Namba 28:11 - Nobonob Baibel

¹¹ Yawe Nug anam anana amu, Nug tuɗitta aum. ⌊“Na Israel danab ah amelagppa, ag hekkulagnunab inam appe doyeg!” awa aum. Nug anam a amu, Moses nug Israel amelagppa inam aum.⌋ “Kalam anen anen dilag deɗ 1ppa amu, ag makau gaiɗ aɗit, sipsip dawai laippu, sipsip gaiɗ eblaih aɗit ele maɗ laippu awak, ag amu aon, Yawe gumidna wana, manaknu ofa hena, Nug metteg! Doɗ amu oh ag beɗulagppa eheɗ laa iitta.

Namba 28:11 ပူးပေါင်းရင်းမြစ်များ

2 King 4:23

Ah nug anam a amu, gamu nug wau oɗ mettom. “Aɗinu na gemunab gokkutnu hettem? Gemu am Sabat deɗnu hobul, o kalam baunu qagmak gamag ahak ele iitta,” awa aum. Nug anam a amu, ah nug amegppa aum. “Na maɗoɗib daye!” awa aum.

1 Stori 23:31

aria Sabat deɗppa, o kalam baunu qagmak gamag ahak ele haenppa, o hobul dayaknu haen epeɗiakppa, amu laa hak haenppa ele, mana mettak danab ag manaknu ofa henan, Yawe mettaegeg, Lewi buɗubppan mana mettak danab iitta ag anam daanna, Yawe amegppa, “Ena heme,” anana, ag Nug binag mekkulagnu daappig. Ag hanhan, ahilag ebqak eleleppa, Yawe ag attem attem hekkulagnu aum bia Yawe noobppa daan, maɗi ahilag hekkulagnu daappig.

2 Stori 2:3

Amu Solomon nug anam hewowa, nug nai laa imu me, Tair dilag king Hiram, nuhigppa ukkom. Nug aum. “Anukka da mamel Dawit nug nuhig lag enanagnab, nug aguppa daakkunu bappaidkkunu heehe, na ad sida kuɗum me uɗiom amu, da na ad amubia baula meppe uɗikkunu ool daatte.

2 Stori 2:4

Da digmein, Yawe, dahil Kayak, da nug laug laa buukkulnu hettem. Da lag amu nuhignu tituane medakkulnu hettem. Lag amuppa amu, ag kalu danab ile muttuɗig enanag bette ilaglag; ag bret Kayaknu tituana mettak daatte hanhan, Sabat bekkunu heebeb, balal laa Kayaknu mettid lag, amuppa daatte, ag bret amuppa mekkulag; aria, ag hanhan buttua, tueb, Sabat deɗppa, kalam bau betteppa, amu hobul dayaknu haen epeɗiakppa ele, Yawe, ihinig Kayak, Nug ippuanattom bia, ag manaknu ofa ele hekkulag. Ɗo amuam ig Israel, ihinignu hanhan daakku.

2 Stori 8:13

Moses nug king doɗ gane Sabat deɗ anen anenppa, kalam bau betteppa, Bret Yis Iitta Lanaknu Hobul Nakokppa, Ee Tatam Oɗue Digma Awaknu Hobulppa, Pehppa Dayaknu Hobulppa ele manatta, Yawe medakkunu haknunab aum amu, Solomon nug amubiaib aakku heum.

Esra 3:5

Ag amu hewona, dimppa ag deɗ ohnu manaknu ofa hattana, ag kalam bau bettenu deɗppan mana mettak ele hattana, aria, hobul dayaknu haen epeɗiak, hobul amuam Kayaknu tituanak daatteb amu, ag hobul amunu deɗ anen anenppan mana mettak ele, ag doɗ manadna, Yawe mettanna, ag ɗo hamu mettaknu ofa ele hattana, Yawe medappig.

Nehemaia 10:33

Men doɗo amuppa Lewi buɗub ag bret henan, balalppa hanhan maknu hetteb ele amu, ag amu hekkulag; ag deɗ anen anen oh ee aegnu ofa, manaknu ofa ele hetteb, ag amu hekkulag; ag Sabat deɗppa, kalam baunu qagmak gamag ahak elenu deɗppa, amu ag hobul dayaknu haen Kayak epeɗiatta maattom, deɗ amuppa ele ag mana mettak hekkulagnu daatte hekkulag; ag mana mettak Kayaknu tituanak daatteb hekkulag; ag Israel dilag ib etta hipunin haknu ofa hena, amuppa ag heeg, eheɗ haknu nob nau doɗ tiigppa iitta mekkunu elele medakkunu hekkulag; aria, ag aɗi keeke laa Kayaknu mettid lag, amuppa henana, keeke daden metteb amu, ag men doɗo amuppa keeke amu oh daden mena hekkulag.

Sam 40:6

O Yawe, na ootppa keeke anuqak am, danab ah ag ofa iɗu iɗu na mettaglagnu ii daatte. Ge, danab ag nahip qaɗabppa manaknu ofa, ib etta hipunin haknu ofa ele na mettaglagnu amu, na amunu ootppa keeke anuqak ii doottem. Kobol na amunu anuqak doottem ele am, danab nug nahip nai dim lamidkku.

Sam 40:8

O dahil Kayak, nahip dabmaknab awak aɗi daatte amu, da amu hekkulnu ool daatte. Yo, nahip ɗo amu, da oolppa memi daatte”.

Sam 81:3

Kalam bau bette haenppa, ag digmena, hobul hekkulagnu, ag trampet iwaleg! Ao, ig hobul kalam kunum bette haenppa hettem ele amu, haen amuppa ele iwaleg!

Sam 81:4

Am ig hobul anam hekkunignu diig am, Kayak Nug ig Israel danab ah, ig anam hekkunignu ɗo amu mekkom. Ao, Jakopnu Kayak Nug ig ɗo amu mekkom.

Aisaia 66:23

Am inam bekku. Kalam baunu qagmak gamag ahak ele anen anen ohppa, amu Sabat deɗ anen anen ohppa amu, danab ah wanppanu wan ohppanu ag uɗin, da noolppa dup nokkulag.

Esekiel 46:1

Naɗi Yawe Nug inam atte. “Mana mettak danab dilag haɗapnu od kaɗag uɗitteppanu daatte, od amuam deɗ eblaih laippu ele, ag uɗat hettebppa, od amuam deɗ amu ohppa manakib daakku, amge Sabatppa, kalam bau betteppa ele, ag od amu matulkkulag.

Esekiel 46:6

Aria, kalam bau betteppa amu, Israel dilag okkai nug makau gaiɗ laippu, sipsip gaiɗ eblaih laippu ele, amu sipsip dawai laippu ele mana mettak hekkunu awa uɗieb, mana mettak danab ag manadna da meɗaglag. Doɗ amu oh beɗulagppa eheɗ laa ii daama.

Esekiel 46:7

Nug makau gaiɗ, sipsip dawai ele diiata uɗia, nug doɗ aɗit amu anen anennu ee aegnu ofa hekkunu, nug 14 kilogram ee aeg ganuɗak ele awa uɗiaɗ! Amu nug sipsip gaiɗ anen anen dilagnu amu, nug nukka, nug ee aegnu ofa hekkunu, nug ee aeg ganuɗak ele kilogram gane meɗakkunu dabmette ele amu, nug anamib awa uɗikku. Aria, nug ee aeg ganuɗak ele ee aegnu ofa gane hekkunu awa uɗitte amu, anen anennu nug 3 lita olip goɗen ele awa uɗikku

Hosea 2:11

Da geha heppi, nug qagmak gamag ahak ele laa ii hema; amuam maɗ anen anennu qagmak gamag ahak ele oh, kalam baunu qagmak gamag ahak ele, Sabat deɗnu ele. Amu oh am hobul dayaknu haen epeɗiak aakku. Ao, geha nug hobul oh, da nug hekkunu tituanmi amu, da heppi, nug ii hema.

Lewitikas 1:13

Amge ofa mameg nug tatam ooppan keeke, gamag, uɗuag, biig keeke, amu baekkud ele oh amu, nug leppa ihakkuoitte. Amu malak amu, mana mettak danab nug doɗ kunum oh awa, aakku qaɗabppa mana, Yawe medakku. Mana mettak amuam manaknu ofa; am aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Lewitikas 1:3

Am laa ⌊nug ofa mameg,⌋ nug manaknu ofa hekkunu haaha, nug makau awa dotte dayeb, Yawe Nug mana mettak amunu ena doya aokkunu amu, ofa mameg nug makau dawai laa beɗuppa eheɗ laa iitta ele awa doa, nug Yawe gumitta ukka, mettid haknu peh lag danab ah appa qagmetteb ele, nug lag amu odppa, Yawe medakkuoitte.

Lewitikas 1:9

Amge ofa mameg nug tatam ooppan keeke, gamag, uɗuag, biig keeke, amu baekkud ele, amuam tatam leppa ihakkuoitte. Amu malak amu, mana mettak danab ag doɗ kunum oh aakku qaɗabppa manan, Yawe mettaglag. Mana mettak amuam manaknu ofa; am aab aɗunu ofa aakku. Mana mettak amunu muttuɗignu, Yawe Nug ooppa ena dootte.

Amos 3:5

Danab laa nug ai awaknu uhui ii meum, amuppa ai nug uhui ooppa nottete? Iitta! Doɗ nug baeg uhui ooppa ii me no amu, uhui nukka ba tettete? Iitta!

Amos 8:5

Ag akka ag inam atteb. “Kalam baunu qagmak gamag ahak ele imu paha iitta meeb, ig gota, ig ee daden maknu abenppa laa daden mekkulagnu ee mekkunignu oonig hette,” aon atteb. Ao, ag, “Ig Sabat imu iitta meeb, ig gota wit dadennu mekkunignu oonig daatte,” aon atteb. Ag maket henana, ag doonna skel eheɗppa uɗat heeg, keeke danab aotteb ele am happiak, elele ii aon, men doɗo amunu awaknu ele, eleleppa ii aotteb. Iitta. Ag men doɗo attan tak mattan aotteb.

Namba 10:10

Trampet iwalak amu ehanatteb, ag da, ahilag Kayak, ag dahilnu ag daulagppa dokku amunu, ag qagmak gamag ahak ele haknu haenppa, amuam hobul dayaknu haen epeɗiak, aria kalam bau bettenu hobul ele, ag haen amuppa manaknu ofa hetteb, laippu dayaknu ofa ele hetteb, haen amuppa ag trampet ele iwaleg! Da am Yawe, ahilag Kayak,” awa aum.

Namba 28:19

Deɗ amuppa amu, ag Yawenu aab aɗunu ofa hena, amunu doɗ aon, Yawe gumidna wana, Nug metteg! Amuam manaknu ofa daakku. Ag mana mettak amu hekkulagnu amu, ag doɗ imu main, Nug mettaglag: makau gaiɗ aɗit, sipsip dawai laippu, sipsip gaiɗ maɗ laippu awak ele eblaih aɗit ele. Amu oh ag beɗulagppa eheɗ laa iitta.

Galesia 4:10

Ag Kayak noobppa ena daaglagnu ag hanhan deɗ okkai amu kalam bau bak, mettid okkai amu maɗ bau ele anidna, amuppa gun mena daatteb. Amu elele iitta.

Kolosi 2:16

Kayak Nug anam heum amunu, ag uuppeg, danab laa nug nuhig dabmakppanu ee lanaknu, le lanaknu amu deɗ okkai mettidnu, kalam baunu mettidnu amu Sabatnu ele ɗo laala, ag dim lamidkkulagnu ii mema.

Kolosi 2:6

Ag Jesus Kristus, Nug amu ahilag Naɗi daakkunu ag oolag matulppig amunu ag tuɗidna, anamib Nug ele dayeg!

1 Samuel 20:5

Jonatan nug anam a amu, Dawit amegppa aum. “Antte! Butti am kalam baunu qagmak gamag ahak elenu deɗ, amu da geha king ele daaɗɗa, ee lakkunihnu daatte. Da hekkulnu aakku daatte, amge na appe, da geha ukke, aab dimittim dad okkaippa lokkumak aben eleppa lokkume daappi ukkeb, laatu tueb batak.

1 Samuel 9:12

Amu Saul, nuhig maɗi nid ele aa anam oɗ mattaeh, ag appig. “Ge, nug geha iikku anuqa aabppa teum. Gemu ippan danab amu, ag aabnu mettid lag nakokppa doɗ laa main, Kayak mettaglag amunu, nug gemu ig appanigppa uɗiom. Nug gemuib uɗiom amunu, aa anidkkulahnu paha teiɗ!