Namba 26:65 - Nobonob Baibel

⁶⁵ Aɗinu? Yawe Nug Israel danab ah amelagppa, danab ah tatam ebaqak ele ag oh atu taɗakppa mauhkkulagnu aum ele amu, genab anam aakku beum. Laippu laa ii dayom, Jepune bekka Kalep, Nan bekka Josua ele, aa aakkuib aakku daapiɗ.

Namba 26:65 ပူးပေါင်းရင်းမြစ်များ

Sam 37:9

⌊Ag nau anam aib heppig.⌋ Aɗinu? Nau hak danab ag geha nauhkkulag. Amge aun aɗi ag Yawenu oolagppa genab dootteb, geha ag ii nauhmana. Ge, ag geha ag aulag wan imu aɗan daaglag.

Eksodas 12:37

Israel ag aab okkai Rameses uun ahan, ag aab okkai Sukot goppig. Am danab 600,000 keeke anam ahan goppig, amge ag ah, nid naunau ele amu, ii ebaqappig.

Namba 14:26

Amu Yawe Nug tuɗitta, Moses, Aron ele amelahppa aum.

Namba 14:32

Amge ag amu, ag atu taɗakppa mauhadkkulag.

Namba 14:35

Da, da Yawe, geha da keeke imu oh genab, danab oh ag da diimeɗan, nau heppig ele, da ahilagppa hekkulnunab ami amu hekkul. Ag oh tamanin, da nai ami amu tappaeg neum. Ag geha atu taɗakppa iitta mekkulag; ag geha aben amuppa mauhkkulag,” awa aum.

Namba 14:38

Danab 12 ag wan amu italkkulagnu goppig, amge Nan bekka Josua, amu Jepune bekka Kalep ele aakkuib amu bau daapiɗ.

Namba 27:3

“Ig mamenig am atu taɗakppa mauhom. Nug am Koranu huuppa ii dayom. Danab amu ag Yawe waappa daaglagnu uun, nuhig nai tappaeg neum. Nug am ahilag huuppan iitta. Iitta. Nug nuhig hipunin, diig amunu nug mauhom. Nug mauhom, amge nug bekkod iitta.

Namba 34:19

Israel dilag huu okkai anen anenppanu danab otiadkkulag ele onilag amu iikku. Kalep, nug am Jepune bekka. Nug am Israel dilag huu okkai Judanu.

Rom 11:22

Anam amunu, ag Kayaknu oo bodoettak kobol, amu nuhig ɠagattag hak kobol ele ag antteg! Danab ag nuhig kobol dimedappig ele, Nug ɠagattag kobol nuhig ag ippunadtte, amge ag iitta aɗi ag gemu nuhig oo bodoettak kobol anidtteb. Amu ag oo bodoettak kobol nuhig amu ooppa daappeg, Nug ena hadakku, amge ag anam ii daappeg am Nug ag otakkatteb daaglag.

Duteronomi 1:36

Jepune bekka Kalep nug aakkuib wan amuppa nokku. Nug wan amuppa nokkunu diig am, nug da, Yawe, nug da tutukkunab dim lamiɗom. Da geha nug, am nug buɗuppan ele, wan haen nug lokkumakppa itala oiyom ele, da wan amu laa ag madakkul,” awa aum.

Josua 5:4

Josua nug amu heumnu diig am inam: Israel danab oh ag ban hekkulagnu maɗ elele daan, Isip uun uɗippig ele, ag atu taɗakppa uɗinna, ag mauhadna malappig. Danab amu, ag Isip uun uɗippig amu, ag oh gaɗa otaɗak matu aon malappig, amge ag atu taɗakppa oinna, ahilkad nid danab doppig amu, ag ag gaɗalkad ii otaɗadppig. Danab ag ban hekkulagnu maɗ elele daan, Isip uun uɗippig amu, ag Yawe oɗe ii dim lamidppig amunu, Nug ag wan laa, wan amuam wan enanag, wan ittag ele, amuppa ee meu huana otte amu, Nug ag wan amu ii anidmananu Nug onigppa nuhig nai ɠagattag qetta aum amunu, danab ag Israel atu taɗakppa maɗ 40 oinna, danab amu ag mauhegeg ukke ukke, ag oh mauhadna malaeg, ag bekkalkad aakku daappig. Wan ag mauhna, ii anidppig am Kanan wan. Yawe Nug danab ag Nug oɗe ii dim lamidppig mamelkad aɗi amelagppa wan amu ig megakkunu nuhig nai ɠagattag qetta aum. Danab amu ag Yawe oɗe ii dim lamitteg, Yawe Nug ag wan amu ii anidmananu a, ag atu taɗakppa oinna, ag, ag bekkalkad gaɗalkad ii otaɗadppig ele, bekkalkad ag aakku anam daaeg, Josua nug ag gaɗa otaɗak awaknu aakku heum. Aɗinu? Ag matu gaɗa otaɗak ii aoppig; ag mamelkad atu taɗakppa oinna, ag gaɗalkad ii otaɗadppig.

Jut 1:5

Aria, ag dahil nai imu ebqetteb ele amu, ag nai imu oh dootteb, amge ag daulagppa eɗua dokkunu attem. Nai amuam inam. Naɗi Nug Israel danab Isipnu eɗua diiom, amge dimppa Nug danab laa nuhignu oolagppa genab ii dooppig ele amu he, ag padal meppig.