Namba 26:64 - Nobonob Baibel

⁶⁴ Moses, amu mana mettak danab Aron ele, aa Israel danab ah ebaqak, Sinai atu taɗakppa appa hepiɗ, amge danab ah amu oh ag mauhadppig. Laippu laa bau ii dayom.

Namba 26:64 ပူးပေါင်းရင်းမြစ်များ

Namba 14:29

Ag atu taɗakppa mauhlob am ena appig amunu, ag geha atu taɗak imuppa mauhkkulag. Aun aɗi oh ag maɗ 20, o iitta maɗ 20 eɗittak ebaqappig ele, ag dahilppa naittuɗ mena appig ele, ag geha atu taɗak imuppa mauhkkulag.

Namba 14:32

Amge ag amu, ag atu taɗakppa mauhadkkulag.

Namba 26:63

Danab amu, Moses, am mana mettak danab Eleasar ele aa ebaqapiɗ. Israel ag Moap uɗem, Jodan ihippa, laih, Jerikonu ukkakppanu, appa daappig.

Namba 27:3

“Ig mamenig am atu taɗakppa mauhom. Nug am Koranu huuppa ii dayom. Danab amu ag Yawe waappa daaglagnu uun, nuhig nai tappaeg neum. Nug am ahilag huuppan iitta. Iitta. Nug nuhig hipunin, diig amunu nug mauhom. Nug mauhom, amge nug bekkod iitta.

1 Korint 10:5

Amge Kayak Nug danab ah kuɗum ag ahilag eheɗ hak nau amu andatta, amuppa Nug ahilagnu oo ena ii dayom amunu Nug he, ag atu taɗakppa mauhppig.

Hibru 3:17

Kayak Nug maɗ 40 haen amu ohppa aun aɗi dilagnu oo nauhak doyom? Amuam danab ah ag hipunin qenana, mauhna atu taɗakppa niippig. Kayak Nug ahilagnu oo nauhak doyom.

Josua 5:4

Josua nug amu heumnu diig am inam: Israel danab oh ag ban hekkulagnu maɗ elele daan, Isip uun uɗippig ele, ag atu taɗakppa uɗinna, ag mauhadna malappig. Danab amu, ag Isip uun uɗippig amu, ag oh gaɗa otaɗak matu aon malappig, amge ag atu taɗakppa oinna, ahilkad nid danab doppig amu, ag ag gaɗalkad ii otaɗadppig. Danab ag ban hekkulagnu maɗ elele daan, Isip uun uɗippig amu, ag Yawe oɗe ii dim lamidppig amunu, Nug ag wan laa, wan amuam wan enanag, wan ittag ele, amuppa ee meu huana otte amu, Nug ag wan amu ii anidmananu Nug onigppa nuhig nai ɠagattag qetta aum amunu, danab ag Israel atu taɗakppa maɗ 40 oinna, danab amu ag mauhegeg ukke ukke, ag oh mauhadna malaeg, ag bekkalkad aakku daappig. Wan ag mauhna, ii anidppig am Kanan wan. Yawe Nug danab ag Nug oɗe ii dim lamidppig mamelkad aɗi amelagppa wan amu ig megakkunu nuhig nai ɠagattag qetta aum. Danab amu ag Yawe oɗe ii dim lamitteg, Yawe Nug ag wan amu ii anidmananu a, ag atu taɗakppa oinna, ag, ag bekkalkad gaɗalkad ii otaɗadppig ele, bekkalkad ag aakku anam daaeg, Josua nug ag gaɗa otaɗak awaknu aakku heum. Aɗinu? Ag matu gaɗa otaɗak ii aoppig; ag mamelkad atu taɗakppa oinna, ag gaɗalkad ii otaɗadppig.