Namba 26:55 - Nobonob Baibel

⁵⁵ Nug wan paniadkkunu amu, dottogppa obateb neeb, maha 11 daappeg, nug om ena ya paniadkku. Israel dilag huu okkai anen anen, ag tatam beppig daatteb amu, ag wan maha atten aotteb amu, ag ahilag huu okkai onig aɗeg!

Namba 26:55 ပူးပေါင်းရင်းမြစ်များ

Prowerb 16:33

Danab ag aɗi hekkulagnu om ena yaatteb; amge om ena yaak oh aɗi aɗi ippunigtte, amuam Yawe eppegppanu uɗitte.

Prowerb 18:18

Om ena yaakppa nai hak am babaittak daatte. Ao, om ena yaak am he, danab ɠagattag dilag nug qak aakku iitta mette.

Esekiel 47:22

Wan amuam ahilag, ag aulag daakkunu anam paniglag. Wan amuam Israel dilag, ag aulag anam daakku, amu wan laihnu danab, ag uɗin, ag oolagppa daanna, nid menuadppig ele amu, ag aulag ele daakku. Ag Israel ag danab ah amu dilagnu, ‘Ag ig ele am laippu,’ dooglag. Ag Israel ag wan laa ahilag, ag aulag daakkunu panin aoglag, danab ah amu ele, ag wan laa, ag aulag daakkunu, ag Israel oolagppa panippeg aweg!

Namba 26:56

Nug huu, danab ah kuɗum ele wan okkai matta, nug huu danab ah kuɗum iitta ele, am wan nakok madakkuoitte. Nug anam hekkunu amu, nug om ena ya paniadkku,” awa aum.

Namba 33:54

Ag wan amu om ena yaakppa, aab ikki anen anen panin mattaglag. Ag aulag daakkunu aab ikki okkai anen anen amu, ag wan okkai mattaglag, aab ikki nakok anen anen amu, ag wan nakok mattaglag. Aɗi keeke ahilagppa watte amu, ahilag aakku daakku. Ag Israel ag ahilkad huu okkai ag tatam beppig daatteb amu, ag amu dabmenana paniatteg!

Namba 34:13

Amu dimppa amu, Moses nug Israel amelagppa ag inam hekkulagnunab aum. “Wan aug, ahilag daakkunu amu, ag om ena yaakppa paniatteg! Yawe Nug Israel dilag huu okkai eblaih waɗele, amu Israel dilag huu okkai laa mahaib ele, amu panin mattaglagnunab aum.

Namba 36:2

“Yawe Nug na, ihinig naɗi, Nug na ig Israel, na om ena yaak kobolppa hena, aulag wan paniadna, ihinig daakkunu megakkutnunab aum. Amu Nug na ig lainig Selopehad aug wan amu, ig nug aɗekkud madakutnunab ele aum.

Aposel 1:26

Anam unuqittona, aria ag oom ena yaak hena, Matias anam daakkunu anidppig. Ag anam anidna, totol danab 11 amu ele tuɗidppig.

Kolosi 1:12

ag ig Mamenig amegppa, “Ena heme,” akkulag. Aɗinu? Nug he, ag keeke oh, Nug ag aoglagnu tituanom amu, ag amu aoglagnu elele daatteb. Ao, geha ag, amu Kayaknu danab ah oppiaawak ele laa ele, ig oh nuhig ɗo maɗoɗ, amahlak ele ooppa daattem amu, ig oh ele aognig.

Josua 11:23

Amunu Josua nug Yawe, Moses amegppa haknunab aum, amubianab wan amu oh eɗattom. Nug Yawe, Moses amegppa aɗi aɗi hakknunab aum amu, nug tutukku dim lamitta heum. Nug wan amu Israel aulag daakkunu pania mattom. Nug otia, Israel dilag huu okkai anen anen, ag mattom. Israel ag wan aoeg dimppa amu, ag maɗoɗ daappig.

Josua 14:2

Danab ag wan paninna, Israel dilag huu okkai eblaih waɗele, amu Israel dilag huu okkai mahaib laa ele ag aoppig amu, danab amu ag om ena yaan, wan, ag aulag daakkunu panippig. Yawe Nug Moses oɗeppa ag anam hekkulagnunab ippuanattom amu, ag aakku heppig.

Josua 17:14

Aria, Josep buɗub ag Josua gumidna gona appig. “Yawe Nug itikke, ig apattata, kuɗumnab daattem, amu na aɗinu om ena yaakppa wan maha laippuib, ig aunig daakkunu mekkame?” aon amegppa appig.

Josua 18:6

Ag anam wan maha eblaih aɗit ele dottog keeke hena, aon uɗin meɗappeg, da geha Yawe, ihinig Kayak, da Nug noobppa om ena yaak heppi, huu anen anen ag maha atten atten awaknu ippunikkeb, ig ahilag doognig.

Josua 19:1

Josua nug om ena yaak ebqak aɗit ha antta, om ena yaak ippunittom bia nug wan maha ebqak aɗit Israel dilag huu okkai Simeon baekkudppa, ag aulag daakkunu mattom. Wan amu Juda dilag wan atuppa aakkuib dayom.

Josua 19:10

Josua nug om ena yaak ebqak ewam ha antta, om ena yaak ippunittom bia nug wan maha ebqak ewam Israel dilag huu okkai Seblon baekkudppa, ag aulag daakkunu mattom. Sarit am Israel dilag huu okkai Seblonnu laih yau uɗitteppanu tomppa dayom.

Josua 19:17

Josua nug om ena yaak ebqak waɗele ha antta, om ena yaak ippunittom bia nug wan maha, ebqak waɗele Israel dilag huu okkai Isakar baekkudppa mattom.

Josua 19:24

Josua nug om ena yaak ebqak tanig ele ha antta, om ena yaak ippunittom bia nug wan maha, ebqak tanig ele Israel dilag huu okkai Aser baekkudppa mattom.

Josua 19:32

Josua nug om ena yaak ebqak eblaih laippu ele ha antta, om ena yaak ippunittom bia nug wan maha ebqak eblaih laippu ele Israel dilag huu okkai Naptali baekkudppa mattom.

Josua 19:40

Josua nug om ena yaak ebqak eblaih aɗit ele ha antta, om ena yaak ippunittom bia nug wan maha, ebqak eblaih aɗit ele Israel dilag huu okkai Dan baekkudppa, ag aulag daakkunu mattom.