Namba 29:12 - Nobonob Baibel

¹² Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Kalam eblaih aɗitppa, deɗ 15ppa, deɗ amuppa ag Yawe noobppa qagmena dup nona Nug binag meig! Ag uɗat hanhan hetteb amu, ag aib heppig. Ag Yawe dabmenana, qagmak gamag ahak ele deɗ eblaih aɗit ele hekkulag.

Namba 29:12 ပူးပေါင်းရင်းမြစ်များ

1 King 12:32

Jeroboam nug ele qagmak gamag ahak elenu deɗ laa tituanom. Nug kalam ebqak eblaih ewam ele, kalam amunu deɗ 15ppa, nug qagmak gamag ahak ele amunu deɗ tituanom. Amuam Juda dilag qagmak gamag ahak elenu deɗ, amubia. Deɗ amu haenppa king nug Betel appa qaɗabppa mana mettak heum. Mana mettak amuam nug Betel appa heum, amge nug makau gaiɗ aɗit golppa hak oh dilahnu doɗ manatta matattom. Nug Betel appa mana mettak amu ha, nug mana mettak danab ag kayak hambuppuak dilag mettid lag nakok, nug babaittom ele, ag amu gumadkkulagnu appa ele baɗ mattom.

Esra 3:4

Ag amu hewona, ɗo naippa yaak niitte bia ag gamag ahak ele Pehppa Dayaknu Hobul heppig. Ag amu henana, ag ɗoppa yaak niitte bia, ag manaknu ofa ebqak eleleppa, deɗ deɗppa hena, Yawe medappig.

Nehemaia 8:14

Ag anam uɗin daaegeg, Esra ɗo nai amu mehuqeqe, ag Yawe Nug Moses oɗeppa Israel danab ah ag kalam eblaih aɗitppa hobul laa henana, ag peh lagppa daaglagnunab ippuanattom anidppig.

Nehemaia 8:18

Ag Pehppa Dayaknu Hobul gamag ahak ele deɗ eblaih aɗit ele daappig, amu deɗ deɗppa Esra nug Kayaknu ɗo nai bukppa yaak niitte amu, nug buk amuppa ebqe dooppig. Ag deɗ eblaih aɗit anam hobul hewona, deɗ eblaih ewamppa, Kayak ɗo mattom bia, ag oh qagmeppig.

Eksodas 23:16

Hobul laa amu Ee Tatam Oɗue Digma Awaknu Hobul. Ag hobul amu henana, ag datta ee ebappig, meu tatam oɗuom amu, ag meu amu aon, amuppa hobul imu gamag ahak ele heig! Amu hobul laa am Pehppa Dayaknu Hobul. Ag hobul amu maɗ batakppa, ag ee oh meu aotteb haenppa, ag hobul imu gamag ahak ele heig!

Eksodas 34:22

Ag wit keeke, oɗue digmena aotteb haenppa, ag Ee Tatam Oɗue Digma Awaknu Hobul gamag ahak ele hekkulag. Laa amu, maɗ alag mauhtte haenppa, ag Pehppa Dayaknu Hobul ele gamag ahak ele heig!

Esekiel 45:25

Aria, kalam eblaih aɗitppa, deɗ 15ppa hobul laa ele daakku. Hobul amu ele am deɗ eblaih aɗit ele daakku. Hobul amuppa danab okkai nug Pasowanu Hobulppa hette bia, nug mana mettak danab ag main, da Kayak, da meɗaglagnu doɗ keeke ag madakku. Ag keeke amuppa ib etta hipunin haknu ofa, manaknu ofa, ee aegnu ofa ele hekkulag. Aria, nug goɗen Pasowanu Hobulppa madatte, amubia hobul amunu ele madakku.” Yawe Nug anam atte.

Lewitikas 23:7

Hobul amunu deɗ digmakppa amu, danab ah ag ahilag uɗat ag hanhan hetteb ele uuna, ag Yawe noobppa qagmena dup nona Nug binag mekkulagoitte.

Namba 29:1

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Kalam eblaih aɗitppa, deɗ digmakppa, deɗ amuppa, ag Yawe noobppa qagmena dup nona Nug binag meig! Uɗat ag hanhan hetteb amu, ag aib heppig. Deɗ amuam ag trampet iwaladppeg, baag bekkunu deɗ.

Namba 29:13

Deɗ digmakppa ag aab aɗunu ofa hekkulag. Mana mettak amunu muttuɗignu Yawe Nug ooppa ena dookkunu, ag makau gaiɗ 13 laa, sipsip dawai aɗit, sipsip gaiɗ 14 maɗ laippu awak ele, doɗ oh beɗulagppa eheɗ laa iitta ele amu aon, Yawe gumidna wana, Nug mettaglag. Amuam manaknu ofa aakku.

Namba 29:35

Deɗ laa, deɗ eblaih ewamppa ag qagmena, dahil mettid henana, ag deɗ oh hanhan uɗat hetteb bia aib heppig.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.