Namba 29:1 - Nobonob Baibel

¹ Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Kalam eblaih aɗitppa, deɗ digmakppa, deɗ amuppa, ag Yawe noobppa qagmena dup nona Nug binag meig! Uɗat ag hanhan hetteb amu, ag aib heppig. Deɗ amuam ag trampet iwaladppeg, baag bekkunu deɗ.

Namba 29:1 ပူးပေါင်းရင်းမြစ်များ

1 Stori 15:28

Anam aakku ag gona, Yawenu Tituanak Nainu Kunup kontrak inak ele aon uɗinna, ag enana, ag musik haknu keeke doɗ qeqeɗippa hak, trampet ele iwalnana, ag simbal hena, laia, harp ele qeppig.

Esra 3:6

Ag kalam eblaih aɗit elenu deɗ digmakppa digmena, Yawenu qaɗabppa manaknu ofa hena, Yawe medappig. Ag Yawenu mettid lagnu men ukku digmena ii meppig, amge ag mana mettak haen amuppa digmen heppig.

Nehemaia 7:73

Ag amu oh hena malona, Lewi buɗubppan mana mettak danab, Lewi buɗubppan mana mettak danab iitta, danab od gumappig, danab ah ahi edappig, Kayaknu mettid lagnu maɗi nid, amu Israel danab laa ele, ag eɗun gona, aab diig ahilkadppa daappig. Aria, ag gona daaegeg ukke, kalam ebqak eblaih aɗit ele digmekkunu ⌊miag do⌋, haen gamag amu oh ag aab diig ahilkadppa aakku daanna,

Nehemaia 8:2

Ag anam appig amunu, kalam ebqak eblaih aɗit ele, kalam amunu deɗ digmakppa amu, mana mettak danab Esra nug ɗonu buk amu awa uɗia, danab, ah, nid ag nakok okkai mak, nai doon diig dooglagnu elele daappig, ag ele oh noolagppa hibaitta dayom.

Sam 81:3

Kalam bau bette haenppa, ag digmena, hobul hekkulagnu, ag trampet iwaleg! Ao, ig hobul kalam kunum bette haenppa hettem ele amu, haen amuppa ele iwaleg!

Sam 89:15

O Yawe, danab ah ag na binan okkai mettaglagnu doon malappig, ag na ele, nahip amahlakppa oitteb amu, ag am itittak ena aoppig daatteb.

Eksodas 23:16

Hobul laa amu Ee Tatam Oɗue Digma Awaknu Hobul. Ag hobul amu henana, ag datta ee ebappig, meu tatam oɗuom amu, ag meu amu aon, amuppa hobul imu gamag ahak ele heig! Amu hobul laa am Pehppa Dayaknu Hobul. Ag hobul amu maɗ batakppa, ag ee oh meu aotteb haenppa, ag hobul imu gamag ahak ele heig!

Eksodas 34:22

Ag wit keeke, oɗue digmena aotteb haenppa, ag Ee Tatam Oɗue Digma Awaknu Hobul gamag ahak ele hekkulag. Laa amu, maɗ alag mauhtte haenppa, ag Pehppa Dayaknu Hobul ele gamag ahak ele heig!

Aisaia 27:13

Ge, danab trampet okkai iwale, danab dotteb, amubia Yawe Nug heeb, laa kekeɗ ag lamatteg, Asiria wanppa gona qettoɗna daatteb, laa Isip wanppa gona qettoɗna daatteb ele amu, ag appanu eɗun uɗin, Jerusalem appa qaukoppa, qauko amuam Kayaknu tituanak daatte, ag appa Yawe noobppa dup nona Nug binag mekkulag.

Lewitikas 23:23

Amu Yawe Nug Moses amegppa aum.

Lewitikas 23:7

Hobul amunu deɗ digmakppa amu, danab ah ag ahilag uɗat ag hanhan hetteb ele uuna, ag Yawe noobppa qagmena dup nona Nug binag mekkulagoitte.

Sekaraia 9:14

Yawe Nug nuhikkud danab ah dilagppa tula ba boppalatteb, nuhig lat doɗo oh pahanab, amemɗi pahaedatte bia gokkulag. Naɗi Yawe Nug trampet iwala, Nug ulah kilibob, atu taɗak yau uɗitteppanu daatte, appanu huana uɗitte, amubia Nug nuhikkud kekeɗ ele ban hekkulagnu gokku.

Namba 28:26

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Haen ag ee bau digmena aonna amu, ag Ee Tatam Oɗue Digma Awaknu Hobul henana, ag Yawe noobppa qagmena dup nona Nug binag meig! Uɗat ag hanhan hetteb am aib heppig. Ag dad ahilagppanu ee bau aona, ee aeg baunu ofa hena, ag aon, Yawe gumidna wana, Nug mettaglag.

Namba 29:12

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Kalam eblaih aɗitppa, deɗ 15ppa, deɗ amuppa ag Yawe noobppa qagmena dup nona Nug binag meig! Ag uɗat hanhan hetteb amu, ag aib heppig. Ag Yawe dabmenana, qagmak gamag ahak ele deɗ eblaih aɗit ele hekkulag.

Namba 29:2

Yawe Nug mana mettak amunu muttuɗignu ooppa ena dookkunu, ag makau gaiɗ laippu laa, sipsip dawai laippu, sipsip gaiɗ eblaih aɗit ele maɗ laippu awak, doɗ oh beɗulagppa eheɗ laa iitta ele amu, ag amu manan, Yawe mettaglag. Amuam manaknu ofa aakku.

Namba 29:35

Deɗ laa, deɗ eblaih ewamppa ag qagmena, dahil mettid henana, ag deɗ oh hanhan uɗat hetteb bia aib heppig.