Namba 27:18 - Nobonob Baibel

^18-19 Moses nug anam Yawe amegppa a amu, Nug Moses amegppa aum. “Da Ouɗil amu Nan bekka Josua, nuhigppa daatte amunu, nug onigppa eppe uɗiaɗ! Nug uɗieb amu, na heppe, nug mana mettak danab Eleasar, amu danab ah oh ele noolagppa hibaitta dayebeb, baɗ mette! Amu na anam hekkutnu amu, na nug aakku nahip aben aokku ippunattak henana, nug gukka laplap eppen mekkut.

Namba 27:18 ပူးပေါင်းရင်းမြစ်များ

Genesis 41:38

Ag anam doon amu, Paro nug nuhikkud danab amelagppa aum. “Ig danab laa nug Kayak Ouɗi ele imubia ii anidmata. Laa ippa ii daatte,” awa aum.

1 Stori 7:27

Elisama bekka am Nan. Nan bekka am Josua.

Eksodas 17:9

amu Moses nug danab laa onig Josua amegppa aum. “Na ihinig danab laala otiadppe, ag oh gona, Amalek aqeg! Butti ag anam hebeppeg, da am geha qauko nakok umu igippa hibaittette, da dudqak hokkat, Kayak Nug da maokkulnu aum amu, da amu aɗen daakkul,” awa aum.

Daniel 5:14

Laa kayak ouɗilag nahip-ppa dayeye, na dabmak meu unuqagnu ele, na dabmak pehettak ele, na doyak dabmak ena okkainab ele a doomi.

Namba 11:17

Ag hippaidna daappeg, da geha noppi, appa na ele nai mattignih, amu da dahil Ouɗi nahip-ppa dayaya ehanidtte amu, da heppi, Nug danab 70 amu, ahilagppa dayaya ehanadkku. Geha da amu heppi, ag na ehanidna, uug danab ah imu na medatteb ele amu, ag uug amu ele maoglag. Geha ib amuppa na nakka ii hemana.” Yawe Nug Moses amegppa anam aum.

Namba 13:16

Danab amu ag, Moses nug ag Kanan wan tutukku neegna anidkkulagnu maatte goppig. Josua nug am Nan bekka. Tatam amu, nug onig Hosia dayom, amge Moses nug onig Josua ataɗom.

Namba 13:8

Israel dilag huu okkai Epraimnu am, Nan bekka Hosia.

Namba 27:23

Nug anam hibaitta dayeye, Yawe aum bia, Moses nug eppeg qaɗeppa ma, baɗ mettom.

Jon 3:34

Yo, laa Kayak me uɗiom amu, Nug Kayak nai maditte. Aɗinu? Kayak Nug nuhig Ouɗi ambak medatte.

Aposel 13:3

Aria, ag tuɗidna ee ohnu kud mena daan unuqittona, ag eppelag qaɗelahppa mena heeg, aa ahai gopiɗ.

Aposel 19:6

Pol nug eppeg qaɗelagppa me, Kayak Ouɗi ne aona, ag aabaab nailagppa nai mattinna, ag propet nai mehuqppig.

Aposel 6:3

amunu, O lainkad, ig inam hekkunig. Ag oh oolagppanu ag danab eblaih aɗit laa, danab ah ag danab amunu ena elele dootteb, ag Kayak Ouɗi aoppig, ag doyak dabmak ena ele amu, ag danab eblaih aɗit amubia anatteg! Danab amu ig uɗat amu madapput, ag hekkulag.

Aposel 6:6

Ag danab amu otiadna heeg, totol danab 12 noolagppa hibaitteg, ag eppelag qaɗelagppa mena, ahilagnu unuqidppig.

Duteronomi 1:37

⌊Dahilnu amu,⌋ Yawe Nug ag beɗulagppa ha, dahilnu ele oo nauhe, ⌊haen amuppa⌋ da amelppa aum. “Na wan amuppa ii nomana!

Duteronomi 3:21

Haen amu da Josua amegppa haknunab nai imu ami. “Na keeke oh Yawe, nahip Kayak, Nug king aɗit imu dilahppa heum amu, na anidme. Nug heum biaib, king ag wan laih Jodannu qaban uɗitteppanu daatte gumatteb ele, Nug amu dilagppa ele anamib hekku.

Duteronomi 3:28

Amge na Josua, nug geha danab ah imu anuqa omalatteb, ag Jodan le mataɗna, nug geha wan na gemu amenppa anidkkut ele, nug danab ah ehanatteb, ag wan amu aoglag amunu, na aakkude nug amegppa nug, amu genabnab genab hekkunu anana, ɠagattag mette!” Yawe da amelppa anam aum.

Duteronomi 31:14

Aakku Yawe Nug Moses amegppa aum. “Na mauhkkutnu haen aakku doum. Na Josua appe uɗieb, na nug ele oh dahil mettid haknu peh lag danab ah appa qagmetteb ele, aa appa gumiɗya doya daapeɗ, da nug ehah medakkul,” awa aum. Yawe Nug anam aum amunu, Moses, Josua ele aa goya, mettid haknu peh lag, danab ah appa Nug noobppa qagmetteb ele, aa peh amu odppa, Yawe gumiɗya doya daapiɗ.

Duteronomi 31:23

Aria, Yawe ⌊aum bia, Moses, Josua ele aa mettid haknu peh lag odppa daaeheh, Yawe amu mattia mala,⌋ Nug Nan Bekka Josua, ehah nai imu mettom: “Na ɠagattag daan, ootppa ɠagattag ele doye! Aɗinu? Da Israel danab ah wan madakkulnu, dahil nai ɠagattag qette ami amu, na ag amuppa omaladna nokkutoitte. Da ag ele daagnig,” awa aum.

Duteronomi 31:3

Amge Yawe, ahilag Kayak, Nugnab geha le mataɗa, ag noolag awa, anuqa gokku. Nug geha heeb, ag Israel ag danab wan anen anenppa appa ana daatteb ele, ag lamadna heppeg nauhppeg, ahilkad wan ag aon gumaglag. Yawe Nug nai aum bia, Josua nug ahilag ikki danab dayebeb, ag ele gokkulag.

Duteronomi 34:9

Moses nug matu eppeg Josua qaɗeppa meum amunu, Nan bekka Josua nug doyak dabmak ena okkai ele. Nug doyak dabmak ele okkai amunu, Israel danab ah ag nug oɗe dim lamidna, keeke ohnu Yawe Nug Moses amegppa haknunab anak aum amu, ag heppig.

1 Timoti 4:14

Haen tamaniaknu ikki danab ag eppelag na baɗenppa meeg, propet nai laa nahipnu mattieg, na Kayaknu uɗat hekkutnu ehah aome amu, na uɗat amu daut aib atiom; aib uume.

1 Timoti 5:22

Na danab laa paha aon, tamaniak ikki daakkunu eppen qaɗeppa aib meme. Na laa ag hipunin hetteb ele amu, na ag ele hipunin aib heppig! Na nakka beɗun atognonana, oppiak daye!

Hibru 6:2

layattak digdignu nai, eppeg danab qaɗeppa maknu nai, Kayak Nug mauhak danab maɗetteb eɗua hibaittaknu nai, Kayak Nug danab ah oh ag epeɗiatteb, ag hanhan nob ena o iitta nob nau aon daaglagnu nai ele amu, ig nai amuib ii mattimta.

Josua 1:17

Ig haen oh Moses oɗe doota dim lamidmut bia, ig na oɗen doota dim lamidkkunig. Ig oonig keeke laippunu aakkuib niitte. Amuam Yawe, nahip Kayak, Nug Moses ele daapiɗ bia, Nug na ele anam daaglahnu oonig hette.

Ikki Danab 11:29

Haen amuppa Yawenu Ouɗi Nug Jepta, nuhigppa uɗia a, Jepta nug daup ag Amon danab ele ban hekkulagnu dim lamidkkulagnu nug Gileat wan ooppa, Manase wan ooppa ele oiya oiya ukka, nug Gileat wanppa Mispa teum. Appanu nug Amon banelag ukkom.

Ikki Danab 3:10

Amu Yawenu Ouɗi Otniel nuhigppa uɗia he, Otniel nug Israel dilag epeɗiak danab beum. Nug Aram dilag king Kusan Risataim ele ban hekkulahnu ukke, Yawe he, Otniel ban eɗittom.

1 Samuel 16:18

Saul nug ag amelagppa anam a, Saulnu maɗi nid laa nug Saul amegppa aum. “Da Betlehem ted Jesi bekka laa anidmi. Nid amu nug harp qaknu, enanag hette. Danab amu nug ooppa ɠagattag doyak ele; nug am banppa ban ena hette ele. Nuhig mattiak am ena; nug iɗu ele am tuqak ele. Laa ele amu, Yawe nug ele daattep,” awa aum.