Namba 26:54 - Nobonob Baibel

⁵⁴ Nug huu okkai anen anen dilag amu, nug wan okkai, ag otia madakkuoitte, amge nug huu naunau anen anen dilagnu amu, nug wan nakok otia madakkuoitte. Nug huu, ahilag melemel anen anenppa elele elele otia madakku. Wan ag otieb aoglag amu, amuam ag aulag daakku.

Namba 26:54 ပူးပေါင်းရင်းမြစ်များ

Namba 26:53

“Dimppa, Israel danab ag kekeɗ, wan ag gotteb eleppan eɗattona, danab nug wan otia madakku ele, nug huu anen anennu ebqak gane doya dabmaama, ahilagnu wan, ag aulag daakkunu, elele paniadkkuoitte.

Namba 32:3

“Yawe, danab ah wan imuppa daappig ele amu eɗadkkunignu ig Israel ehanikkom. Aab okkai wan imuppa daappig ele onilkad amu inam; Atarot, Dibon, Jaser, Nimra, Hesbon, Eleale, Sebam, Nebo amu Beon ele. Wan aab okkai amu taliliattak amu makau, sipsip ele ag gikkiɗah lakkulagnu enanag ele. Ig, nahip maɗi nid, ihinkad makau, sipsip am doɗ laala kuɗum ele daattem,

Namba 32:5

amunu na ootppa ihinignu ena doottem dayeb amu, na wan imu, ig, ig am nahipad maɗi nid amu, na ig megakkutnu oonig huana hette. Megappe, ihinig dayebeb, ig wan amuppa daagnig. Na heppe, ig Jodan le mataɗta, laih wata, appa daagnignu oonig ii daatte.” Ruben buɗub, Gad buɗub ele, danab amu ag anam aakku appig.

Namba 33:54

Ag wan amu om ena yaakppa, aab ikki anen anen panin mattaglag. Ag aulag daakkunu aab ikki okkai anen anen amu, ag wan okkai mattaglag, aab ikki nakok anen anen amu, ag wan nakok mattaglag. Aɗi keeke ahilagppa watte amu, ahilag aakku daakku. Ag Israel ag ahilkad huu okkai ag tatam beppig daatteb amu, ag amu dabmenana paniatteg!

Namba 35:8

Israel danab ag Israel dilag huu okkai anen anen dilag wan am, aab okkai gane daatteb, ag amu anidnana, aug wan amu, nuhig aab okkai gane daatteb, melemel amuppa ag huu amunu aab gane Lewi buɗub mattaglag, ag amu dabmekkulag. Israel dilag huu okkai laa nug nuhig wanppa aab okkai kuɗum ele amu, amuppanu ag aab kuɗum mattaglag; laa am nuhig wanppa aab okkai kuɗum iitta ele amu, ag amuppanu kuɗum iitta mattaglag,” awa aum.

Josua 17:14

Aria, Josep buɗub ag Josua gumidna gona appig. “Yawe Nug itikke, ig apattata, kuɗumnab daattem, amu na aɗinu om ena yaakppa wan maha laippuib, ig aunig daakkunu mekkame?” aon amegppa appig.

Josua 19:9

Juda dilag wan am okkainab, ag wan amu oh uɗat mettaglagnu elele iitta amunu, ag laih oppatna, Simeon buɗub madappig. Juda danab, ag ahilag wan okkainab amunu, Israel dilag huu okkai Simeon, ag wan amu ooppanu maha laa, ag aulag daakkunu aoppig.