Namba 28:14 - Nobonob Baibel

¹⁴ Doɗ anen anen mana mettak henana amu, ag wain gokkaɗaknu ofa ele hekkulag. Makau dawai anen anen elenu amu, ag 2 lita wain aon hekkulag; sipsip dawai elenu amu ag 1 lita maha ele aon hekkulag; sipsip gaiɗ maɗ laippu awak elenu amu, ag 1 lita aon hekkulag. Mana mettak amuam maɗ ooppa, kalam anen anen oh, kalam kunum digma bette, haen amuppa hekkulag. Mana mettak amu oh am, manaknu ofa aakku.

Namba 28:14 ပူးပေါင်းရင်းမြစ်များ

Esra 3:5

Ag amu hewona, dimppa ag deɗ ohnu manaknu ofa hattana, ag kalam bau bettenu deɗppan mana mettak ele hattana, aria, hobul dayaknu haen epeɗiak, hobul amuam Kayaknu tituanak daatteb amu, ag hobul amunu deɗ anen anenppan mana mettak ele, ag doɗ manadna, Yawe mettanna, ag ɗo hamu mettaknu ofa ele hattana, Yawe medappig.

Aisaia 1:13

Ag mana mettak hamu haen oh aon uɗitteb amu, da mana mettak amunu, da ool ii daatte. Ag amu baula aib heppig! Ag uueg! Ag kalu danab ile, muttuɗig enanag bette amu, ag kalu amu amotna, da meɗatteb, amge da noolppa danab uɗig naunab doya, baula dookkunu ooppa uuaknab dootte, amubia da doottem. Ag kalam bau deɗppa, Sabat deɗppa, amu Kayak dabmekkulagnu deɗ laala eleppa ag qagmenana, ⌊oɗelagppaib da binal menana,⌋ nau ele hetteb. Da qagmak eheɗ ahilag amu baula anidkkulnu ool iinab daatte.

Jeremaia 48:35

Moap appa da heppi, laa ag kayak hambuppuak dilag mettid lag nakokppa doɗ main, kayak hambuppuak madatteb, ag kalu danab ile muttuɗig enanag bette ele aon manan, ahilkad kayak madatteb ele amu, ag iitta mekkulag.” Yawe Nug anam awa atte.

Esekiel 46:4

Israel dilag okkai nug hanhan Sabatppa manaknu ofa da meɗakkunu nug sipsip gaiɗ eblaih laippu ele, amu sipsip dawai laippu ele awa uɗikku. Doɗ amu oh beɗulagppa eheɗ laa ii daama.

Joel 1:13

Ag mana mettak danab, ag lamen heɗiag ele takkanna mahieg! Ao, ag danab Kayaknu qaɗabppa nuhig ɗo maɗoɗnu uɗat hetteb ele, ag qaneg! ⌊Wit, bali, muɗi grep ele oh bunaɗna, iitta meppig amunu, danab ag ee aegnu ofa, wain gokkaɗaknu ofa ele aon gona, Kayak, ahilag Kayak, Nug laugppa mekkulagnu laa iitta.⌋ Ee amu iitta, mana mettak laa ii daatte amunu, ag danab, ag dahil Kayak noobppa nuhig ɗo maɗoɗnu uɗat henan daatteb ele, ag lamen heɗiag ele takkan, Kayak laug ooppa nona, tuqan appa daan, ⌊oolag eɗueg⌋!

Namba 15:5

Amu laa nug manaknu ofa hette, o nug sipsip gaiɗ mana, Kayak medatte dayeb amu, nug 1 lita wain, wain gokkaɗaknu ofa daakkunu awa hekku.

Namba 15:9

Ag amu hekkulag amu, ag ee aegnu ofa ele hekkulag. Ag ee aegnu ofa makau gaiɗppa hekkulagnu amu, ag 3 kilogram plaua enanag, 2 lita goɗen ele kaboliglag.

Namba 28:15

Ag manaknu ofa, nuhig wain gokkaɗaknu ofa ele deɗ ohppa hena amu, ag meeme dawai laippu ib etta hipunin haknu ofa daakkunu ele manan, da meɗaglag,” awa aum.

Namba 28:7

Ag sipsip gaiɗ mainna amu, ag 1 lita wain aon, ag wain gokkaɗaknu ofa heig! Amuam wain gokkaɗaknu ofa aakku; ag Yawe, ag nuhig mettid haknu peh lakka appa gokkaɗna, Nug mettaglag.

Namba 29:18

Makau gaiɗ, sipsip dawai, sipsip gaiɗ ele oohoak haknu amu, ag ee aegnu ofa, wain gokkaɗaknu ofa ele, ahilag ebqak epeɗiak daatte, amuppaib hekkulag.