Namba 29:11 - Nobonob Baibel

¹¹ Amu ahilag eheɗ haknu nob nau doɗ tiigppa iitta meeb elele medakkunu amu, ag ib etta hipunin haknu ofa henana, ag meeme dawai laippu ele manan, Yawe mettaglag. Am ag deɗ oh hanhan manaknu ofa, amunu ee aegnu ofa ele hetteb, amu ahilag eheɗ haknu nob nau tiigppa iitta meeb elele medakkunu, ag ib etta hipunin haknu ofa ele hetteb amu, ag amu, amu wain gokkaɗaknu ofa amunu ele hekkulag, amge ag mana mettak laala imu ele hekkulag,” awa aum.

Namba 29:11 ပူးပေါင်းရင်းမြစ်များ

Aisaia 53:10

⌊Ag Yawenu maɗi nidnu anam ii helob⌋, amge ⌊ihinig hipunin uhuqkkunu ib laa iitta amunu,⌋ Yawe Nug nuhig maɗi nid nug amu maokkunu aum. Yo, ⌊ihinig hipunin uhuqkkunu ib laa iitta amunu,⌋ Yawe Nug ag nuhig maɗi nid guittak anam mettaglagnu ib babaittom. Yawe Nug he, nuhig maɗi nid nug eheɗ haknu ofa dayom amunu, Yawe Nug heeb, nuhig maɗi nid nug buɗub ele dayaya, buɗub anadkku. Nug dayaya heeb, Yawenu dabmak am ena ma, okkai mekku.

Lewitikas 16:3

⌊Yawe Nug anam ana, Nug doya dim lamittaknu nai imu ele Moses mettom.⌋ “Aron nug aben Kayaknu tituanak daatte ele amuppa nokkunu amu, nug nai imu tutukkunab dim lamidkkuoitte. Tatam amu, nug ib etta hipunin haknu ofa hekkunu, nug makau gaiɗ laa awa, amu nug manaknu ofa hekkunu sipsip dawai ele awa dokkuoitte.

Lewitikas 16:5

Israel danab ah ag ib etta hipunin haknu ofa hekkulagnu, ag meeme dawai aɗit aon uɗin, ag sipsip dawai laa manaknu ofa haknu aon dokkulagoitte. Ag diin uɗippeg, mana mettak danab nug aokku.

Lewitikas 16:9

Aron nug om ena yaak ha, meeme atten amu Yawenu daatte, nug amu doyowa, nug ib etta hipunin haknu ofa doɗ amuppa hekku.

Namba 29:10

Sipsip gaiɗ eblaih aɗit ele, maɗ laippu awak ele anen anen ele oohoak haknu amu, ag ee aegnu ofa ele hekkulag. Amu hekkulagnu, ag 1 kilogram plaua enanag, goɗen ele kaboliglag.

Namba 29:6

Amu ag deɗ oh hanhan manaknu ofa, amunu ee aegnu ofa ele hetteb, amu kalam bau digmettenu mana mettak, amunu ee aegnu ofa ele hetteb, ahilag wain gokkaɗaknu ofa ele hetteb amu, ag amu hekkulag, amge ag mana mettak laala imu ele hekkulag. Mana mettak amuam Yawe mettaknu aab aɗunu ofa; ahilag muttuɗignu Yawe Nug ooppa ena dootte. Ag mana mettak amu henana, Yawe mettaglag,” awa aum.

Hibru 7:27

Jesus Nug am mana mettak ikki danab anukkanu, ag deɗ oh doɗ main, Kayak Nug hipunin ahilag tatam uhuqa mattowa, danab dilag ele uhuqa madakkunu medappig bia ii hette. Nug uɗat nuhig anam iitta. Kayak Nug danab ah dilag hipunin uhuqa madakkunu, Jesus Nug haen laippu aakkuib Nug nukka Nug beɗu oh Kayak mettom amunu Nug baula ii hema.