Namba 28:26 - Nobonob Baibel

²⁶ Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Haen ag ee bau digmena aonna amu, ag Ee Tatam Oɗue Digma Awaknu Hobul henana, ag Yawe noobppa qagmena dup nona Nug binag meig! Uɗat ag hanhan hetteb am aib heppig. Ag dad ahilagppanu ee bau aona, ee aeg baunu ofa hena, ag aon, Yawe gumidna wana, Nug mettaglag.

Namba 28:26 ပူးပေါင်းရင်းမြစ်များ

Eksodas 12:16

Deɗ digmak amuppa amu, deɗ eblaih aɗitppa ele, ag da noolppa qagmena, dup nona binal meig! Deɗ aɗit amuppa amu, ag aib uɗat laala heppig. Ag ee lakkulagnu amu, ag ee amu aakkuib bappaidkkulagnu elele; ag uɗat laa ii hemana.

Eksodas 23:16

Hobul laa amu Ee Tatam Oɗue Digma Awaknu Hobul. Ag hobul amu henana, ag datta ee ebappig, meu tatam oɗuom amu, ag meu amu aon, amuppa hobul imu gamag ahak ele heig! Amu hobul laa am Pehppa Dayaknu Hobul. Ag hobul amu maɗ batakppa, ag ee oh meu aotteb haenppa, ag hobul imu gamag ahak ele heig!

Eksodas 34:22

Ag wit keeke, oɗue digmena aotteb haenppa, ag Ee Tatam Oɗue Digma Awaknu Hobul gamag ahak ele hekkulag. Laa amu, maɗ alag mauhtte haenppa, ag Pehppa Dayaknu Hobul ele gamag ahak ele heig!

Lewitikas 23:10

“Na Israel danab ah nai imu appe doyeg!” awa aum. ⌊Nug Moses amegppa anam a amu, Moses nug ag amelagppa inam aum.⌋ “Haen ag wan da ag madattem ele, ag amuppa tena daanna, ag ee aeg tatam oɗuttenu ehag laa akkan, mana mettak danab toppa wakkulag.

Lewitikas 23:8

Am deɗ eblaih aɗit amu anen anen ohppa, danab ah ag doɗ laa Yawe mettaknu aab aɗunu ofa daakkunu aon, Yawe gumidna wana, Nug mettaglagoitte. Deɗ eblaih aɗitppa amu, danab ah ag uɗat ag hanhan hetteb ele uuna, Yawe noobppa qagmena, dup nona binag mekkulagoitte,” awa aum.

Namba 28:18

Hobul amunu deɗ digmakppa amu, danab ah ag ahilag uɗat ag hanhan hetteb ele uuna, ag Yawe noobppa qagmena dup nona Nug binag mekkulagoitte.

Namba 28:27

Ag deɗ amuppa Yawenu manaknu ofa hekkulagnu, ag doɗ amu aon, Yawe gumidna wana, Nug metteg! Mana mettak amuam manaknu ofa daakku, amu doɗ ag manan, Nug mettaglag am iikku: makau gaiɗ aɗit, sipsip dawai laippu, sipsip gaiɗ eblaih aɗit ele maɗ laippu awak. Mana mettak amunu muttuɗignu, Yawe Nug ooppa ena dootte.

Namba 29:1

Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Kalam eblaih aɗitppa, deɗ digmakppa, deɗ amuppa, ag Yawe noobppa qagmena dup nona Nug binag meig! Uɗat ag hanhan hetteb amu, ag aib heppig. Deɗ amuam ag trampet iwaladppeg, baag bekkunu deɗ.

1 Korint 15:20

Amge anam iitta. Kristus Nug mauhe, Kayak Nug genabnab he, Nug eɗua hibaittom. Nug datta ee tatam oɗue digmen aotteb, amubia Nug danab mauhak amu, Nug ag oolagppanu Nug tatam anuqa eɗua hibaittom.

Jems 1:18

Iitta! Nug nukka dabmak nuhig dim lamitta, Nug nai nuhig doyak diig genabibppanu, Nug amuppa ha, ig Nug danab ag attem daaglagnu dabmeum ele amu, ig amubia daagnignu Nug bauklel ig mekkom.