu hekkulagnu, ag 3 kilogram plaua enanag, goɗen ele kaboliglag. Sipsip dawai okkai mak ele oohoak haknu amu, ag ee aegnu ofa ele hekkulag. Amu hekkulagnu, ag 2 kilogram plaua enanag, goɗen ele kaboliglag.

Duteronomi 15:21

Amge doɗ tatam amu, ag beɗulagppa eheɗ laa daakku dayeb, amuam baeg nau autaut oiyakte, ameg gaɗuakte, o iitta ag beɗulagppa eheɗ laa ele dayeb amu, diig amunu ag Yawe, ahilag Kayak, ag nuhignu aib mana mettak heppig.

Duteronomi 17:1

Ag makau okkai ebehi ele, o sipsip oɗe mak ele, o makau okkai ebehi ele, o sipsip ag beɗulagppa eheɗ ele, ag amu aon main, Yawe, ahilag Kayak, Nug aib medappig. Nug anamnu amu, Nug ooppa uuaknab dootte amunu, ag anam aib heppig.